fríggjadagur 21. oktober 2011síða 56

nr. 122 · 21. oktober 2011 8 VIKUSKIFTI Stílurin hevur týdning Sunneva Thorsteinsson og Petrina Berg á Lag fylgja væl við innan móta og stíl, og vit hava sett tær saman við myndum av nøkrum av okkara kendastu politikarum og biði tær sagt sína hjartans meining um klæði, hár og stíl Líka síðani amerikanska forsetavalið í 1960, ið vanliga verður kallað fyrsta »massmedia election«, er stílur nakað, sum okkara fólkavaldu mugu hugsa um. Ta ferðina var tað Richard Nixon, ið fekk frammaná av vakra og væl klædda John F. Kennedy. Nixon skilti ikki týdn­ingin hjá miðlunum, og tá hann var boðin sminku til eina valsending, segði hann nei takk. Dagin eftir vísti tað seg í meiningakanningum, at tey, sum høvðu hugt eftir sjónvarpi, hildu, at Kennedy hevði klárað seg nógv betri, meðan tey, sum høvdu lurtað í útvarpi hildu uppá Nixon. Kennedy endaði við at vinna valið og gerast nýggjur forseti. Sjónvarp og bløð spæla stóran leik­lut, tá avgerast skal, hvør fær krossin á val­degnum. Ein persónur, sum sær gott út og hevur gjørt sær ómak við klæðum og hárið, hevur størri møguleika at fáa okkara álit enn ein, ið er kloddutur og skitin. Tað vit siga við okkara klæðum og stíli - og ikki minst kropsmálið – er oftani viktigari enn tað, sum kemur út gjøgnum munnin. Politikararnir í Føroyum standa seg væl í altjóða kapping, meta tær báðar Sunneva Thorsteinsson, deildarleiðar á Stíl og Snið hjá Tekniska skúla og style­coach, og Petrina Berg á Lag, style­coach. Sunneva eftirlýsir meira tilvitaðan stíl og heldur, at á sama hátt, sum flestu politikarar fara til lýsingarstovur at gera lýsingatilfar uppundir val, burdu teir eisini farið til ein stílserfrøðing og fingið ráð um klæði og hár. lagt til rættis: Inna Törnroos Helena Dam av Nestabø Umdømi um stílin: Helena er ein snøgg og vøkur dama. Hon er oftani klassiskt klødd og klæðini hjá henni eru rólig og vælbalanserað – eitt sindur sum hon sjálv eisini er. Hárið og húðin eru vælansað. Kann betrast uppá: Helena hevði kunnað verið betri til, at fylgt rákinum innan litir, og eisini valt eitt sindur nýggjari og modernaði klæði. Hon hevur í so oftani eitt turkis hálsband. Annika Olsen Stílur: Annika er ein flottur politikar, sum kann bera tættari snið. Hon er ofta í klædningsjakka, sum signalerar autoritet. Kann betrast: Annika er ein gimsteinur, sum trongir til fínpussing. Hon kundi gjarna brúkt meiri tíð uppá sminku og klæði, enn hon ger nú. Hárið kundi verið styttri og í hæddum. Eygnabrýrnar trongja til at nippast og litast. Annika passar væl at ganga í kjólum og meira femininum klæðum. Sunneva Thorsteinsson (omanfyri) og Petrina Berg á Lag