fríggjadagur 7. oktober 2011síða 40

nr. 116 · 7. oktober 2011 8 VIKUSKIFTI Tey hava fylt sera nógv í politiska landslagnum seinastu mongu árini. Hava røkt týðandi uppgávur, verið í front í egnum flokkum og í politisku skipanini. Men nú gevast tey. Tríggir fyrrverandi løgmenn eru millum teirra, sum nú takka fyri seg í føroyskum politikki. Edmund Joensen, sum bert skal verða fólktingslimur, Jóannes Eidesgaard og Anfinn Kallsberg fara nú heim. Teir hava allir verið floksformenn, løgmenn og løgtingsmenn – og tveir teirra hava eisini røkt uppgávur sum landsstýrismenn, men nú skulu frameftir fylgja politikki av síðulinjuni. Royndir politikarar sum Andrias Petersen, Katrin Dahl Jakobsen, Marjus Dam, Magni Laksáfoss og onnur gevast eisini nú, og tí eru nógv tøk pláss í løtinginum hjá nýggjum politikarum at seta seg í. Tað eru túsundtals atkvøður, sum nú eru leysar hjá øðrum politikararum og valevnum at kappast um, og fleiri fara at fáa kjansin í løgtinginum eftir valið. Vit hava tosað við nøkur av teimum, sum nú gevast í politikki. Vit hava spurt tey, hví tey hava tikið avgerðina, og hvussu tað kennist, nú endin á politiska lívinum er fyri framman. Anfinn Kallsberg hevur ikki nakra langa frágreiðing um orsøkina til, at hann gevst í landspolitikki. – Eftir meira enn 30 ár í politikki er tíð at gevast, og eg kendi á mær, at nú var stundin komin og lata yngri fólk sleppa framat, sigur Anfinn Kallsberg. Hann ber ongan ótta fyri, at hann fer at keða seg, eftir at hann er leysur av tí politiska arbeiðinum, tí hann hevur nógv áhugamál. – Og serliga hesa árstíðina røkkur tíðin ikki, sigur Anfinn Kallsberg. Herfyri boðaði Magni Laksáfoss frá, at hann gavst sum politikari, og tað er ein avgerð, hann stendur við. – Eg síggi, at politikkurin er heilt galin og fer at koyra sam­ felagið um koll, og tí vil eg ikki longur vera partur av grundar­ lagnum. Eg royndi at ávirka fyrst sum landsstýrismaður og síðan sum løgtingsmaður í fýra ár, men tað hjálpti einki, sigur Magni Laksáfoss. Hann hevur í fleiri ár ávarað móti, at fólkatalið fer at minka. – Tað er ikki fólkatalið, sum er trupulleikin. Minkandi fólkatalið endurspeglar bara politikkin. Eingi útlit eru til, at nakar ætlar at føra annan politikk eftir valið. Magni Laksáfoss ivast ikki í, at fólkatalið hevur toppað ella ger tað um stutta tíð, og tá fer at ganga heilt galið, um fólk ikki hava hug at búgva í Føroyum longur. Samfelagsreformarnir, sum tosað verður um at gera, muna einki. – Neyðugt er at gera nógv meira umfatandi reformar. Um talið á kommunum er 30 ella níggju ger tað sama. Vit mugu koyra kommunubygnaðin burtur og broyta samfelagsstrukturin fullkomiliga, sigur Magni Laksáfoss. Hann dugdi ikki at síggja nakra meining i longur at vera í politikki. Summi gevast í politikki, tí tey eru farin at møðast. – Eg havi eisini verið móður, men ikki havi eg verið móður av tí politiska arbeiðinum, men meira tí, at einki gjørdi mun. Onkur vil helst kalla meg dómadagsprofet, men tað fara tey ikki at gera um eini 10 ár, tá ið tey fáa at síggja, at eg hevði rætt, sigur Magni Laksáfoss. Tímir ikki meira Vil ikki vera við longur Tey siga politikkinum farvæl lagt til rættis: Randi Jacobsen og Eyðun Klakstein – Um eini 10 ár fara fólk at skilja, at eg ikki eri nakar dóma­dags­ profetur, tá ið eg nú sigi, at førdi politikkurin tekur búskaparliga grundarlagið undir Føroyum, sigur Magni Laksáfoss Fleiri royndir politikarar takka nú fyri seg í politikki. Tey hava nógvar royndir og hava fingið nógvar atkvøður, men nú skulu onnur taka við