mánadagur 24. oktober 2011síða 33

33 Mánadagur 24. oktober 2011 · Nr. 123 Sosialurin Hugskot og viðmerkingar – send sms til 225000 Løgtingsvalið 2011 Hví stillar tú upp til løgtingsvalið? Svar: Tí eg havi nakrar hugsjónir, sum, um tær vinna fram, fara at geva okkum eitt betri samfelag. Og so eri so heppin, at eg eri partur av einum flokki, hvørs fremsta ynski er, at allir føringar skulu hava tað gott og trygt í hesum vakra og ríka landinum, Skaparin unti okkum at búgva í. Júst hvat er tað, flokk­ urin stendur fyri? Hvørji eru hjarta­mál tykkara? Svar: • at vit sum einstaklingar og tjóð ikki seta álit á menni­ skju, men á Gud, skapara Himins og jarðar. • at øll skulu kenna seg trygg í Føroyum, eisini ófødda barnið. • at ríkidømið, Skaparin signar okkum við, verður lutað øllum og ikki bert teimum fáu. • at fáa alt ríkidømið úr havinum um føroyskar hend­ ur, so arbeiðsloysið hvørvur. • at skapa virðilig kor til tey gomlu, sum liggja óhjálpin heima, uttan nøktandi røkt. • at kristnu virðini fram­ haldandi verða grundarlag undir lóggávuni. • At barnafamiljur mugu fáa rúmligari fíggjarligar umstøður. Hvar stendur flokkurin í forhold til vinstra og høgra? Svar: Hasi hugtøkini hoyra einari farnari tíð til! Her heima verða tey bara tikin fram tá val eru, annars er lítil og eingin munur á gomlu flokkunum. Men spyr tú, hvar Mið­ flokk­urin er á sosiala skalan­ um, so finnur tú hann óivað sum tann mest sosialt sinn­ aða. Miðflokkurin metir tað verða skyldu hins sterka og samfelagsins at hjálpa tí tørvandi, honum ella henni, sum er í neyð, og ikki megnar at skipa síni egnu viðurskifti. Hvar stendur flokkurin í forhold til loysing og samband? Sjálvt nýlembda lambið strevast at koma á føtur fyri sjálvt at kunna ganga. Og heimføddur man hann verða, sum ongan hug hevur at fara heiman frá foreldrum at royna egnar veingir. Tá tað er sagt, má eg leggja afturat, at Miðflokkurin metir, at Føroyar eiga at fáa eina fíggjar­liga uppgerð við danir. Og vit meta at hendan upp­ gerð fer at vísa, at tað danir árliga veita Føroyum sum blokk er peningur, vit eiga. Hvat heldur tú um farna valskeið, og hvat skal gerast øðrvísi komandi? Svar: Farna valskeið var ein katastrofa, fyrst av øllum tí at samgongan hevur latið staðið til. Vit hava knappliga 4000 óarbeiðsførar hendur, fleiri tóm flakavirki, stórt fiskatilfeingi, sum ikki kemur um føroyskar hendur, undir­ skot á fíggjarlógini 4. árið á rað, nettoskuld Føroya er økt við risaferð, kostn­aðar­støðið er methøgt, bíðitíðir innan heilsuverkið eru ørandi, t.d. til sálarlækna hjá børnum- og vit kundu hildið á at tikið dømir um mál, samgongan burdi havt tikið sær av. Men landsstýrið hevur lítið og einki gjørt fyri at rætta skútuna. Ein komandi samgonga má fyrst av øllum fara til arbeiðis! Og hon má hava hjartað við í politikki sínum, tvs. stevna móti tí, sum er best fyri hvønn einstakan føring! Svar til nakrar spurningar eg fekk nú ein dagin Jenis av Rana løgtingsvalevni fyri Miðflokkin LØGtingsvalið 2011 Nógv tosa um bíligari flog­ ferðaseðlar. Nógv verður lova, men einki verður gjørt. Vit í Framsókn hava bein­ leiðis sett hetta mál á okkara politisku stevnuskrá. Í Framsókn ásanna vit, at landafrøðiliga støða okkara mitt úti í Norðuratlantshavi ger okkum til ein útjaðara í Evropa. Vit eru tískil av teirri áskoðan, at ‘public service’-skyldan í sam­ ferðslu­kervinum ikki bara skal røkka av Fugloynni til Sumbiar, men eigur eisini at fevna um rættin hjá føroying­ um at ferðast til granna­ londini fyri ein rímiligan kostna. Hyggja vit nærri at tølu­ num, kostar raksturin av rutunum hjá Atlantsflogi á leið 225 mió. um árið. Men Atlantsflog má selja ferða­ seðl­arnar fyri væl meira, tí aðrar útreiðslur enn rakst­urin skulu leggjast á ferða­s­eðlarnar. Fyrst eitt ferðaavgjald á 14 mió, ið fer bein­leiðis í landskassan, og síðan meira ferðaavgjald á 32 mió. krónur til rakstur av Vága Floghavn. Sostatt má Atlantsflog selja ferðaseðlar fyri í alt 271 mió. krónur um árið. Felagið sjálvt fær einki burturúr hesum, men er bert eitt millumlið, ið skal krevja avgjaldið inn frá teimum ferðandi fyri landið. Vit hava í Føroyum mill­ um heimsins hægstu ferða­ av­gjøld. Allar royndir aðra­ staðni í Evropa vísa á, at høg ferðaavgjøld køva møgu­ leikan fyri vøkstri í ferðsl­uni; ja, tað er heldur hin­vegin. Nógv vitan um hetta finst við m.a. at googla “passager­ afgift”. Stendur tað til Framsókn verður ferðaavgjaldið avtikið beinanvegin, og síðan skal raksturin av Vága Floghavn á fíggj­arlógina. Hesi átøk tryggja í fyrstu syftu yvir 16% bíligari ferðaseðlar. Bílig­ ari ferðaseðlar fer at økja um talið av ferðandi, ið gev­ ur lægri eindarkostnað. Hetta tryggjar grundarlagið fyri enn bíligari ferðaseðlum. Út­rokn­­ingar peika á, at ferða­ seðla­­prís­irnir skjótt kunnu verða uml. 25% bíligari enn í dag. Vit vita, at einki kemur av ongum. Framsókn er ein ábyrgdarfullur flokkur, sum fegin vil fremja nakrar umleggingar fyri at finna fígging aðrastaðni á fíggjar­ lógini, so bíligari ferðaseðlar gerast veruleiki. Sostatt verður talan um eina umrað­ festing, og ikki eina eyka rokning til skatt­gjald­aran. Hetta er eitt hjartamál hjá mær og Framsókn. Hetta kemst snøgt sagt av, at bíligari ferðaseðlar eru eftir mínari sannføring avgerandi fyri at fáa trivna í okkara land. Vit vita øll, at her er okkurt galið, tá ið vit kanska hava størsta burð­ aravlop uttan­fyri muslim­ ska heimin, og millum tær bestu arbeiðs­loysis­skipanir í heiminum, men kortini minkar fólkatalið. Harumframt hava vit í Føroyum í nógv ár droymt um stóra ferðavinnu. Tað er mær tí ein gáta, at vit áhaldandi gera hetta, samstundis sum vit hava so høg ferðaavgjøld sum vit hava, tí allar royndir vísa jú at hesi bæði virka ikki saman. Her má farast til verka nú. Gev mær tín stuðul, so tryggi eg tær bíligari flog­ ferðaseðlar. Eg geri, sum eg sigi og sigi, sum eg geri. Vegurin til bíligari flogferðaseðlar Janus Rein valevni hjá Framsókn LØGtingsvalið 2011 Føroyskur politikkur hevur flutt seg alt ov langt frá fólkinum. Okkum tørvar politikkarar sum hava innlit í livikorini hjá vanliga fólkinum. Politikkarar sum eru jarðbundnir og kunnu finna semjur, ikki fólk sum rópa harðast, og brúka orku uppá at vísa á hvat hini hava gjørt, ikki hava gjørt o.s.fr alt fyri at flyta fokus frá tí, sum hevur tydning, til at fokusera uppá seg sjálvan. Fólkið í Føroyum er sjálvsagt fjølbroytt, eins og liviumstøður og livikor laga seg ymiskt hjá okkum øllum. Vit mugu tó ikki venda blinda eygað til tá ið vit hoyra um, og síggja hvussu hart barnafamiljurnar eru sperdar. Javnvágin millum familjulív ag arbeiðslív er trupul at finna, og í allar flestu førum eru bæði foreldrini úti á arbeiðsmarknaðinum, og børnini í ansing. Tað er av stórum tydningi at arbeiða fram móti at barnsburðarfarloyvi verður longri, og helst longt til eitt ár. Somuleiðis eigur barnafrádrátturin at hækka. Sjálvt um fólk arbeiða nógv, so er trupult at fáa endarnar at røkka saman. Føstu útreiðslurnar eru stórar, og prísurin á vanligum gerandisvørum er alt ov høgur. Ein vanlig familja má venda hvørjari krónu, og tá ið mánaðin er hálvur er uppi hjá nógvum. Hetta má broytast og kostnaðarstøði má niður. Somuleiðis sum nógvar familjur uppliva fíggjarliga trongstøðu, so hoyra vit dagliga um fólk sum hava útgoldið sær sjálvum høgar samsyningar, og tað uttan heimild. Vit hoyra um fólk sum skuldu verið koyrd frá, tí tey hava misrøkt sítt starv vera premieraði við hægri størvum, sum enntá vera designaði til hesar persónar. Vit hoyra um ójavnar í skattaskipanini. Vit hoyra um fólk, sum koyra fyritøkur og feløg á húsagang, men starta uppaftur dagin eftir, og so framvegis. Hvønn hoyra vit sum vil gera nakað við hetta? Skilligt er at fólk eru ónøgd, og ikki kenna at politikkarin arbeiðir fyri tey. Órættvísi er alt ov stórt. Neyðugt er at hjúkla um og raðfesta familjuna nógv hægri. Foreldrini taka sær av okkara dyramiklasta tilfeingið – børnunum ! Tí skulu familjurnar raðfestast nú ! Onki at sær komið samfelag setur framtíðina uppá spæl ! Sirið Sterberg valevni Tjóðveldis LØGtingsvalið 2011 Hvønn ynskir tú at umboða teg?