mánadagur 24. oktober 2011síða 21

21 Mánadagur 24. oktober 2011 · Nr. 123 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Fullsett var á Hvonn seinnapartin í gjár, tá Miðlahúsið skipaði fyri samkomu, samstundis sum tær ymsu heiðurslønirnar í fótbóltinum í júst lokna kappingarári vórðu handaðar. Sent var beinleiðis á Rás 2, so fólk kring landið kundu fylgja við í tí, sum hendi á Hvonn. Hetta vóru heiðurslønir til ársins spælarar, stjørnuskot, málverjar, venjarar og dómara, og tað vóru liðformenn, venjarar og ítróttarjournalistar, sum høvdu atkvøtt fyri teimum bestu. Eisini var latin ein serlig Fair play- heiðursløn og toppskjúttarnar fingu gyltar skógvar. Tey, sum handaðu heiðurslønir, vóru Christian Andreasen, FSF- forseti, Josef Abrahamsen frá Thomas Dam Ítróttur og Høgni Thomsen frá Vodafone. Talan var um eina hugnaliga og avslappaða løtu, har Hvonn borðreiddi við onkrum løttum, og nógv fótbóltsfólk nýttu høvi at støkka inn á gólvið á Hvonn, har tey kundu síggja allar handanirnar, umframt hoyra Jens Marna Hansen syngja – og annars bara hugna sær. hilmarjan@sosialurin.fo Gylt punktum sett fyri árið Øll tey bestu í farna kappingarárinum fingu heiður og æru, tá Miðlahúsið seinnapartin í gjár sendi eina serliga útgávu av Hvonn Live Jóannes Hansen Rannvá B. Andreasen úr KÍ og Lukasz Cieslewicz úr B36 hava verið bestu spælararnir hjá ávikavist kvinnum og monnum í føroyskum fótbólti í 2011. Hetta er níggjunda ferðin, at Rannvá B. Andreasen verður kosin besti kvinnuligi spælarin í Føroyum, og tá hon varð biðin um at siga, hvør hon heldur orsøkina vera til, at júst hon so ofta er kosin ársins spælari, svaraði Rannvá: – Eg geri mítt ítarsta við at venja, og eg kenni tað framvegis vera hugaligt at spæla fótbólt. Og tað skulu góðir liðfelagar til, um hesin heiðurin skal røkkast, og eg haldi meg hava frálíka góðar liðfelagar. Lukas Cieslewicz hevur í ár fyri fyrstu ferð spælt í bestu føroysku deildini, og tískil var hetta fyrsta ferðin, at hann rakk hesum heiðrinum, sum hann var glaður fyri. – Liðfelagarnir hava verið góðir, og tað hevur gingið væl hjá okkum øllum, segði framherjin, sum eisini næsta ár spælir við meistaraliðnum. – Vit ætla okkum aftur at vinna heima á landi, og vit ætla okkum at standa okkum væl í europeisku kappingini, sum vit gleða okkum ógvuliga nógv til at taka lut í, segði Lukasz Cieslewicz. joannes@sosialurin.fo Rannvá og Lukasz ársins spælarar