mánadagur 24. oktober 2011síða 25

25 Mánadagur 24. oktober 2011 · Nr. 123 Sosialurin Hugskot og viðmerkingar – send sms til 225000 Ítróttarblaðið Jóannes Hansen 07 Vestur beyð leygardagin farvæl við bestu fótbóltsdeildina. Tað var longu undan ferðini til Fuglafirðar greitt, at tað næsta ár ikki verður sunnudagsfótbóltur, men í staðin leygardagsfótbóltur í Vágum. Allir spurningar um bjarging og niðurflyting vóru svaraðir, og nú bíðaði bara, um tað fyri triðju ferð skuldi eydnast vágamonnum at vinna fulla úrtøku ímóti ÍF. Í 8. umfari vann 07 Vestur 2-1 í Fuglafirði, og í 13. umfari fór ÍF krøkt úr Sørvági. Ta ferðina vunnu vágamenn 1-0. 07 Vestur segði farvæl við manér, tí aftur hesa ferð eydnaðist tað at vinna fulla úrtøku ímóti ÍF. Tað er synd at siga, at tað var so ógvuliga nógvur futtur í. Fyrra umfarið var sera soltið, hvat málmøguleikum viðvíkur, og hvørki Kristian Joensen, sum hesa ferð aftur hevði vunnið plássið millum stólparnar hjá 07 Vestur, ella Hallgrím Gregersen Hansen, sum hesa ferð hevði fingið kjansin í ÍF málinum, meðan Jákup Mikkelsen sat á beinkinum, høvdu nakað serligt at gera. Eitt korter eftir hvíldina legði 07 Vestur seg á odda. Clayton Soares stýrdi við høvdinum bóltin í málið eftir hornasparksinnlegg, og harvið rakk vandamikli álopsspælarin málinum, sum hann undan kappingarbyrjan setti sær. Hann ætlaði at skora fimtan mál. Ímóti ÍF skoraði hann fyri fjúrtandu ferð í landskappingini, og í steypakappingini skoraði hann eina ferð. At gestirnir løgdu seg framum bar við sær, at ÍF spenti álopsbogan. Fuglfirðingar høvdu møguleikar at javna, men tað var Dánjal Rói Olsen, sum økti um leiðsluna til 2-0. So var alt avgjørt. Nenad Saric minkaði um munin tveir minuttir undan dystarenda, men tað broytti ikki upp á veruleikan, at í 2011 hevði 07 Vestur takið á ÍF. Hóast samlaða úrtøkan ikki rakk til at sleppa undan niðurflyting, so var úrtøkan ímóti ÍF níggju stig! Jóannes Hansen Tað var vorðið sum endaspurtur í samstarvinum millum B68 og Bill Jacobsen. Tað er longu langt síðani, at tað var greitt, at nú var meiri enn fimm ára langa skeiðið hjá Bill Jacobsen á Svangaskarði av. At venjarin beyð farvæl varð markerað við manér. Bill hevði valt at seta tíggju spælarar, sum eru uppvaksnir í felagnum ella hava røtur har, millum teir fyrstu ellivu. Einasti fremmanda maðurin, um tað ber til at nevna hann soleiðis, var Ndende. Hann er mest sum vorðin toftamaður, nú hann hevur verið á Svangaskarði í fýra ár og leygardagin var á besta liðnum fyri 100. ferð. Fyrstu løtuna sá tað einki út. Heðin Askham hevði givið trimum, sum ikki hava spælt so nógv, møguleikan millum teir fyrstu ellivu, og Poul G. Olsen, Arnar Dam, Brian Olsen og hinir løgdu ógvusliga fyri. Tá ið 1. hálvleikur var hálvrunnin, høvdu Leif Niclasen og Pætur Dam Jacobsen lagt EB/Streym framum við tveimum málum, og alt bendi á, at tað skuldi endað við favorittsigri. B68 kom fyri seg Men so fótaði B68 sær, og EB/ Streyma spælararnir tóktust hava ilt við at varðveita fokus. B68 mis­ nýtti brotsspark, áðrenn tað glapp, tá ið ein lítil tími var farin. Innskifti Kristian Anton Andreasen umsetti nýtt brotsspark til mál, og so tevjaðu ungu tofta­ menn­inir, sum stríddust fyri heiður­ligum farvæl til venjaran, øll stigini. Tveir minuttir eftir, at teir høvdu fingið hol á, stýrdi Ndende við høvdinum frísparksinnleggi í málið, og tá ið eitt korter restaði, var tað Jónleif Højgaard, sum hevur havt sítt besta kappingarár higartil, sum skoraði sigursmálið. Stórur fagnaður í B68 leguni, nú teirra lið fyri aðru ferð í ár hevði sent teir í EB/Streymi av Svangaskarði við ongum, og tað sá út til, at teir í EB/Streymi ikki kendu árið at hava verið miseydnað, tá ið teir fingu silvurkrónurnar um hálsin. Og so var fótbóltsárið liðugt hjá teimum flestu. Burtursæð frá venj­ arunum báðum – Heðin Askham og Bill Jacobsen – sum nú í felag fyrireika seg til síðstu uttan­lands­ ferðina í ár við U-21 landsliðnum. B68 - EB/Streymur 3-2 (0-2) ÍF - 07 Vestur 0-2 (0-0) Bóltar: Bóltar: Toftamenn vóru raskir Vodafonedeildin Burtursæð frá Ndende so vóru tað bara toftamenn millum teir fyrstu ellivu, tá ið teir takkaðu venjaranum fyri samstarvið við framúr endaspurti Virðiligt farvæl Vodafonedeildin Tað eydnaðist vágamonnum at seta punktum í fremstu røð við fyri triðju ferð í ár at vinna á fuglfirðingum Mynd: Álvur Haraldsen Mynd: Álvur Haraldsen