mikudagur 21. september 2011síða 18

Mikudagur 21. september 2011 · Nr. 109 18 Sosialurin Ein perla inni í fjallinum Randi Jacobsen Tá borð verður inn í berg, er púra vanligt at koma fram á tinnur og rivur, men her­fyri komu teir í ar­ beið­inum við Eiði 2 Suður hjá SEV langt inni í fjall­ in­um fram á nakað heilt óvanligt. Har var ein stór riva. Rivulagið var umleið tríggjar metrar breitt og sett saman av fleiri smærri rivum av kalsitti. Sjálv høvuðs kalsitt-æðrin ella rivan var umleið hálvan metur breið. Tað serliga við hesum rivulagnum er, at tað part­vís er opið, ein lummi í annars tætta fjallinum. Helst hevur rivan verið fylt við vatni og leiri, og krystallirnar hava vaksið butur úr hesum. Kanningarnar hjá Jarð­ feingi frammanundan vístu, at har var ein riva, men eingin kundi framm­ an­undan vita, hvussu hon sá út. Jarðfrøðingurin Uni Árt­ing, sum hevur verið inni í fjallinum sigur seg ongantíð hava sæð nakað so vakurt og sjáldsamt í nøkrum føroyskum fjalli. Hann hevur verið í fleiri londum og sæð eitt nú dryppholur og rivur, men onga aðrastaðni hevur hann sæð slíkt. Kalsitt krystallirnar eru sera torførar at ald­ urs­meta, men helst eru tær gjørdar stutt eftir, at gosvirksemið, ið bygdi upp Føroyar, helt uppat fyri umleið 55 milliónum árum síðan. Fólk kunnu ikki fara á staðið at síggja kalsitt­ ir­nar, tí Eiði Suður 2 er arbeiðs­øki. Men tað ber til at síggja myndir tiknar inni í tunli­ num á Vísindavøkuni í Norð­urlandahúsinum fríggjadagin. Básurin hjá Jarðfeingi fer eisini at hava eina montru við ym­ iskum vøkrum steinum, eisini steinum tiknum úr rivuni. Jarðfeingi arbeiðir eis­ ini víðari við at skjalfesta hesa rivu, og meira verður at hoyra og síggja frá hes­ um arbeiði millum ann­að á hewimasíðuni hjá stovn­ inum, www.jardfeingi.fo Tá ið arbeiðið við Eiði 2 Suður er av, fer SEV at leiða vatn gjøgum tunn­ilin, og eingin fer tá nakran­tíð at koma at sjáld­somu rivuni. Undir arbeiðinum við Eiði 2 Suður hjá SEV í Eysturoynni er komið fram á ótrúliga sjáldsamt og vakurt rivulag fylt við kalsitti Hesa vøkru mynd tók Finnur Justinussen inni í tunlinum Pláturnar eru stórar. Kalsitt hevur tann eginleika, at hyggur tú gjøgnum tað, tvífaldast myndin Mynd: Álvur Haraldsen