mánadagur 12. september 2011síða 17

17 Mánadagur 12. september 2011 · Nr. 105 Sosialurin Ítróttarblaðið Uni Holm Johannesen Føroyskur hondbóltur hevur ver­ ið eftirbátur, tá umræður før­oysk ítróttarbrøgd í Evropa. Fótbólts­ landsliðið, Katrin Olsen og Pál Joensen hava verið millum okk­ ara fremstu ítróttarligu stolt­leikar seinastu árini. Hóast hond­bóltur er millum best umtóktu ítróttar­ grein­irnar í Føroyum, hevur tann støðan ikki verið nøkur sjálvsøgd borgan fyri stórslignum úrslitum. Hond­bólturin hevur snøgt sagt siglt seinni enn fótbólturin, kapp­ rógvingin og svimjingin. Føroysku dómararnir, Eyðun Samuelsen og Andreas F. Hansen, hava gjørt vart við seg, men annars hava fáir glottar verið. Ein orsøk er, at lands­ liðsarbeiðið hevur verið lítið støðug, og at tað bara er Neistin, sum hevur tikið lut í evropeiskum kappingum seinastu árini. Nú brast loksins fyri nev. Ikki tí. Mótstøðan var beinleiðis ússalig. Tað var onkur, sum helt fyri, at kýpriotiska A.C. Latsia hevði neyvan staðið seg í bestu føroysku deild­ini. Men tað er ein serstøða, at Neistin hevur vunnið seg víðari úr undanumfarinum í evropeiskari kapp­ing sum fyrsta føroyska hond­ bóltsliðið nakrantíð. Miðvíst arbeiði Neistin fór undir stóra verkætlan fyri nøkrum árum síðani, og ar­ beiðið hevur verið miðvíst. Mans­ liðið hevur verið einaráðandi sein­ astu árini, og felagið rakk føroysku tindunum í apríl í ár, tá bæði mansliðið og kvinnuliðið vunnu før­oyameistaraheitði. Neistin hvílir ikki í hesum úrs­ litunum. Besta mansliðið er nú farið til stroks í EHF-kappingini. Tað var eitt evropeiskt bragd, tá Neistin vann heimadystin á Lovcen, Montenegro, í 2008, hóast lið­ið ongantíð var í nánd av einum saml­aðum sigri. Hesaferð vunnu blálittu havnarmenninir seg víð­ ari. Tað er ikki nakað bragd, tí kýpriot­arnir vóru vánaligir, men við úrslitinum hevur Neistin sett skjøtul á nýtt kapitul í føroyskari hond­bóltssøgu. Veikir kýpriotar Ein orsøk til veiku mótstøðuna hesa­ ferð var, at A.C. Latsia er í svárum fíggjar­ligum trupulleikum og hevur mist sínar bestu útlendsku spælarar, tveir bulgarar og ein nigeriana. Tað hevði tó neyvan broytt samlaða før­oyska stórsigurin, um teir vóru við. Tað var stórur munur á lið­ unum. Neistin rann mótstøðuna um koll og vann greitt – í alt við 25 málum eftir tveir dystir. Sigurin kundi væl verið munandi størri í gjárkvøldið. Neistamenninir, sum ikki vóru serliga grammir í løtum, brúktu heldur høvið at sjóva ungu menn­inar inn á liðið. Unglingarnir Terji Mørk, Áki Petersen, Gudfinnur Thorsteinsson, Teitur Magnusson og Herbjørn Lava fingu seg royndar og stóðu seg væl. Næsta altjóða avbjóðingin hjá Neistanum er Madeira, sum var numm­ar tvey í portugisisku deildini í fjør. uni@sosialurin.fo Neistin - A.C. Latsia 67 - 42 (37-25) (30-17) Neistin slóðar fyri EVROPeiskur hondbóltur Tað er við tíðini sera sjáldan, at føroyskur hondbóltur bítir frá sær í altjóða høpi. Í gjárkvøldið var umsíðir ein skái. Mótstøðan var ótrúliga ússalig, men tað broytir ikki, at Neistin, sum fyrsta føroyska hondbóltslið nakrantíð, stevnir víð­ari út í Evropa EINGIN IVI Føroyska hondbóltsliðið hevur áður tapt fyri Kýpros. Neistin hevur tó hølvað Latsia av í tveimum førum. Úrslitið í gjár var 37-25 Myndir: Álvur Haraldsen Sigurin ávirkar styrki­listan Tað, at Neistin hevur spælt seg víðari úr undan­umfar­ inum í EHF, ávirkar føroysku støðuna á evropeiska styrki­ listanum. Kristian Johansen, for­ maður í Hond­bóltssam­ band­inum, skrivar í dystar­ blaðnum, at tað er spell, at onnur føroysk lið ikki royna seg í altjóða høpi. – Høvdu fleiri lið luttikið, so høvdu vit eisini kunnað klatra longur uppeftir list­ anum, men hetta er eisini ein øko­nomiskur spurningur. Vit kenna ikki mótstøðuliðið, fyrr enn trekt er, og tað kann verða sera dýrt, um man hvørja ferð skal hava langa ferð til dystirnar. Vónandi taka onnur feløg av í komandi ári, tí vit hava fleiri pláss í boði á hvørjum ári, skrivar Kristian Johansen, formaður í Hond­bóltssambandinum. Hesaferð vunnu blálittu havnarmenninir seg víðari. Tað er ikki nakað bragd, tí kýpriotarnir vóru vánaligir, men við úrslitinum hevur Neistin sett skjøtul á nýtt kapitul í føroyskari hondbóltssøgu Mynd: Álvur Haraldsen Áki Mørk, sum framvegis ikki fær spælt vegna skaða, hevur havt evstu ábyrgdina av Neistanum hesar báðar evropeisku dyst­ irnar. Orsøkin er, at Morten Hust Pedersen, sum loysti av Inga Olsen í venjarasessinum í summar, er burturstaddur í ar­ beiðs­ørindum. Morten Hust Pedersen kemur til Føroya í vikuni, og tá tekur hann um endan. Áki Mørk stjórnaði liðnum