mánadagur 31. oktober 2011síða 20

Mánadagur 31. oktober 2011 · Nr. 126 20 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Í gjár vóru vágskvinnur á vitjan í Havn, men hóast tær fylgdu væl við ein part av dystinum, megn­aðu heldur ikki tær at hótta Neista­ kvinnur, ið tykjast hava neyðuga yvirskotið, ið gevur stig og sigrar. VB byrjaði betur og var fyri tað nógva á odda fyrsta korterið av dystinum, men so tók Neistin sær um reiggj, javnaði og fór framum. Og restina av dystinum var tað stórt sæð bara ein spurningur um, hvussu stórur og greiður sigurin hjá heima­liðnum fór at verða. So skjótt sum Neistin hevði vunnið seg nóg nógv framum ímóti endanum á dystinum, bleiv spælt eitt sindur róligari, tí nú var vunnið tað, sum skuldi vinnast. Helst verður hetta gongdin í fleiri av komandi dystum eisini, tí Neistin sær út til at hava munin á øll­um hinum. VB má annars metast sum ein av frægastu avbjóðarunum hjá Neist­anum, og undan dystinum í gjár høvdu vágskvinnur bast bæði Stjørnuni og Tjaldri, sum hava verið bestu liðini seinnu árini. Hvørki teirra hevur somu styrki longur, men tað nertir ikki við, at VB er eitt gott boð upp á ein avbjóðara heilt har frammi. Tað verður tó ringt hjá nøkrum av hinum at gera tað stóra við Neistan, sum hevur nógvar góðar spælarar og haraftrat hevur eina breidd í hópinum, hini ikki kunnu gera nakað við. Longu í hesum fyrstu dystunum eru nýggir spæl­ arar slopnir framat, so Neistin sær út til at hava góð ár fyri sær. Hilmar Jan Hansen Kyndil var í gjár á vitjan hjá StÍF á Skála, og endin var, at tær grønu kundu taka sigurin og stigini við sær aftur til Havnar. Munurin var tó ikki so øgiliga stórur, og tað var ikki fyrr enn seinasta korterið, at Kyndil fekk lagt eitt sindur av sjógvi millum seg og StÍF. Allan fyrra hálvleik og fyrra helming av seinna hálvleiki bylgjaði spælið aftur og fram og liðini skiftust um at skjóta málini. Men tá tað gjørdist málturkur hjá StÍF í næstan níggju minuttir, gjørdi Kyndil sær dælt av hesum og skjeyt seg so mikið framum, at StÍF ikki fekk svarað aftur. StÍF valdi at mansverja Jórun Ludvig allan dystin, men tað gav bara øðrum so mikið meira pláss, og hetta verjuvápnið var ikki nóg mikið til at steðga Kyndli, sum nú liggur væl fyri á triðja plássi við fimm stigum fyri fimm dystir. Sostatt sær tað rímiliga gott út hjá Kyndli, ið helst ætlar sær meira enn bert av og á at arga liðini, sum eru omanfyri á stigatalvuni. Um dygdirnar eru til tað, má tíðin vísa, men dysturin í gjár vísti ikki so nógv av tí spælinum. Hóskvøldið vann StÍF á heimavølli 37-26 á Tjaldri, sum er viknað nógv, men tað kundi givið ábendingar um, at strandakvinnur eru í ferð við at taka seg so mikið fram, so tær møguliga eisini kunnu arga onkur av hinum liðunum. hilmarjan@sosialurin.fo Neistakvinnur koyra á Neistin - VB 28-20 (15-10) Hondbóltur Við fullum stigatali eftir fimm dystir, eru kvinnurnar hjá Neistanum farnar avstað við fullari ferð, og í løtuni er ilt at ímynda sær nakra veruliga hóttan ímóti teimum bláu STERKUR NEISTI Ikki er óhugsandi, at Neistin og VB fara at kappast langa leið í hesi kappingini, men í fyrsta umfari eru kvinnurnar hjá Neistanum sterkari enn øll hini StÍF - Kyndil 25-28 (15-16) Kyndil liggur framvið Hondbóltur Kyndilskvinnur, sum fleiri ferðir í fjør argaðu tey fremru liðini, ætla sær meira í ár, og eftir fyrstu fimm dystirnar eru so fimm stig komin í kassan Mynd: Álvur Haraldsen