mánadagur 31. oktober 2011síða 23

23 Mánadagur 31. oktober 2011 · Nr. 126 Sosialurin Hugskot og viðmerkingar – send sms til 225000 Ítróttarblaðið Tróndur Arge – Liverpool Tey vóru mong, ið settu spurnar­ tekin við Arsenal venjaran undan kappingarbyrjan. Felagið hevur ikki vunnið nakað steyp av týdningi síðani 2005 og óðar røddir hava í eina tíð vilja sæð bakið á Arsene Wenger. Tá so Cesc Fabregas og Samir Nasri valdu at skifta felag heglaði kritikkurin niður yvir Arsene Wenger. Men eftir eina ringa byrjan, er Arsenal nú aftur at finna á ovaru hálvu í Premier League og stendur seg væl í Champions League. Tríggjar ferðir Van Persie Leygardagin stóð Arsene Wenger frammanfyri eini stórari avbjóðing. Chelsea á Stamford Bridge er ikki at spæla við og tvær ferðir var Chelsea eisini á odda. Men báðu ferð svaraði Arsenal aftur og stutt inn í seinna hálvleik legði Theo Walcott Arsenal á odda. Tíggju minuttir fyri tíð javnaði Juan Mata, men við tveimum málum tryggjaði Robin van Persie Arsenal ein søguligan sigur á Chelsea. Hetta er fyrstu ferð í Premier League søguni, at Chelsea hevur latið fimm mál inn á heimavølli. Frelsarin Høvðusmaðurin aftanfyri sigurin var hollendski framherjin, Robin van Persie. Hann er í løtuni frels­ arin hjá Arsenal og Arsene Wenger. Maðurin, sum var mettur sum eitt sokalla »problem barn« tá hann kom til Arsenal í 2004, er nú 28-ára gamal, leiðari og liðskipari á Arsenal liðnum. Størsti trupulleiki hjá honum eru mongu skaðarnir, ið mangan hava steðga honum í at spæla. Hvat ger Arsenal um Robin van Persie verður skaddur? Hin trupulleikin er, at sáttmálin hjá honum gongur út eftir komandi kappingarár. Arsenal hevur fyrr verið tvungið at selja leikarar, ið ikki eru sinnaðir at skriva nýggjan sáttamála. Meg kunnu tit líta á Tað segði Arsene Wenger, tá Arsenal í farnu viku hevði aðalfund. Sam­ bært bretskum miðlum vóru fleiri av minni partaeigarunum í felag­ num í øðini inn á leiðsluna, meðan Arsene Wenger royndi at sissa Arsenal viðhaldsfólkini. – Eg síggi ótta í eygunum hjá fleiri av tykkum, men tað er tí vit eru upp ímóti feløgum við risa peninga upphæddum, men vit kunnu verða kappingarførir við háttinum vit reka felagið upp á. Vit mugu verða snildir og standa saman. Tað er torført at avrika stabilt, men vit hava avrikað stabilt í15 ár, segði Arsene Wenger. Arsenal – uttan pengahjálp Arsenal er eitt av teimum feløg­ unum, sum ikki nýtur gott av pengum frá ríkmonnum. Tað er fíggjar­politikkurin hjá felagnum at bara brúka teir pengarnar, ið felagið megnar at vinna sjálvstøðugt. Síðani Arsene Wenger kom til í 1996 hevur felagið megnað at byggja ein nýggjan leikvøll, umframt at hava rokkið Champions League fótbólti at kalla hvørt ár. Nýggi leik­vøllurin ger, at felagið er saman við Manchester United tað felagið í tjenar flest pengar rundan um dystar dag. Fíggjarpolitikkurin er langsiktaður og varin, og tað er tað ikki øll, ið hava tol at bíða eftir. Hvat nú? Arsene Wenger hevur verið venjari í 15 ár í Arsenal, men er tolið hjá viðhaldsfólkunum uppi? Stendur ov nógv á herðinum hjá Robin van Persie og hava innkeypini í ár verið ov vánalig? Arsenal hevur síðani 2003 verið upp ímóti pengasterku Chelsea og nú Manchester City og tað hevur helst eisini gjørt eitt felag sum Arsenal veikari í mun til oddin. Fyri hálvum øðrum árið síðan vildu Liverpool viðhaldsfólk hava Rafael Benitez vekk, tí tolið var uppið. Tey endaðu við at fáa Roy Hodgson. Um tolið við Arsene Wenger er uppið hjá Arsenal viðhaldsfólkunum, hvør skal so taka yvir? At koyra Arsene Wenger frá sum nú er – er ørskapur. Tí ongin er betri egnaður at strýra felagnum enn Arsene Wenger. Einki óvæntað Úrslitini hetta vikuskiftið lagaðu seg soleiðis nøkunlunda sum ein kundi vænta. Manchester City, Manchester United, Liverpool og Tottenham vunnu øll. Chelsea er einasta av oddaliðnum, ið tapti. Manchester City mundi komi í trupulleikar móti Wolves, tá Vicent Kompany varð vístur av vøllinum, men megnaði at vinna. Manchester United reisti seg eftir 6-1 ósigurin á grannunum við at vinna 1-0 á Everton á útivølli. Liverpool og Tottenham vunnu eisini sínar dystir og bæði hava eyguni eftir eini topp fýra plasering, sum gevur Champions League fót­ bólt komandi kappingarár. Uppflytarnir frá í fjør hava klárað seg væl higartil í ár. Norwich, Swansea og QPR liggja ávíkavist nummar átta, tíggju og tólv. trondur@sosialurin.fo Enska Barclays Premier League nr. lið dystir vunni javnt tapt mál stig 1 Manchester City 10 9 1 0 36-8 28 2 Manchester United 10 7 2 1 27-12 23 3 Chelsea 10 6 1 3 23-15 19 4 Newcastle 9 5 4 0 12-6 19 5 Tottenham 9 6 1 2 18-14 19 6 Liverpool 10 5 3 2 14-10 18 7 Arsenal 10 5 1 4 20-21 16 8 Norwich 10 3 4 3 14-15 13 9 Aston Villa 10 2 6 2 13-13 12 10 Swansea 10 3 3 4 12-15 12 11 Stoke 9 3 3 3 7-11 12 12 Queens Park Rangers 10 3 3 4 8-17 12 13 West Bromwich 10 3 2 5 9-13 11 14 Sunderland 10 2 4 4 14-12 10 15 Fulham 10 2 4 4 13-12 10 16 Everton 9 3 1 5 10-13 10 17 Wolverhampton 10 2 2 6 9-17 8 18 Blackburn 10 1 3 6 13-23 6 19 Bolton 10 2 0 8 13-27 6 20 Wigan 10 1 2 7 6-17 5 Premier league Fótbóltur So greiður var boðskapurin hjá Arsene Wenger á aðalfundinum hjá Arsenal í farnu viku. Leygardagin vann Arsenal 5-3 á Chelsea á Stamford Bridge, men kunnu tey í Arsenal líta á Arsene Wenger? Meg kunnu tit líta á! ÁLÍTANDI ELLA EI Hóast 5-3 sigurin á Chelsea leygardagin, er spurningurin, um viðhaldsfólkini hjá Arsenal skjótt hava mist tolið við venjaranum síðstu 15 árini, Arsene Wenger