mánadagur 31. oktober 2011síða 22

Mánadagur 31. oktober 2011 · Nr. 126 22 Sosialurin Hugskot og viðmerkingar – send sms til 225000 Ítróttarblaðið Tróndur Arge – Eg eri ikki vísur í, at eg og FSF hava somu tankar um hvussu føroyskur fótbóltur kann koma eitt stig víðari, sigur Brian Kerr við írska blaðið, Independent. Brian Kerr hevur verið venjari hjá føroyska landsliðnum í áleið trý ár. Millum minniligu úrslitini eru sigrarnir á Litava og Estlandi, umframt javnleikin móti Norðurírlandi. – Eg gjørdi alt tað sum eg kundi og eg var nógv burturstaddur. Eg eri glaður fyri at vit megaðu at flyta okkum frameftir og vit høvdu nakrar serstakar dagar, sigur Brian Kerr víðari. Forsetin í FSF, Christian Andreasen, hevur fyrr sagt við Sosialin, at tað vóru nøkur ting teir vóru sera galðir fyri, men at tað eisini vóru økir, sum FSF saman fyri Brian Kerr máttu betra um, skuldi samstarvið halda fram. – Vit í FSF hava verið nøgd við samstarvið við Brian Kerr. Við Brian Kerr sum landsliðsvenjara, hevur føroyska A-landsliðið rokkið góðum úrslitum. Tí harmar tað okkum, at tað ikki var møguligt at gera nýggjan sáttmála við Brian Kerr, sigur Christian Andreasen, FSF forseti í tíðindaskrivi, sum varð sent út mikudagin. Fyribils er ongin greiður kandidatur til starvið sum landsliðsvenjari. trondur@sosialurin.fo Fótbóltur Nú fyrrverandi føroyski landsliðsvenjarin er vónbrotin av, at samstarvið millum hann og føroyska fótbóltssambandið ikki heldur fram Brian Kerr vónbrotin Eyðun Klakstein Heðin Askham hevur verið venjari í EB/Streymi síðani 2009, men tað var ivasamt, um hann fór at halda fram í starvinum. Tað er nú komið uppá plass, og tað fegnast EB/ Streymur um. – Vit eru sera fegin um hetta, tí Heðin er ein góður og dámligur venjari, sum dugir sera væl at fáa alt tað besta fram í leikarum okkara, og við honum á síðulinjuni hava vit góðar vónir um góð úrslit komandi ár eisini, skrivar EB/ Streymur á heimsíðuni. Eisini verjuspælarin Marni Djurhuus heldur fram í EB/Streymi, har hann er uppvaksin. Marni hevur síðani 2001 spælt 287 dystir við besta liðnum hjá EB/Streymi. Og EB/Streymur hevur eisini gjørt nýggja avtalu við miðvallarspælaran Pætur Dam Jacobsen, sum kom til EB/Streym í 2009. Hann hevur hesi trý árini leikt 94 landskappingardystir við felagnum. Á ársveitsluni hjá EB/ Streymi fyri viku síðani varð júst Pætur Dam Jacobsen valdur sum ársins spælari hjá EB/Streymi í ár. eydun@sosialurin.fov Eyðun Klakstein Jonas Flindt Rasmussen hevur verið verjuálit hjá B36 í hesum kappingarárinum, og leiðslan og venjarar í B36 vóru á einum máli um, at sáttmálin átti at leingjast. Leygarmorgunin undan HB- dystinum varð so nýggjur sáttmáli undirskrivaður. – Fremsta orsøkin til at eg leingi, er at eg og genta mín stórtrívast heruppi. Fólk sum heild, spælarar, venjarar og leiðsla hava tikið serstakliga væl ímóti okkum, og í so máta hevur hetta verið ein einastandandi uppliving hjá okkum, sigur Jonas Flindt Rasmussen við b36.fo. – Ítróttarliga kenni eg meg eisini fáa bæði avbjóðingar og menning, og ikki minst gleði eg meg til tær avbjóðingar, sum standa fyri framman í 2012. Bæði í heimligu kappingini, har eg fegin vil royna at endurvinna meistaraheitið, og ikki minst í altjóða høpi, har vit nú skulu spæla undankapping til Champions League, sigur hann. Eisini miðvallarspælarin Ingi Højsted hevur gjørt nýggja avtalu við B36. Ingi Højsted hevur verið illa plágaður av skaðum, men hóast fleiri helst høvdu avskrivað hann heilt, so byrjaði hann aftur í vár og var partur av 23 dystum hjá B36. Um eina viku skal Ingi aftur undir skurð, og vónandi ger hetta, at hann verður enn betur fyri til komandi kappingarár, skrivar b36. fo. Eyðun Klakstein Sigfríður Clementsen gjørdist venjari í HB, tá ið felagið endaði samstarvið við Julian Hansen miðskeiðis í farna kappingarári, og nú er so greitt, at Sigfríður eisini verður venjari hjá HB í komandi kappingarári. – Hóast gongdin sum so ikki vendi, megnaðu Sigfríður og hjálparvenjarin Ingi Rasmussen at halda liðinum í deildini, og til tíðir sóust sera góða taktir, skrivar HB á heimasíðuni. – At teir høvdu dirvið at seta fleiri yngri leikarar við, skal telja til teirra rós, og spennandi verður at síggja, hvussu hesir ungu menn fara at fella til komandi ár. Avtalan millum HB og Sigfríð Clementsen er galdandi eitt kappingarár fram. eydun@sosialurin.fo Heðin Askham heldur fram Fótboltur EB/Streymur boðar frá, at Heðin Askham heldur fram sum venjari, og felagið hevur eisini gjørt nýggjar avtalur við Pætur Dam Jacobsen og Marna Djurhuus Verjuskansi eitt ár aftrat Fótbóltur Jonas Flindt Rasmussen fer aftur at umboða B36 næsta kappingarár, og Ingi Højsted tekur eisini eitt tørn afturat fyri meistaraliðið Sigfríður verandi í HB Fótbóltur – Hóast gongdin avgjørt ikki hevur verið nøktandi í ár, eru partarnir samdir um at taka eitt tørn afturat, skrivar HB á heimasíðuni