fríggjadagur 21. oktober 2011síða 10

Fríggjadagur 21. oktober 2011 · Nr. 122 10 Sosialurin Hugskot og viðmerkingar – send sms til 225000 Onga náði hóast hon misti eitt barn Áki Bertholdsen - Eg má út við hesum fyri at fortelja fólki, hvus­su kensluleysir myndugleikar kunnu vera. Tað sigur Anna Nattestad í Trongisvági. Hon hevur havt trý ring ár. Í 2008 misti hon eitt pinkubarn, sum bara livdi í tveir dagar. Aftur í 2010 misti hon eitt pinkubarn, sum livdi í 17 dagar. Men afturat hesum sorgarleikum hev­ ur hon fingið eina skattarokning at drag­ ast við, sum hon ikki sleppur undan at gjal­da, hóast tað er staðfest, at tað er ikki henn­ara feilur, men at tað er TAKS, sum hev­ur gjørt eitt mistak. Í góðari trúgv Tann 18. desember í 2008 átti Anna ein son, Lukas, sum hevði ein alvorligan hjartafeil og sum doyði longu tveir dagar seinni, tann 20. desember. Men hóast hann bara livdi í tveir dagar eig­ur Anna barnafrádrátt fyri hann og hann fekk hon útgoldnan í mars í 2009. Tað hendi alt sjálvvirkandi, uttan at Anna hevði hevði gjørt vart við seg hjá TAKS, tí tey á TAKS høvdu sjálvi skrásett, at eg hevði átt ein son. - Men fyri at onki mistak skuldi hendi, ringdi eg til TAKS at boða frá, at Lukas var deyð­ur. - Tað var fyri at tryggja mær, at hann varð strikaður aftur í skattaskránni so at eg ikki eisini fekk barnafrádrátt fyri hann í 2009, tí tað hevði eg ikki rætt til. - Konan, eg tosaði við á TAKS, var blíð og týð og vissaði meg um, at hetta skuldi eg ikki hugsa um, tí tað hendi alt av sær sjálv­um. Anna Nattestad sigur, at tí var hon í góð­ari trúgv um, at alt var í lagi. Hon er dagrøktarmamma og inntøkan er skiftandi. Tí hugsaði hon heldur ikki um, at skatturin hon rindaði mánað fyri mán­að í 2009, eisini var skiftandi. Men tá ið TAKS tíðliga í 2010 ger støðu­ na upp, varnast tey, at Anna hevur fram­ veg­is fingið barnafrádrátt fyri Lukas í 2009. - Ein dagin tíðliga í 2010 ringdi TAKS til mín at spyrja, hvussu nógv børn eg átti og tá kom fram, at eg hevði fingið eisini barna­frádrátt fyri Lukas í 2009. Tað hevði Anna ikki rætt til og tí fekk hon eina eykarokning upp á 9.750 krónur, vísa skjølini í málinum, sum Sosialurin hev­ur fingið innlit í. - Tað nyttaði onki, at eg greiddi teimum frá, at eg hevði ringt til TAKS longu í mars í 2009 og at tey høvdu vissa meg um, at alt var í lagi. - Samskiftið við TAKS var munnligt og tí­skil havi eg ongi prógv fyri, at eg havi ringt og eg havi heldur ongi prógv fyri, at TAKS hevur boðað mær frá, at hetta fór at koma í rættlag av sær sjálvum. Ein sorgarleikur afturat Í 2010 var Anna aftur rakt av einum sorg­ ar­leiki, tá ið hon aftur varð við barn. - Av tí, at Lukas doyði av hjartafeili, varð avgjørt, at Anna skuldi eiga á Ríkis­ sjúkra­húsi­num, tí barnið skuldi leggjast undir skurð alt fyri eitt. Á Ríkissjúkrahúsinum átti hon ein son, sum fekk navnið Gilli. Men hóast læknarnir gjørdu alt teir kun­du, stóð lívið ikki til at bjarga og lítli Gilli doyði 17 dagar seinni. Hetta førdi so til, at Anna átti barna­frá­ drátt fyri Gilla í 2010, men áðrenn hon fekk nak­að útgoldið, skuldi skattarokningin frá 2009 dragast frá. Ómetaliga vónbrotin Anna Nattestad sigur, at tað er ikki so nógv peningurin, hetta snýr seg um. Men hon dylir ikki fyri, at hon er ómeta­liga vónbrotin av framferðini hjá TAKS. - Eg var ógvuliga illa fyri alla hesa tíðina og hevði alt annað at hugsa um enn at stríð­ast við TAKS um eina skattarokning. Hon leggur leggur afturat, at hon hevði eisini álit á, at alt kom í rættlag av sær sjálvum, soleiðis sum konan á TAKS hevði lovað. Eftir at hava mist Lukas beint fyri jól í 2008, var hon ikki før fyri at fara til ar­beið­ is aftur fyrrenn í apríl í 2009. - Eg maktaði ikki sjálv at halda skil á mín­um skattaviðurskiftum, men eg hevði eisini blint álit á TAKS fekk alt í rættlag, so­leið­is, sum tey høvdu lovað. Sum umstøðurnar vóru, heldur hon ikki, at hon kundi havt gjørt nakað øðrvísi. - Men eg haldi, at framferðin hjá TAKS er rættiliga kensluleys, serliga tá ið kærumyndugleikarnir hava staðfest, at hetta er ikki mín feilur, men at tað er TAKS, sum hevur gjørt eitt mistak, sigur Anna Nattestad. - Á TAKS eru tey so karvandi við um­ støðu­num hjá fólki ístaðin fyri at tey ásan­ na eitt mistak og hava fyrilit fyri um­støðu­ num hjá fólki, heldur Anna Nattestad. áki@sos.fo KENSLULEYST Tá ið Anna Nattestad misti eitt barn, varð steinur lagdur oman á byrðu, tá ið hon fekk eina skattarokning, sum hon ikki sleppur undan at rinda, hóast tað er staðfest, at tað er TAKS, sum hevur feilin Hetta hevur verið øgiliga strævið, tí eftir at hava mist tvey børn, havi eg havt alt annað at hugsa um enn at stríðast við TAKS um eina skattarokning, sigur Anna Nattestad í Trongisvági. Á borðinum í horninum í stovuni standa tvær myndir, har eldri beiggin, Tóri, er saman við sínum báðum lítlubeiggjum, sum hann bara slap at hava í nakrar dagar. Gilli er á myndini vinstrumegin og Lukas á myndini høgrumegin Ein ring tíð