fríggjadagur 14. oktober 2011síða 12

Fríggjadagur 14. oktober 2011 · Nr. 119 12 Sosialurin Hugskot og viðmerkingar – send sms til 225000 Nøvn Dáttligt kom tað á, tá tað frætt­ist sunnudagin, at Joen Pauli hevði lagt árarnar inn. Tær árar, sum hann so dúg­liga hevði brúkt til tað síðsta. Joen Pauli hevði júst fylt 72 ár, nú hann fór um sýn. Hann hevur verið nakað merktur av sjúku tað sein­ astu tíðina, men fyri bert nøkr­um vikum síðan hevði hann fingið góð boð. Hann var so himmalska glaður um hesi boð, og hevði bjartar vónir um framtíðina. Joen Pauli var føddur í Miðvági í 1939. Har vaks hann upp. Sum ungur hevði hann ymisk fyrifallandi arbeiði á landi, ofta saman við pápa sínum Edvardi. Teir vóru sam­ an í Borgshavn nøkur summ­ ur. Joen Pauli sigldi eis­ini nøkur tíðarskeið seinni í lívi­ num, m.a. við W.U. Hammers­ haimb og Giljanesi. Joen Pauli hevði sera gott handalag, tí var tað natúrligt, at hann fór í smiðjulæru hjá Steingrim. Tá Joen Pauli var komin til mans, fór hann til Danmarkar at lesa til maskinverkfrøðing. Heimafturkomin fekk hann arbeiði á teknistovuni hjá J.K. Joensen í Miðvági. Joen Pauli var undan­ gongu­maður á sínum øki. Hann hevur verið við til at menna nógvar maskin­ur til vinnulívið. Tá svart­kjafta­ vinnan byrjaði, var Joen Pauli við til at útvikla og betra um fabrikkina á Giljanesi og fleiri øðrum skipum. Joen Pauli hevur eisini verið við til at menna maskin­ ur­nar á Teymavirkinum í Runavík. Eitt gott dømi um, hvussu hegnigur Joen Pauli var, eru hús hansara, Tey fyrstu av sínum slag í bygdini, sum hann hevur teknað saman við konu síni Jónrith. Húsini smíðaði hann við hjálp frá pápabeiggjanum Palla. Tey standa sum ein prýðiligur varði yvir tey bæði. Joen Pauli sat í komm­ unu­stýrinum í Vága komm­ unu, nú hann doyði. Hann sat fyrstu ferð í komm­unu­ stýri­num í Miðvágs komm­ unu sum varalimur í val­ skeiði­­num frá 1997 til 2000. Á valinum í 2000 var hann valdur, og hevur hann sitið í kommunu­stýrinum síðan. Hann var borgar­stjóri í Mið­ vágs kommunu valskeiðið frá 2000 til 2003. Joen Pauli var sera nógv avhildin og virdur, bæði sum borgarstjóri og sum komm­ unustýrislimur. Hann var altíð væl fyrireikaður og ná­ greiniligur í málsvið­gerð­um. Hann ynskti altíð málini væl lýst, áðrenn støða var tikin. Sveinastykkini hjá Joen Paula í kommunalpolitikki eru ivaleyst Gamli Skúli í Miðvági, sum var gjørdur til barnagarð og nýggi barna­ garð­urin “Miðgarður”, har Joen Pauli var formaður í bygginevndini. Joen Paula untist tíverri ikki at vara við, tá “Miðgarður” var tikin alment í nýtslu. Tá lá hann á sjúkrahúsinum. Hann sat eisini í bygginevndini fyri nýggja skúlan á Giljanesi. Stóra hjartamálið hjá Joen Paula var MB. At vinna hesum felag sømdir, stríddist hann hart fyri. Joen Pauli var sjálvur ein av bestu fótbólts leikar­unum hjá MB á yngri døgum. Eisini róði hann við áttamannafarinum Miðvingi í fimti- og seksti árunum. Ta tíðina, tá Miðvingurin vann nærum hvørja ferð. Joen Pauli undirvísti nakr­ar tímar um vikuna í motorlæru í Miðvágs/Sanda­ vágs Skúla. Hann hevði sera gott tak á ungdóminum, og var nógv avhildin sum lærari. Undirtøkan fyri motorlæru var óvanliga stór tey árini. Joen Pauli var ein klókur, róligur, siðiligur og sterkur maður, sum virdi sínar arbeiðs­felagar. Hann var sera góður í ráðum, og nógv avhildin bæði av politikarum og av starvsfólkinum hjá kommununi. Vit minnast hann við virðing og takksemi. Vága kommuna Til minnis um Joen Paula Frederiksen í Miðvági Føðingar 26. september fingu Elisabeth Wennerstrøm og Petur Juul Johannesen, Tórshavn, tví­burð­ ar, gentu og drong. Gentan vig­ aði 3025 gr. og var 50 cm long, og drongurin vigaði 3250 gr. og var 52 cm langur. 29. september fingu Elin Heinesen og Jóhan Petur Holm, Keyp­­mannahavn, eina dóttur. Hon var 56 cm long og vigaði 3900 gr. 1. oktober fingu Marita Magna­ dóttir og Egil Eysturberg, Hvalba, eina dóttur. Hon var 53 cm long og vigaði 3220 gr. 2. oktober fingu Karl og Kristina Leonsson, 160 Argir, ein son. Hann var 52 cm langur og vigaði 3440 gr. 6. oktober fingu Susana og Jón Durhuus, Veracruz Mexico, eina dóttur. Hon var 46 cm long og vigaði 2750 gr. 6. oktober fingu Anna Elisabeth Iversen og Jan Dam, Keyp­manna­ havn, eina dóttur. Hon var 52 cm long og vigaði 3240 gr. 21. september fingu Durita Samuelsen og Petur Mohr Dam, eina dóttur. Hon var 54 cm long og vigaði 4000 gr. 5. september fingu Lina Rasmussen og Jóhan Helmsdal, Keypmannahavn, eina dóttir. Hon var 51 cm long og vigaði 3086 gr.