mánadagur 3. oktober 2011síða 26

Mánadagur 3. oktober 2011 · Nr. 114 26 Sosialurin Ítróttarblaðið Tróndur Arge – Goodison Park Fyri nógvar av fótbóltshyggjarunum kring heimin eru tað uppgerðirnar millum Liverpool og Manchester United, ið telja mest. Men í býnum Liverpool, er tað ein grannauppgerð, ið hevur størri týdning. Tað er upp­gerðin millum Everton og Liverpool. – Hetta er sanna granna­upp­ gerðin í Liverpool, men tað er sjálvandi nógv broytt síðani Man­ chester United byrjaði at vinna so nógv og Everton misti stevið, sigur David Dowie. Íðni Everton viðhaldsmaðurin er høgur av vøkstri, fyllur nógv og minnur í nógvar mátar um eina stereo­týpu av einum enskum hooli­ gans. Hann er tó blíður av sinni og arbeiði hjá honum sum ítóttar­ vertur á Radio Merseyside hevur fingið hann at balansera sínar mein­ingar í mun til fyrr. – Um Everton var einsamalt lið í einum býi, so hevði Everton verið eitt stórlið í Onglandi. Vit hava fjórðríkastu søguna í enskum fótbólti, men av tí at vit deila býin við Liverpool, so síggja fólk okkum sum eitt lítið lið, forklárar David Dowie at sindur argur á málinum. Everton ongar pengar Rundan um Goodison Park er gjørd ein myndarøð, sum av­spegl­ ar søguna hjá Everton. Fram til 1987 eru myndir av enskum meistara­ heitinum og teimum stóru sigrinum úti í Evropa. Síðani eru bara mynd­ ir av metkeypum – frá Daniel Amokachi í 1992 til Marouane Fellaini í 2008 – og døgum tá Everton í evstu løtu hevur bjargað sær undan niðurflyting. Í nógvar mátar hevur Everton ikki megnað at um­still­að seg til Premier League fót­bólt og øllum tí sum fylgir við. – Vit vunnu meistaraheitið so seint sum í 1985 og 1987, men nú hava vit ongar pengar. Núverandi eigarin, Bill Kenwright, roynir at selja felagið. Tað er bara ikki sum at siga tað. Hygg bara eftir eitt nú Portsmouth, Notts County og Liverpool við seinastu eigarinum, tey eru øll farin í hundarnar eftir sølu, sigur David Dowie heldur upp­ gevandi á málinum. – Fleiri meta ikki Bill Kenwright verða rætta mannin at selja felagið, men tað haldi eg. Hann er hóast alt ein Everton viðhaldsmaður. Ella tað velji eg at trúgva, sigur David Dowie. Vilja hava nýggjan leikvøll Everton hevur í fleiri ár roynt at fingið ein nýggjan leikvøll, men hvørja ferð er okkurt komið í vegin. Fyrst í hesi øldini var talan um »Kings Dock« leikvøllin, ið skuldi byggjast á kenda Albert Dock økinum í Liverpool. Fyri fáum árum síðani skuldi Everton lata leikvøll byggja í Kirkby, men eisini hendan ætlanin var steðga av býráðnum. – Eg dugi ikki at síggja, at Everton verður selt fyrr enn teir hava bygt ein nýggjan leikvøll, sigur David Dowie, sum undan granna­ uppgerðini hevur gjørt sam­røðu við fleiri Everton og Liverpool leik­ arar. Reytt kort ávirkar dystin Til sjálvu grannauppgerðina er ongin kærleiki millum vinir og kenn­ingar, um teir ikki eru í somu litum. Dysturin er ikki byrjaður tá síðumaðurin gevur ilt av sær. – Hasir idiotarnir skulu taklast frá byrjan, ýlur hann frá »Top Balcony« sum ovasti parturin á aðru lang­síðuni eitur. Løtu seinni hoyrast Liverpool viðhaldsfólkini syngja eyðkenda You’ll Never Walk Alone sangin, men hann er illa nokk byrjaður, so svara øll í bláum aftur við sínum sangi. Fyrstu løtuna er dysturin og stemningurin so intensur sum hann kann blíva. Hvør takling, avlevering og døming verður vigað, og dómurin skralaður út yvir vøllin. Um miðjan fyrra hálvleik fær Everton miðvallarin, Jack Rodwell, reytt kort fyri at takla Luis Suarez. Heilt frá Top Balcony er greitt, at talan als ikki er um takling, ið skal geva reytt kort. Her eftir er nokk best ikki at umseta ella endurgeva nakað av tí, sum dómarin fær oman­yvir seg frá Everton við­halds­ fólkunum. Liverpool avgerð Stutt fyri hálvleik fær Liverpool brotsspark og aftur er tað Luis Suarez, ið verður taklaður. »Snýtari« brøla øll tey í bláum eftir Liverpool framherjanum. Amerikumaðurin í Everton málinum, Tim Howard, bjarg­ar brotssparkinum og so brøla tey; USA, USA! Everton megnar at standan ímóti til seinni hálvleikur er hálvrunnin. José Enrique leggur bóltin innfyri til útskeldaða Andy Carroll, sum skorar. Hann rennur framvið bak­ linjuni við armunum út til síðuna, meðan Everton viðhaldsfólk í øðini kasta bæði fløskur, hotdog pappír og annað eftir honum. Eisini seinni í dystinum fær Luis Suarez somu viðferð. Hetta er ikki so vanligt at síggja í enskum fótbólti, men hetta er nú heldur ikki nakar vanligur dystur. Liverpool vinnur dystin 2-0. Luis Suarez økir eftir at Everton verjan ikki fæ rrudda burtur. Framtíðin hjá Everton – Eg havi tol at bíða í nøkur ár afturat eftir røttu loysnini, tí tað er tor­ført at selja eitt felag. Eg velji at huga positivt, sigur David Dowie at enda. Í Manchester hevur Manchetser City av álvara bjóða grannunum úr United av. Hetta eftir eigaraskifti og nýggjum kapitali, kann Everton gera tað sama í Liverpool býi? trondur@sosialurin.fo Enska Barclays Premier League nr. lið dystir vunni javnt tapt mál stig 1 Manchester United 7 6 1 0 24-5 19 2 Manchester City 7 6 1 0 23-5 19 3 Chelsea 7 5 1 1 17-8 16 4 Newcastle 7 4 3 0 9-4 15 5 Liverpool 7 4 1 2 10-8 13 6 Tottenham 6 4 0 2 11-10 12 7 Aston Villa 7 2 5 0 9-5 11 8 Stoke 7 2 3 2 4-8 9 9 Norwich 7 2 2 3 7-10 8 10 Swansea 7 2 2 3 6-9 8 11 Queens Park Rangers 7 2 2 3 5-13 8 12 Fulham 7 1 4 2 10-7 7 13 Everton 6 2 1 3 6-8 7 14 Wolverhampton 7 2 1 4 6-10 7 15 Arsenal 7 2 1 4 10-16 7 16 Sunderland 7 1 3 3 9-8 6 17 West Bromwich 7 1 2 4 5-10 5 18 Wigan 7 1 2 4 5-11 5 19 Blackburn 7 1 1 5 8-17 4 20 Bolton 7 1 0 6 9-21 3 Premier league Flest reytt kort Grannauppgerðirnar millum Everton og Liverpool eru teir dystirnir, ið hava givið flest reyð kort í Premier League. 20 samanlagt. Av teimum eru 11 komin í teimum seinastu 14 uppgerðinum.(optajoe – Twitter) Uppleggjarin Samri Nasri Síðani skifti til Manchetser City hevur Samir Nasri lagt upp til seks mál. Hann legði samanlagt upp til sjey mál í Premier League fyri Arsenal árini hann var har. (www.soccernet.com) Fótbóltur Tað sigur Radio Merseyside tíðindamaðin og íðni Everton viðhaldsmaðurin, David Dowie, um dystin millum Everton og Liverpool leygardagin. Í bakandi sól vann Liverpool 2-0, meðan Everton viðhaldsfólkini vóru í øðini inn á dómaran Hetta er sanna grannauppgerðin