mánadagur 12. september 2011síða 11

11 Mánadagur 12. september 2011 · Nr. 105 Sosialurin Vilmund Jacobsen Tað eru serliga menn, sum royna við snellu, ið hava fýlst at broytingunum hjá Johan Dahl, landsstýrismanni, um inn­­tøkumark á 400.000 krónur fyri at kunna roknast sum full­rikin útróðrarmaður í bólki 5. Teir, sum rógva út við snellu, hava ført fram, at tað bert verða nakrir heilt fáir útróðrarmenn, sum klára inntøkumarkið, og tá teir ikki klára tað, missa teir rættin til at veiða í bólki 5 A – og detta soleiðis niður í bólk 5 B við rættindum hjá parttíðarútróðrarmonnum. Landsstýrismaðurin hev­ur ført fram, at útróðrar­ menn, sum ikki megna treytir­­­nar í bólki 5 A og so­ leiðis enda niðri í bólki 5 B, kunnu fiska seg uppaftur í bólkin hjá fullriknum útróðrarmonnum. - Men við tað, at nógvir bátar helst detta niður í hendan bólkin, samstundis sum skerj­ingin í dagatalinum í verandi fiskiári hjá útróðrar­ flotan­um er 20%, er lítil møgu­leiki fyri at fiska seg uppaftur. Er trupult at halda seg í bólki 5 A nú, verður upp­aftur truplari at fiska seg uppaftur úr bólki B, siga útróðr­ar­menn, sum fiska við snellu. Øðrvísi við línu At inntøkumarkið fyri at varðveita rættin at veiða í bólki 5 A er 400.000 krónur, merkir, at samlaða avreið­ ingarvirðið í einum fiskiári skal svara til hetta tal. Í útróðri er tað soleiðis, at nakrir menn fiska við snellu burtur av, og aðrir fiska við línu burtur av. Síðan eru tað nakrir útróðrarmenn, sum kombinera sína drift, soleiðis at teir viðhvørt royna við línu og viðhvørt við snellu – alt eftir árstíðini. - Sjálvandi er tað lættari hjá teimum, sum royna við línu, at røkka inntøkumarkinum á 400.000 krónur í brutto avreiðingarvirði, men uppi í línudriftini hanga nógvar útreiðslur, eitt nú agn, egning ella um­reking. Haraftrat noyð­ ast út­róðr­armenn, sum royna við línu, at hava frystarí. Hámarkið broytast Útróðrarmenn, sum burtur av royna við snellu og sum serliga hava trupulleikar við at røkka inntøkumarkinum á 400.000 krónur, siga, at tað eisini er kostnaðarmikið at hava kombineraða drift. - Samanumtikið eru okk­ ara umstøður við kravi­num á 400.000 krónur vorðnar nógv verri, og vit vóna, at politiska skipanin tekur málið uppaftur, soleiðis at tað aftur verður meiri livi­ ligt at vera útróðrar­maður á snelluveiði, siga útróðrar­ menn, sum Sosialurin hevur tosað við. vilmund@sosialurin.fo Vantandi forstáilsi fyri útróðrarvinnuni Í nógv ár hevur verið ført fram, at útróðurin er ein doyggjandi vinna. Nú landsstýrismaðurin, Johan Dahl, hevur økt inntøkukravið fyri at vera fullrikin útróðrarmaður, eru snellumenn vorðin rættiliga illa fyri í skipanini Myndin er tilvildarlig - Samanumtikið eru okkara umstøður við kravinum um inntøkumark á 400.000 krónur vorðnar nógv verri, og vit vóna, at politiska skipanin tekur málið uppaftur, soleiðis at tað aftur verður meiri liviligt at vera útróðrarmaður á snelluveiði, siga útróðrarmenn, sum Sosialurin hevur tosað við DOYGGJANDI er trupult at halda seg í bólki 5 A nú, verður tað uppaftur truplari at fiska seg uppaftur úr bólki B, siga útróðrarmenn, sum fiska við snellu