fríggjadagur 23. september 2011síða 41

nr. 110 · 23. september 2011 9 VIKUSKIFTI hava felags leiðslu? So leingi sjúkrarøktarfrøðingarnir ikki hava fingið innlit í ætlanina um at leggja sjúkrahúsini undir felags leiðslu, vil Vár i Gong, forkvinna í felagnum Føroyskir Sjúkrarøktarfrøðingar ikki gera nakra viðmerking Føroyskir Sjúkrarøktarfrøðingar eru knotnir inn á landsstýrið, at hvørki teirra felag ella onnur feløg hava fingið neyvari kunning um ætlanina um at leggja sjúkrahúsini saman. – Av somu orsøk ber illa til at gera sær neyvari hugsanir um og viðmerkingar til, hvør loysn man vera hin frægasta. Tað tykist vera ein sera óheppin siðvenja at halda fakfeløgini uttanfyri, tá tílíkar bygnaðarbroytingar verða lagdar til rættis, sigur felagið m.a. á heimasíðu síni. Vár í Gong, forkvinna heldur tað vera eitt krav, at feløgini sleppa upp i tilgongdina, so tey kunnu tryggja sær, at starvssetanir og arbeiðsstøð eru sambært sáttmálunum, og at alt gongur rætt fyri seg. Fakfeløgini hildin uttanfyri Um tað í samráð við starvsfólkini á sjúkrahúsunum verður funnin ein loysn, haldi eg tað vera rætt at leggja saman, sigur Randi í Jógvanstovu í Leirvík Hóast Randi í Jógvanstovu er leir­ víkingur, og fólkini á eystaru síða á Eystorynni ofta fara til Klaksvíkar í sjúkraørindum, ber hon ongan ótta fyri, at nakar skaði hendir við at leggja sjúkrahúsini saman. Í so máta er hon ikki lokalpatriotur. – Eg haldi tað vera rætt, um endamálið at samskipa eitt vælvirkandi sjúkrahúsverk, og arbeiðið má gerast í samráð við starvsfólkini á sjúkrahúsunum. Tað má bera til at samskipa virksemið á trimum smáum sjúkrahúsum, sigur Randi í Jógvanstovu. Í ætlanini liggur, at øll trý sjúkrahúsini skulu hava akutta móttøku. Randi í Jógvanstovu sær annars fyri sær, at Klaksvíkar Sjúkrahús og Suðuroyar fáa sergreinar so sum uppvenjing, og nú kann heldur ikki vera leingi, til eitt hospis, ið er ætlað fólki, sum liggja til tað síðsta. Eitt hospis kundi eisini verið á øðrum av teimum sjúkrahúsunum. – Og hví í víðu verð skulu vit hava tríggjar stjórar? spyr Randi í Jógvanstovu. Í lagi við felags leiðslu Sjúkrahúsini skulu vera, sum tey eru, men tað átti at verið nóg mikið við einum stjóra, heldur John Eysturoy John Eysturoy í Havn hevur mangan talað sak sjúklinganna, og hann hevur greiða hugsan um ætlanina at leggja tey trý sjúkrahúsini saman í Sjúkrahúsverk Føroya. – Øll trý sjúkrahúsini skulu vera, har tey eru, og tey smærru sjúkrahúsini mugu ikki avfólkast , tí trygdin bæði hjá norðoyingum og suðuroyingum má ikki versna, sigur John Eysturoy. Hann er greiður yvir, at tað snýr seg um sparing, men pengar høvdu verið at spart, um bara ein leiðsla var. – Tað er ikki neyðugt at hava tríggjar stjórar, og pengarnir, sum har eru at spara, skulu brúkast til at útbyggja sjúkrahúsini og annars sjúklingunum ti frama, sigur John Eysturoy. Nóg mikið við einum stjóra Um vit fáa meira fyri hvørja krónu, er skilagott at leggja sjúkrahúsini undir felags leiðslu, heldur Sonja Jógvansdóttir Um sjúkrahúsini skulu leggjast saman ella ei, er ikki eitt evni, sum upptekur Sonju Jógvansdóttir nógv. Men hon heldur kortini, at uppskotið um felags leiðslu ljóðar skilagott. Tað krevur tó sterkt samskipandi lið millum súkrahúsini. – Tað ræður um at brúka allar møguleikar til fulnar, og at vit fáa sum mest fyri hvørja krónu, sum brúkt verður, sigur Sonja Jógvansdóttir. Ljóðar skilagott