mánadagur 10. oktober 2011síða 21

21 Mánadagur 10. oktober 2011 · Nr. 117 Sosialurin Hugskot og viðmerkingar – send sms til 225000 Ítróttarblaðið osenborg og Skonto Riga 1. deild kvinnur KÍ kvinnur føroyameistarar 2011 Aftan frá vinstru: Paula Mikkelsen, Ragna Patawary, Eyðvør Klakstein, Bára Skaale Klakstein, Maria K. Thomsen, Vár Jenny Lydersen, Sigrid Jacobsen, Gunnrið Joensen, Tove Sólheyg, Malena Josephsen, Tina Joensen, Erik Nielsen, venjari. Framman frá vinstru: Ásla Johannesen, Elsa Maria Simonsen, Ann Stauss, Rannvá B. Andreasen, Randi Wardum, Sofía Purkhús, Ása Klein Olsen, Monika Biskopstø Myndir: Álvur Haraldsen Fýra av KÍ-kvinnunum hava verið við til at vinna meistaraheitið øll 12 kappingarárini millum 2000 og 2011. Elsa Maria Simonsen, Paula Mikkelsen, Rannvá Andreasen og Malena Josephsen hava verið við til at vunnið øll 12 meistaraheitini hjá KÍ í bestu kvinnudeildini hesu árini síðani aldarskiftið. Tær fýra kvinnurnar hava so­statt vunnið líka nógv liga­ meistara­heiti, sum walisiska fót­ bólts­legendan, Ryan Giggs, sum hevur vunnið 12 ensk liga­meistara­ heiti við Manchester United. Enn hava Elsa Maria Simonsen, Paula Mikkelsen, Rannvá Andreasen og Malena Josephsen ein langan veg til at koppa norska Roar Strand, sum hevur vunnið heili 16 norsk ligameistaraheiti við Rosenborg millum 1990 og 2010. Men hvør veit, um Elsa Maria Simonsen, Paula Mikkelsen, Rannvá Andreasen og Malena Josephsen ikki fara at seta sær sum persónligt mál at koppa persónliga metinum hjá Roar Strand, sum er tann fót­ bólts­spælarin, sum hevur vunnið flest ligameistaraheiti? Livst so spyrst? heris@sosialurin.fo Fýra KÍ-kvinnur hava vunnið 12 FM Bára Skaale Klakstein og Eyðvør Klakstein eru móðir og dóttir, og liðfelagar á kvinnuliðnum hjá KÍ. Spurdar um hvussu tað er at verða liðfelagar, svarar mamman, Bára Skaale Klakstein fyrst: – Tað er heilt fantastiskt. Tað er ein framúr kensla. Tað er óbeskriviligt, slær Bára fast. Dótt­urin, Eyðvør er samd við mammuni: – Tað er ordiliga stuttligt. Tað eru ikki nógvar, sum sleppa at royna tað, staðfestir Eyðvør, sum kennir tað sum ein stóran for­ rætt at hava mammuna, sum lið­ felaga. Bára tekur eitt ár í senn, og hon vónar at gerast partur av hópinum komandi ár. Fótbólturin fyllir nógv hjá Eyðvør, sum spælir bæði á besta kvinnuliðnum hjá KÍ, og á liðnum gentur 14-17 ár. Eyðvør venur fótbólt upp til fimm ferðir um vikuna, og spælir minst tveir dystir um vikuna. Spurdar um hvør av teimum gevur góð á ráð á leikvøllinum, svarar Bára: – Vit royna at hjálpa hvørjum øðrum, men viðhvørt royni eg at siga okkurt við Eyðvør. Heima við hús tosa møðgurnar onkuntíð um tað, sum er hent undir einum dysti, men tær taka tað annars ógvu­liga avslappað. Móðir og dóttir trívast sum liðfelagar