mikudagur 26. oktober 2011síða 33

33 Mikudagur 26. oktober 2011 · Nr. 124 Sosialurin Hugskot og viðmerkingar – send sms til 225000 Trýrt tú, at verandi polit­iska leiðslan brádliga er før fyri at leiða okkum burtur úr stóru trupuleikunum, bara tí at val er fyri hondum? Um hon hevur førleikan fyri tí, so er tað stór skomm, at vit ikki hava sæð tað gjøgnum farna valskeið. Hildin fyri gjøldur Hvussu kunnu somu fólk, sum hava gingið á odda fyri at skerja lestrarstuðulin, nú lova at hækka hann aftur? Er hetta ikki ein roynd at kasta torvmold í eyguni á tær, í vón um at tú ert býttur og dølskur? Hvussu kunnu somu fólk, sum hava plágað óhjálpin, gomul og sjúk við hóttanum, um at bæði eitt og annað alneyðugt fór at verða tikið frá teimum, nú lova gull og grønar skógir? Er hetta sannførandi? Hvat við Atlantic og ferðaseðlaprísunum? Somu fólk, sum nú lova at koyra prísin niður við stuðli úr einum bløðandi lands­­kassa, gingu á odda at einskilja Atlantic, hóast staði­ liga ávaraði um, at prísurin á ferðaseðlum fór at hækka, um so varð gjørt. Hvat við granskoðara­ málinum ella makrelmáli­n­ um? Heldur tú, at har hevur verið arbeitt professionelt og trúverdugt? Hvat hevur fylt almenna rúmið síðstu tíðina? Jú, ímeðan land okkara er í svárum trupulleikum, verður politisk orka brúkt uppá eitt stríð um Iphones og telduútbúnað! Heldur tú, at hetta byggir land? Er hetta eini stjórn verdugt? Er hetta ikki bara toppurin av ísfjallinum, sum avdúkar eina syndarliga støðu? Er tað ikki alneyðugt, at vaksið fólk kemur framat og fær ruddað upp? Eg bjóði mær at rudda upp fyri teg! Og verði eg valdur, skalt tú onga løtu ivast í, at eg fari at arbeiða fyri títt og landsins besta – og ikki bara í valtíðum. Set X við Egin Markná Listi H Egin Markná LØGtingsvalið 2011 Hugsa teg væl um! Støða Miðfloksins til sjómannafrádráttin? Miðflokkurin var ikki við til at samtykkja sjómanna­ frádráttin, sum í uppruna­ líki sínum onki ovasta mark hevði fyri rætt til frá­drátt. Hinvegin var tað núver­andi løgtingsmaður Miðfloksins, táverandi fíggjar­mála­ráð­ harrin, Karstin Hansen, sum í 2000 setti tað ovasta markið, sum síðani hevur forðað fyri, at frádráttur verður latin fyri inntøkur hægri en 500.000. Miðflokkurin var sum nevnt ikki millum teirra, ið settu hendan frádrátt í verk, og flokkurin hevur heldur ongar ætlanir um at vera við at taka hendan av. Talan er um ein frádrátt, hvørs endamál er at lætta um hjá teimum, sum hava starv sítt á sjónum, og tí ikki hava somu atgongd til teir ágóðar, sum aðrir samfelagsbólkar annars dagliga njóta. Støða Miðfloksins til verandi FAS-skipan? Tá FAS skipanin varð sett í gildi í Føroyum, varð talan um eina neyðloysn, so Føroyar kundu verða við og ikki glíða burtur ímillum aðrar tjóðir, sum longu høvdu slíkar skipanir. Varð FAS skipanin ikki gjøgnumførd, varð vandi fyri, at vit mistu skip okkara til hesar skipanir. Við at fáa okkum slíka skipan, gjørdust vit før fyri at kappast á jøvnum fóti við aðrar tjóðir um heimsins skip, og eftir øllum at døma hava vit staðið okkum væl higartil. Óivað eru fleiri hugsanir um hesa skipan, og tíðin man vera komin bæði at eftir­ meta, endurskoða og kanska dagføra hesa. Støða Miðfloksins til verandi DIS-skipan, ið nógvir føroyingar sigla undir? DIS, NIS og aðrar líknandi skipanir eru uttan fyri okkara avgerðarøki. Sum nevnt omanfyri høvdu hesar við sær, at neyðugt varð hjá Føroyum at gera sína egnu skipan, FAS skipanina, fyri at kunna verða við í kappingini at fáa skip undir føroyskt flagg og ikki missa okkara egnu til aðrar tjóðir. Miðflokkurin hevur annars ongar ætlanir um at gera seg inn á hesi rættindi teirra, ið á sjónum stríðast fyri síni kæru og tjóð sína! Skulu skip undir føroyskum flaggi/ fiskiloyvi hava møguleika at hava útlendingar umborð, ið hava aðrar lønartreytir enn galdandi sáttmálar á føroyska arbeiðsmarknaðinum? Miðflokkurin metir tað verða grundleggjandi, at øll, sum virka í Føroyum ella á føroyskum kjøli, eru skipaði eftir sáttmálum, sum eru galdandi her á landi. Her er talan um eitt grundleggjandi sjónarmið, sum eisini hevur við trygd teirra, sum her búgva ella virka at gera. Tað má ikki henda, at vit, við at loyva øðrum lønartreytum enn okkara egnu, rætta hond til lond, sum kanska ikki veita fólki sínum eina virðiliga løn. Júst í ár hava vit verið vitni til, at útlendsk fiskiskip liggja á føroyskum grunnum og virka føroyskan fisk við útlendingum, hvørs um­ støður umborð og inntøkur eru langt frá tí, sum vit her á landi meta vera rætt. Tað er ikki klæðiligt fyri okkum sum tjóð, og vit eiga ikki at opna fyri hesum møguleika. Jenis av Rana Formaður Miðfloksins LØGtingsvalið 2011 DIS, NIS, FAS, sjómannafrádrátturin og Miðflokkurin Vit kunnu velja at fáa meiri burturúr fiskinum. Fiska hann tá ið hann er búgvin, lata tey dugna­lig­astu sleppa framat, fáa til høldar onnur fiska­sløg. Her liggur ein milli­ard og bíðar í øktum útflutnings­virði. Vit kunnu fáa hitan úr jørðini og streymin úr sjón­ um. Hetta sparir bú­skap­­in fyri milliardina í inn­flutningi – og skapar arbeiði tá ið íløg­ ur verða gjørdar. Vit kunnu útbúgva fólk okkara í Føroyum út frá egnum fortreytum og í góð­ um sam­starvi við út­lendskar skúlar. Hetta gevur fólka­ vøkstur og nýggjar vinnur. Vit kunnu fáa skil á tað almenna. Færri stovnar, færri ráð, kommunur og skúl­ar. Hetta gevur sparing í rakstrinum, sum ger øðrvísi rað­festing møguliga. Meiri tæn­astu, betri samskipan, meiri eftir­útbúgving og hægri støði. Vit kunnu flyta skatta­byrð­ una frá inntøku og vinningi yvir á tilfeingi, dálking og oyðsl. Hetta gevur størri umferð í búskapi og meiri umlegging í vinnu. Vit kunnu gerast landið við lægri prísum og hægri framleidni, um vit bert tora at lata summu arbeiðspláss fara, meðan onnur verða skapt av alsamt betur útbún­ um hondum og høvdum. Vit kunnu. Vit kunnu vraka bæði CHE og ABC. Vit kunnu stýra sjálvi og velja D. Kári á Rógvi løgtingsmaður og valevni LØGtingsvalið 2011 Vel Sjálvstýri! Sjálvstýri er at stýra sjálvi. Ongin ger tað fyri okkum Góði lesari, hevur tú nakran­tíð upplivað størri politiskt sirkus enn farna valskeið? Løgtingsvalið 2011