mikudagur 2. november 2011síða 25

25 Mikudagur 2. november 2011 · Nr. 127 Sosialurin Hugskot og viðmerkingar – send sms til 225000 Ítróttur Tróndur Arge Tað fall ikki í góða jørð hjá øllum, tá føroyska Fótbóltssambandið boðaði frá, at Brian Kerr ikki heldur fram sum føroyskum landsliðsvenjari. – Eg vóni, at FSF hevur vent hvørj­um møguleika fyri at fáa Brian Kerr at verða verandi, sigur Gunnar Nielsen. Tað tykist verða breið semja millum leikararnar um, at teir vildu hava 58 ára gamla íran at halda fram í starvinum. – Brian Kerr var okkara maður og hann var altíð klárur at berjast fyri okkum. Var tað eitt ella annað, sum ikki var í lagi, so gjørdi hann vart við tað. Hann fann seg ikki í hvørjum sum helst, sigur føroyski landsliðsmálmaðurin. Kemar fyri søkini Tað var millum annað í Italia, at Brian Kerr gjørdist í øðini, tá hann sá venjingarvøllin hjá føroyska lands­liðnum. Hann tvingaði italska fót­bóltssambandið at finna teimum ein nýggjan vøll. – Tað er so lætt at traðka á okk­ um, tí vit eru ein lítil tjóð, men hann fann seg ikki í nøkrum, sigur havnar­maðurin í Manchester. Eisini í málinum um FIFA-styrki­ listan, tá útrokningar vístu, at Før­ oyar í veruleikanum vóru framman fyri Wales, men FIFA hevði Wales framman fyri okkum, var Brian Kerr okkum góður, heldur Gunnar Nielsen. – Tak eisini málið um FIFA- styrki­listan. Tað var ikki, fyrr enn tað kom fyri oyruni á honum, at ferð kom á málið. Tað er líka mikið, hvørjum vit eru uppi ímóti, so kempar hann fyri síni søk, sigur Gunnar Nielsen víðari. Kalt vatn í blóðið Føroyska landsliðið skal nú hava ein nýggjan landsliðsvenjara og fyrsta navnið úr hattinum tykist verða danin, Lars Olsen. – Eg vóni at Fótbóltssambandið slær kalt vatn í blóðið og kannar allan marknaðin. Tað ganga nógvir góðir venjarar uttan starv, eisini her í Bretlandi, og tú fært ikki meira enn eitt nei, sigur Gunnar Nielsen. Gunnar sigur víðari, at leik­arar­ nir eru sum so ikki spurdir, hvønn teir vilja hava. – Nei, teir leikarar, eg havi tosað við, hava einki hoyrt. Men eg vóni bara, at FSF ger sær ómak við at finna rætta mannin, tí vit hava endiliga fingið fólkið aftan fyri okk­um aftur, sigur Gunnar Nielsen at enda. Gunnar Nielsen er í holt við upp­ venjing eftir skaðan, ið hann fekk í knæið fyrr í ár. Tað gongur ein tíð, áðrenn Gunnar aftur kann standa í mál. trondur@sosialurin.fo landsliðsvenjarin SAKNAR KERR Landsliðsmálverjin, Gunnar Nielsen, er ikki serliga fegin um, at Brian Kerr gevst sum landsliðsvenjari, tí hann hevur verið góður fyri føroyska landsliðið – ikki minst, tí hann ikki finnur seg í hvørjum sum helst Myndir: Álvur Haraldsen Hann var okkara maður Fótbóltur Gunnar Nielsen er ikki so glaður fyri tíðindini um, at Brian Kerr ikki heldur fram sum landsliðsvenjari. – Hann fann seg ikki í, at nakar traðkaði á okkum, bara tí vit eru ein lítil tjóð, sigur føroyski lands­ liðsmálmaðurin