mikudagur 2. november 2011síða 19

19 Mikudagur 2. november 2011 · Nr. 127 Sosialurin Hugskot og viðmerkingar – send sms til 225000 Nú er krútroykurin um at reka burtur í Libya. Har hava flokkarnir hjá Edmund og Sjúrða verið í kríggi, og hvør vann so? Sigurharrarnir boða nú frá, at muslimska sharialóg­ gávan skal setast í verk í Libya. Hesum kann eingin forða teimum í, tí danska stjórnin hevur ongar treytir sett fyri at fara upp í kríggið. Tað er bara nógv fyri at eitt ikki-muslimskt land skal leggja uppí eitt innlendiskríggj fyri at fáa slíka lóggávu setta í verk. Men hetta er kanska tað sum Sambands­flokkurin og Javnaðarflokkurin standa fyri? Zakarias Wang Stuðul til sharialóggávu Dagfinnur Danbjørg Róð verður nú framundir, at tjóðveldis­flokkurin skal í samgongu við fólkaflokkin eftir valið. Við øðrum orðum, at mín atkvøða á tjóðveldisflokkin soleiðis indirekta skal stuðla fólkaflokkinum og fólkaflokspolitikki komandi 4 árini. Undir hesum umstøðum kann eg ikki lata tjóðveldisflokkinum mína atkvøða at umsita. Tað kann als ikki koma upp á tal. Nú kann tað vera nokk! Kjak Zakarias Wang Tað var eitt áhugavert val vit høvdu. Ført verður fram, at Sam­ bandsflokkurin var tann stóri sigursharrin. Tað er rætt, at hann vann ein tingmann og fekk 8. Men hinir flokkarnir fingu 25 tingmenn. Men hvat var tað sum Sam­ bands­flokkurin førdi fram fyri at fáa henda tingmannin? Tað var tann mest skamm­ leysa valpropaganda, sum hugsast kann. Sjálvt teirra egnu valevni hava eftir øllum at døma havt vaml. Eitt av teimum var síðsta kvøldið fyri valið í fjølmiðlunum og førdi fram, at vit kunnu ikki liva yvir evni fyri at senda rokningina til onnur at gjalda. Men tað var júst tað, sum flokkurin førdi fram í hesum valstríði. Hann legði allar árar út fyri at royna at billa veljarunum inn, at bjarging okkara var at fáa danir at gjalda okkum meir av deyðans stuðli. Hetta hevur eydnast fyrr, og hví skuldi tað ikki eydn­ ast hesaferð? Meting­ar út frá úrslitinum av fólka­tings­ valinum kundu bent á, at hesin biddara­poli­tikk­ur kundi givið einar 11 tingmenn. Men hvat hendi? Allir hinir flokkarnir vendu sær frá hesum yvir­ bjóð­ingar­politikki. Tað gjørdu velj­ararnir eisini. Vit fingu tí eina fólka­atkvøðu um danskan stuðul til Føroya, og bert fjórði hvør veljari vildi hava, at vit framvegis skuldu vera pinkubørn. Við at royna at bluffa seg til ein veldugan valsigur, sum teir ikki fingu, hevur Sambandsflokkurin isolerað seg í føroyskum politikki. Nú hevur flokkurin so møguleika fyri at viðurkenna sítt tap og biðja hinar flokk­ arnar um náði, so at teir sleppa at vera við at stýra landinum. Her eru ávísir møguleikar. Sambandsflokkurin hevur sjálvandi í stóran mun verið samtakið av teimum í Føroy­ um, sum vildu fáa aðrar at gjalda fyri seg, men tað eru tó aðrir streingir í søgu floksins. Taka vit navnið sjálvt, sum Fríðrikur Petersen skeyt upp í 1906, so sigur tað nakað heilt annað enn bidding. Samband merkir nevnliga ikki, at vit skulu gerast ein partur av Danmark, soleiðis at danir ráða yvir okkum. Samband er hin vegin millum eins partar, sum hvør ræður yvir sær sjálvum. Hjúnalagið er eitt sam­ band millum tvey. Sam­bands­ ríkið USA er eitt samband millum fimmti ríki. Fríðrikur visti hvat ið orðið merkti, og við at skjóta hetta navn upp segði hann tí, at hann ynskti samstarv við Danmark, men tað skuldi vera á jøvnum føti. Hann hevði fingið sítt studentsprógv í Reykjavík, so hann visti hvat hann tosaði um tá hann setti fram hetta uppskot. Í sjálvum navninum ligg­ ur tí eitt ynski um at vit skulu hava eitt samstarv við Danmark, sum er á jøvnum føti. Hetta er eisini í besta samsvari við tann framvegis galdandi sambandssáttmála, sum vit hava við Danmark, tí har verður beinleiðis sagt, at vit eru javnlíkar. Vansin við sambandspoli­ tikki­num er, at teir sum ráða í Danmark ikki vilja halda tann sambandssáttmála, teir hava gjørt við okkum. Teir halda hinvegin, at teir skulu ráða yvir okkum og harvið oyðileggja sambandið. Fyri Sambandsflokkin er so spurningurin: Hvussu skal samband fáast í lag við Danmark, tá danir ikki vilja hava samband, men bert innliming í sítt ríki? Ein møguleiki er sjálvandi at Sambandsflokkurin skift­ ir navn til Inn­liming­ar­flokk­ ur­in, soleiðis at hann fer at virka fyri, at vit gerast ein full­komin partur av Danmark. Ein annar møguleiki er, at hann sigur, at hann stendur við sítt navn og førir fram, at tá tað ikki ber til at fáa samband á jøvnum føti við Danmark sum er, so er einki annað at gera enn at vit skipa okkum sum eitt sjálvstøðugt ríki. Nú valið hevur víst, at verandi leið hjá Sam­bands­ flokkinum ikki førir fram, er øll orsøk til at taka upp annan tátt og fara at virka fyri veruligum sambandi í tráð við floksins navn. Hetta er lætt at seta í verk. Danska stjórnin hevur sagt, at vilja vit siga upp verandi sambandssáttmála, so vil hon hjálpa okkum við tí. Á hvønn hátt henda hjálpin fer at verða givin fáa vit bert at vita við samráðingum við stjórnina, men tá semja er um úrslitið, er lætt at finna gongda leið. Nær skal tað vera? Fyrst í januar tekur Dan­ mark við formanssessi­num í ES. Tá hevur stjórnin so nógv um at vera, at hon ikki hevur tíð til samráðingar við okkum. Helst er tí best at nýggja skipanin fæst í lag fyri 1. januar 2012. Valið 2011 Hanus Samró Fyrst og fremst vil eg takka øllum, ið stuðlaðu mær og flokkinum gjøgnum valstríðið. Serliga til tey 304, ið sýndu mær neyðuga álitið við at atkvøða fyri mær. Tit hava gjørt mín dreym til veruleika, og fari eg tískil at arbeiða fyri, at álitið verður afturgoldið. Takk fyri Leygardagin bleiv løgtingið mannað av nýggjum. Til­lukku við valinum øll somul. Flokkar og persónar hava lagt dent á ymiss viðurskifti til tess at blíva valdir í tingið. Summi hava lovað, at fiski­dagarnir ikki skulu gerast færri í hesum val­skeiðn­ um. Hesi hava, sum tað sær út, gjørt eitt gott hál, og eru komin syngjandi inn. Tey hava fingið atkvøður úr økjum har fiskivinnan verður rikin. Fiski­ vinnan, sum er í sandasorli, tí vit hava ov nógvar fiskidagar. Tænastan sum hesir politikkarar geva sínum veljarum, má av sonn­um sigast at vera ein Bjarna­ tænasta. »Vel okkum! So verða fiski­dagarnir ikki færri.« var slogan­ið. Trupulleikin er, at vit fiska ikki fiskidagar. Vit fiska fisk. Og fyri at fáa nógvan fisk, mugu fiska­stovnarnir verða só stórir, sum møguligt. Fiska­stovn­arnir, serliga Toska­ stovnurin eru níðurpíndir av ov nógv­ um fiskidøgum. Úrslitið er at veljararnir fáa nógvar fiskidagar, men ongan fisk og onki livibreyð. Ein kann siga at nøkur fá valevni fingu eitt livibreyð, meðan veljarar í hópatali fingu armóð. What a mess!! Atli Gregersen Viðmerking til val­ úrslitið, fiskidagar og fiskiveiðu