mikudagur 14. september 2011síða 9

9 Mikudagur 14. september 2011 · Nr. 106 Sosialurin Leo Poulsen So komu boðini frá lands­ stýris­kvinnuni í kommunu­ málum um, at Vestmanna og Kvívík saman við Havnini skulu halda seg innan fyri somu eind. Hetta er eisini nakað, sum borgarstjórin áður hevur heilsað vælkomið, men Bogi Andreasen, sum er varaborgarstjóri í Tórs­ havnar kommunu, rópar nú varskóð. – Áðrenn nakað meiri hendir við samanlegging av komm­unum, mugu vit taka tað upp til politiska viðgerð í býráðnum. Nú er tíð til, at borg­arin verður hoyrdur í spurn­inginum, og vit komm­ unal­politikarar mugu stinga fingurin í jørðina, sigur Bogi Andreasen. Hann sigur bart út, at hann er ikki fyri fleiri saman­ leggingum áðrenn kannað er, hvørjar avleið­ingarnar verða. – Vit mugu gera okkum greitt, at ein samanlegging við so fjartliggjandi bygdir, fer at kosta pengar. Ikki minst bussleiðin, men skúlar, barna­garðar, skúla­tann­lækn­ ar, bara fyri at nevna nøkur øki, alt verður ein útreiðsla fyri borgaran aftrat, sigur Bogi Andreasen. Hann vísir á, at Tórs­havn­ ar kommuna longu framm­an undan er dýrasta komm­unan í landinum at búgva í. – Húsaprísirnir í Havn eru nógv teir hægstu í land­inum, og áðrenn vit fara at leggja nýggjar útreiðslur á komm­ ununa, áttu vit at hugsa um verandi borgarar við til dømis at lækka skattaprosentið, sig­ ur Bogi Andreasen. Ikki positivur Varaborgarstjórin sigur, at eingin politisk viðgerð hev­ur verið í býráðnum um nýggj­ astu ætlanirnar um saman­ legg­ing við Vestmanna og Kvívík, og ein slík er neyðug, áðr­enn meiri hendir í tí mál­ inum. – Eg sigi beint út, at eg eri ikki positivt innstillaður fyri einari samanlegging við Vest­ manna og Kvívík. Í hvussu er ikki, fyrr enn málið er kannað og vit kenna avleiðingarnar av einari samanlegging, sigur Bogi Andreasen. Hann sigur, at tað sum er standa stórar íløgu fyri framman hjá Tórshavnar kommunu, og at tað tí ikki er rætt at taka størri byrðar á seg við at leggja saman við aðrar kommunur. – Tíðin er komin til at steðga á og taka upp neyðuga politiska kjakið og ikki minst at kanna eftir, hvørjar av­leið­ ingarnar av einari saman­ legging við Vestmanna og Kvívík verða. Ikki minst tær fíggjarligu, sigur Bogi Andreasen, varaborgarstjóri í Tórs­havnar kommunu. leo@sosialurin.fo Mugu hugsa um egnar borgarar fyrst Samanlegging Fráboðanin hjá Helenu Dam á Neystabø um at Kvívík og Vestmanna skulu leggja saman við Tórshavn, hóvar als ikki varaborgarstjóranum í størstu kommununi. – Nú mugu vit steðga á og hava eina politiska viðgerð í býráðnum um fleiri samanleggingar, sigur Bogi Andreasen Bogi Andreasen heldur ikki, at Tórshavnar kommuna skal fara undir fleri kommunu­samanleggingar, áðrenn politisk støða er tikin til málið, og áðrenn borgarin hevur talað Leo Poulsen Internetið er eitt hent amboð, men sum við flestu hentu amboðum ber eisini til at misnýta internetið. Tað mátti ein ungur maður sanna, tá hann í Føroya Rætti fekk ein treytaðan dóm á 20 daga fongsul, fyri at hava upp­rætta tvær hotmail adressur í nøvnunum hjá tveim­um gentum. Í sambandi við hotmail adressurnar hevði ákærdi eisini lagt tekst út har hann upplýsti, at genturnar vóru bisexuellar og lesbiskar. Ákærdi ungi maðurin ynskti ikki at fáa sakførara at verja seg, men játtaði seg sekan i at hava upprættað hesar hotmail adressurnar. Ákærin vildi vita, hvar ákærdi hevði fingið mynd­ irnar frá, og hann segði, at myndirnar av aðrari gentuni »floreraðu« á internetinum, og at tað tí eingin trupulleiki hevði verið í so máta. Í hinum førinum hevði gentan sjálv – sum hann ann­ ars gekk í flokki við – sent honum myndirnar. Hann við­gekk tó, at hon ikki hevði givið samtykki til at hann víðari sendi tær. Ungi maðurin viðgekk seg sekan í ákærunum, og segði seg vera harman um tað, hann hevði gjørt. – Eg ætlaði at biðja um um­bering, men fekk at vita frá løgregluni, at eg ikki mátti tosa við genturnar, segði ákærdi í rættinum. Heldur ikki har fekk hann høvi at biðja um umbering, tí hvørgan av gentunum møtti upp í rættinum. Ákærin kravdi 30 dagar treytaleysa fongsulksrevsing, men tað helt ákærdi vera í so rívan tikið til. Tað helt dóm­arin eisini, og endin var, at ákærdi varð dømdur eina revsing upp á 20 dag­ar treytað fongsul, har treytin var, at hann einki revsi­vert má gera í eitt ár. Hartil skal hann rinda sakar­máls­kostn­ aðin. Ungi maðurin tók við dóminum. leo@sosialurin.fo 20 dagar fyri falskar hotmail-profilar Rættarmál Ein ungur maður varð í Føroya Rætti í morgun dømdur 20 dagar treytaða fongsulsrevsing fyri at hava upprættað tveir hotmail adressur í navnunum á tveimum gentum, og gjøgnum hesar sent myndir av naknu gentunum til vinmenn Maðurin hevði sent myndir av naknum gentum til vinir, men hevði ikki almannakunngjørt tær á internetinum – og tað kom honum tilgóða í revsingini Mynd: Tilvildarlig