mikudagur 28. september 2011síða 16

Mikudagur 28. september 2011 · Nr. 112 16 Sosialurin Tøkk av Selatrað Túsund tøkk til øll, sum vóru við til at bjarga áunum og hjálpa okkum á Selatrað við átakinum. Ongin nevndur, ongin gloymdur. Vinarligar heilsanir av Selatrað Jákup Weihe Nøvn 25 ára starvsdagur 1. august 2011 hevði Anders Nedergaard-Hansen arbeitt í 25 ár hjá SEV. Fýra tey fyrstu árini sum verkmeistari á Fossáverkinum í Vestmanna. Síðani 1990 hevur hann starvast á Framleiðsludeildini hjá SEV í Tórshavn, har hann varð settur sum leiðari fyri deildina fyri 3½ ári síðani. Á mikkjalsmessu, hósdagin 29. september, verður ein av virknastu listamálarum okkara hálvt hundrað ár. Talan er um Øssur Mohr í Fuglafirði. Hann vaks upp á Krossinum, sonur Poulu og Jákup Mohr og yngstur av trimum brøðrum. Hinir eru Hans og Poul Jákup. Eftir lokna skúlagongd lærdi Øssur til elektro­ mekan­ikara hjá Jostein Peter­sen í Fuglafirði, og tá ið hann var avlærdur, fór Øssur at arbeiða hjá pf. Esm­ ar Simonsen, har hann í 17 ár m. a. seldi billutir. Frítíðarítrivið var í mong ár fótbólturin. Øssur var ein av hollastu dómarunum, og hann var í fleiri ár við til at bera ábyrgdina av at seta dómarar. Í 1989 fór hann í kvøldskúla í Runavík at læra at mála hjá Jóannesi S. Hansen, og tað festi rættuliga í. Øssur slepti dømingini. Pensilin og løriftið fóru við stórum parti av frítíðini. Í 2000 gjørdi hann av at siga starvið í handilsvinnuni frá sær og at brúka alla sína tíð at mála í, og tað hevur hann burturav fingist við seinastu ellivu árini. Fyrsta ferðin, Øssur lut­ tók í framsýning, var á Ólav­ søku í 1991, og trý ár seinni var hann fyrstu ferð við á sen­soreraðari framsýning í Keyp­mannahavn. Tey fyrstu árini vóru motivini úr heimbygdini – hús og fólk og ikki minst Leirvíksfjall. Íblásturin er framvegis úr Fuglafirði, men so við og við er hetta meiri vorðið ein lopfjøl í menningini inn í spæl við ljósi og litum, sum verða fangað í einum nú ella í glottum. Glottin er heitið á bókini við verkum hjá Øssuri Mohr, sum Listasavn Føroya gav út í 2004, og sum Frits Johannesen og Alexander Kristiansen hava ríkað við teksti. Øssur málar heima við hús í Fuglafirði. Hann er arbeiðssamur og miðvísur og gongur ikki og bíðar eftir íblástrinum. Tá ið hann fyri sjey árum síðani einsamallur sýndi fram í høvuðsstaðnum vóru atfinningarnar nógvar frá elituni, og tað kundi kanska hugsast, at tað kend­ ist lítið hugaligt hjá fram­ sýnaranum, men hetta hev­ ur ikki órógvað Øssur. Hvørja ferð framsýning letur upp, so havi eg kensluna av at vera til próvtøku, segði Øssur Mohr í samrøðu við Sosialin fyri nøkrum árum síðani. Týdningarmiklastu próv­dómararnir eru tey, sum møta upp og eru áhug­ að í at skoða og ogna sær listar­verk­ini. Tey hava ver­ið mong, bæði heima á landi, og tá ið Øssur hev­ur sýnt fram uttan­lands. Um­framt í Danmark, har hann ofta hevur sýnt fram í Keyp­ manna­havn, á Sjællandi, Fyn og í Jyllandi, so hevur Øssur havt framsýningar í Frak­landi, Hollandi, Týsk­ landi, Polen, Íslandi, Noregi og Eysturríki. Millum prýðis­ uppgávurnar, sum Øssur hevur staðið fyri, eru A. P. Møl­ler í Keypmannahavn, Syge­sikringen Danmark, Reyni Service og Trygg­ing­ ar­felagið Føroyar. 50 ára føðingardagin fer Øssur Mohr aftur til próv­ tøku skilt á tann hátt, at hann í morgin letur upp fram­sýning í Ribarhúsi. Klokkan 17 verður opið hús á Muntra, og klokkan 20 verður fernisering. Tá fara Elisabeth D. Eldevig og Helgi Fossádal at siga nøkur orð, og tónleikinum fara Andrea Heindriksdóttir og Jógvan Zachariasen at syrgja fyri. Øssur Mohr er giftur Ing­ vør, sum er ættað úr Syðru­ gøtu. Børnini eru Jákup, Pauli og Poula, sum øll hava gjørt um seg í fremstu røð í føroyskari svimjing. J Øssur Mohr 50 ár Hósdag 29. september Høsnarungabringa / Hakkibúff Fríggjadag 30. september Stoktur medistari / Rivjasteik Leygardagur 1. oktober Rullusteik Mánadagur 3. oktober Kókað neytakjøt / Fiskafrikadellur Týsdag 4. oktober Gjørd hara / Grýturættur Mikudag 5. oktober Stoktur fiskur / Kjøtfrikadellur Sosialurin 341800 SunnudagSSkúlin í Ebenezer er hvønn sunnudag kl. 12.00 Øll eru hjartaliga vælkomin! www.ebenezer.fo EbEnEzEr