fríggjadagur 7. oktober 2011síða 41

nr. 116 · 7. oktober 2011 9 VIKUSKIFTI Til seinasta løgtingsval setti Heidi Petersen í Vestmanna sær fyri, at tað var seinastu ferð hon stillaði upp á hesum sinni. Hon fekk so gott val, at hon var nummar tvey varalimur og kom tí í tingið undir CHE- samgonguni. Aftaná hevur hon onkuntíð verið inni sum eykafólk. – Eg stillaði upp tá, tí at eg helt meg enn hava nakað at geva, men eg helt fast i avgerðina, at hetta valskeiðið var mítt seinasta, sigur Heidi Petersen. Tað vóru helst fleiri orsøkir til, at hon tók avgerðina. – Ikki tí, mær dámdi væl, og tað var eitt spennandi arbeiði. Eg haldi, at sjálvt í andstøðu bar væl til at hava ávirkan og at seta fokus á mál, sum eg helt hava stóran týdning í samfelagnum. Men tingarbeiðið er strævið og krevur nógv bæði av politikaranm sjálvum og familjuni. Tað fer við nógvari tíð og ein missir nógvar løtur saman við familju og vinum. – Eg haldi, at tað gongur ov seint. Tað átti at borið til at gjørt semjur um týdningarmikil mál, sigur Heidi Petersen, sum hevur sínar hugsanir um, hví alt gongur so seint. – Tað eru alt ov nógv persónlig áhuga­mál. Politikarar ganga í síni egnu verð, og tað ger arbeiðið lítið áhugavert. Fólk gloyma, hvi tey eru í tinginum. Tað endar við, at tú sjálv ger tað sama, tí tað ræður um at vera sjónlig. Fokusið flytur frá málunum til persónar, og tað er alt annað enn gott, sigur Heidi Petersen. Henni dámar væl regluna hjá danska Eindarlistanum um, at eingin skal sita í tinginum meira enn tvær setur á rað. – Tað hevði verið sunt við eini slíkari reglu í Føroyum, tí so vistu fólkini, hvat tey høvdu at gera. Eg havi eisini nevnt hetta í mínum egna flokki. Heidi Petersen sigur, at fyri tað um hon ikki stillar upp hesa ferð, hevur hon ikki sagt, at hon ikki kanska roynir aftur eina aðra ferð. Seinastu 10 árini hevur Heðin Zachariasen umboðað Fólkaflokkin í tinginum, men hann er ikki millum teirra, sum bjóðar seg fram til komandi fólkatingsval. – Eg kann ikki, tí eg havi eina bussfyritøku við 11 bussum og 18 fólkum í arbeiði, og tað er arbeiði ger­andis og heilsgt, frá morgni til myrkurs. Haraftrat eigi eg í Atlantic Pane, sum hevur 12 fólk í arbeiði, sigur Heðin Zachariasen. Hann hevur verið í landspolitikki í 10 ár. Tað hava verið góð ár, og Heðin Zachariasen veit bara at siga frá góðum samstarvi við floksfelagar og yvir um floksmørk. – Nei, eg eri ikki misnøgdur við flokkin, og eg veit bara eitt, at tann, sum er fornermaður i politikki, verður raktur av tí sjálvur og eingin annar. Heðin Zachariasen vísir ikki aftur spurninginum, um hann vendir aftur til kommunalpolitikk. Tað kann væl henda. Í dag sigur hann, at hann er lið­ug­ ur í landspolitikki, men tað ber altíð til at broyta hugsan, sigur hann. Katrin Dahl Jacobsen ivaðist eitt sindur, um hon skuldi stilla upp ella ikki til hetta valið. Hon valdi at lata vera. Hon hevur verið í politikki síðan 1998, í tinginum og inn ímillum í býráðnum. – At eg gevist, hevur nakað at gera við, at míni børn búgva øll í Danmark, og tá ið eg havi frí úr skúlanum vil eg fegin hava frælsi til at vitja tey. Katrin Dahl Jacobsen heldur, at árini í politikki hava verið sera stuttlig og spennandi serliga tey fyrstu árini. – Men eg haldi tað vera nokkso keðiligt, at floksloyaliteturin kki er so góður longur. Fólk eri ikki longur líka loyal móti flokkinum og tingbólkinum, og hetta er nakað, sum er hent í fleiri av flokkunum. Tað er so troyttandi og darvar politiska arbeiðinum, tá ið fólk hugsa mest um at profilera seg sjálvi, sigur Katrin Dahl Jakobsen. Henni dámdi betur arbeiðslagið, tá ið tingbólkarnir hildu fund um málini, áðrenn tey komu fyri í tinginum. Avtalað var, hvør skuldi vera frásøgufólk, og var onkur ikki heilt samdur, tagdi viðkomandi undir viðgerðini i tinginum. Tá ráddi loyaliteturin móti flokkinum og floksins politikki. Nú er alt meira kaotiskt, og illa ber til at flyta seg frameftir. – Vit mugu eisini læra okkum betur at gera breiðar semjur, men tað er ikki lætt, tá ið semja illa fæst innanfloks, sigur Katrin Dahl Jakobsen. Andrias Petersen í Gøtu kom inn í politikk í 1994. Hann hevur verið landsstýrismaður, virkin i kommunalpolitikki og sitið í løgtinginum. Nú er hann 64 ára gamal og hevur valt at leggja frá sær. Hann stillar ikki uppaftur. Andrias Petersen er kommunulækni, og hann hevur javnan havt farloyvi úr tí starvinum fyri at røkja tingarbeiðið. – Eg var so heppin í fleiri ár at hava fastan avloysara, men tað havi eg ikki longur. Tað vísir seg at vera torførari og torførari at fáa avloysara fyri stutt tíðarskeið, og tí kendi eg meg noyddan at velja. Eg ætli mær at vera lækni í trý ár aftrat, sigur Andrias Petersen. Tað er í øllum góðum, at hann nú fer úr politikki. Hann hevur havt áhuga fyri politikki, líka síðan hann var stórur smádrongur, og áhugin er hin sami. – Tað er útrúligt, so nógv samfelagið er síðan 50-árini, og tað er útrúliga stórur munur á, hvussu nógv betri øll hava tað nú, sigur Andrias Petersen. – Nú kunnu yngri kreftir taka yvir, og tað fara tey eisini at klára væl. Hann heldur, at politiskt eru bæði fyrimunir og vansar við at vera eitt so lítið samfelag. Tað tekur ikki langa tíð frá tí, at ein trupulleiki verður staðfestur, til hann verður loystur. Hin vegin kann tað eisini ganga í so skjótt. Ein politikari fær eitt hugskot, og bara tríggjar seinni viku er lógin samtykt. Hetta ber ikki til aðrastaðni. Okkara landsumsiting er so mikið ung enn, at henni vantar royndir, men hon mennist í hvørjum, tí tað koma alla tíðina dugnalig fólk heim við royndum úr øðrum londum, sigur Andrias Petersen. Eg royni kanska aftur Eg noyddist at velja Floks- loyaliteturin haltar Ikki stundir til politikk Fyri at fingið politikararnar at hugsa meira um samfelagið enn seg sjálvar, átti eingin at sitið í løgtinginum longur enn átta ár á rað, sigur Heidi Petersen, sum ikki stillar upp til løgtingið hesa ferð Katrin Dahl Jakobsen stillar ikki uppaftur, tí hon vil vera meira leys, og haraftrat er politiska arbeiðið ikki tað sama, nú tað í fleiri tingbólkum eru tingfólk, sum hugsa mest um at sæta sær Stóra bussfyritøkan gevur arbeiði frá morgni til myrkurs. Tað er orsøkin til, at Heðin Zachariasen í Streymnesi ikki stillar upp til løgtingsvalið Tað verður torførari og torførari at fáa avloysara hjá kommunulæknum, og haraftrat heldur Andrias Petersen, at nú eiga yngri kreftir at taka yvir