mánadagur 14. november 2011síða 20

Mánadagur 14. november 2011 · Nr. 132 20 Sosialurin Hugskot og viðmerkingar – send sms til 225000 Ítróttarblaðið TEAM KLAKSVÍK – NEISTIN 27-27 (11-15) Uni Holm Johannesen Fýra stig fyri fimm dystir. Tað er ein vanlukka, men tað er ikki, sum tað var. Neistin hevur verið fullkomiliga einaráðandi í bestu mansdeildini seinastu árini. Tað eru ábendingar um, at tann støðan fer nú at broyt­ ast. Verandi greipuvinnararnir hava havt stór sveiggj í sínum avrikum higartil í hesum kapp­ingarárinum, umframt at tað hevur verið ófriður kring liðið. Morten Hust Pedersen hevði bara verið venjari fýra dystir, tá hann brádliga varð uppsagdur, og Andrias Nielsen, sum skifti úr KÍF til Neistin í summarsteðginum, er aftur farin at spæla fyri barn­ dóms­felagið í Kollafirði. Bartal Torkilsson Kamban vardi málið, saman við Ára Egason Dam, tá Neistin fekk eitt stig burtur úr vitjanini í Klaksvík fríggjakvøldið. Hann sigur, at tað ávirkar altíð, tá venjarin verður skiftur út. – Tað ørkymlar eitt sindur, at Morten Hust Pedersen varð upp­ sagdur so tíðliga. Tað er og fer altíð at vera eitt sindur ørkymlandi at skifta venjara. Vit hava havt tríggjar venjarar – Inga Olsen, Morten Hust Pedersen og Áki Mørk, sum hevur tikið við starvinum fyribils – seinastu seks mánaðirnar, og tað merkist í hópinum, sigur Bartal Torkilsson Kamban. Øðrvísi manning Tað hevur verið stór broyting á liðnum hjá Neistanum seinastu mánaðirnar. David Edvardsen og Ingi Olsen eru millum spælararnar, sum eru farnir aðrar leiðir, meðan nakrir av yngru spælarunum eru farnir í onnur lond at lesa. – Munurin er fremst av øllum, at tað hevur verið nógvar broytingar í hópinum. Nýggir leikarar skulu spælast inn á liðið, og tað tekur tíð. Liðið hevur heldur ikki somu breidd­ ina, sum síðsta kappingarár, heldur Bartal Torkilsson Kamban, og staðfestir, at hann og liðfelagarnir eru ikki mettir av at vinna gull. – Eg vil heldur siga, at hini liðini eru svangari. Nú mugu vit bretta upp um ermar og koma upp í ferð aftur, sigur málverjin í Neistanum. Ikki tapt í Klaksvík Tað var týðiligt, hvør var meira fegin um sítt stig í Klaksvík fríggjakvøldið. Tá dysturin var liðugur róptu klaksvíkingarnir av gleði, meðan neistamenninir skundaðu sær inn í skiftingarrúmið. Úrslitið var 27-27. Neistin var á sigurskós í hálvleikinum, tá føroymeistararnir vóru á odda við fýra málum. Eftir steðgin bardu klaksvíkingar seg inn aftur í dystin og vunnu sær eitt stig. Team Klaksvík, sum bara fekk tvey stig síðsta vetur, hevur fram­ vegis ikki tapt á heimavølli í hesum kappingarárinum. Klaksvík­ingar hava væl og virðiliga staðfest, at teir skulu takast í álvara í hesum kappingarárinum. Neistin í broyttum hami HONDBÓLTUR Neistin hevur verið fullkomiliga einaráðandi seinastu árini, men úrtøkan hevur verið soltin higartil í ár. – Tað ørkymlar eitt sindur, at Morten Hust Pedersen varð uppsagdur so tíðliga. Eg vil ikki siga, at vit eru mettir av at vinna, men at hini liðini eru svangari, sigur Bartal Torkilsson Kamban – Eg vil heldur siga, at hini liðini eru svangari. Nú mugu vit bretta upp um ermar og koma upp í ferð aftur, sigur málverjin í Neistanum. Neistin enn við fullum stigatali Tað hevur framvegis ikki eydnast nøkrum av hinum liðunum at koppa verandi føroyameistarunum í hesum kappingarárinum. Við fullum stigatali eftir seks dystir, hava kvinnurnar hjá Neistanum lagt bragdliga fyri Uni Holm Johannesen Tað hevur verið greiður munur á Neistanum og hinum liðunum í hesum kappingarárinum. Bláu kvinnurnar úr Havn hava buld­ rað avstað, og mótstøðu­kvinn­ urnar kunnu ikki annað enn ásanna, at tað verður torført at standa verandi føroyameistar­ unum kurl. Við nógvum góðum spælarum og eina breidd, sum ikki hevur sín líka í bestu kvinnudeildini, er Neistin favorittur at strúka avstað við gullkrónunum, tá tær verða handaðar í apríl. Tað er framvegis langur vegur, men meðan hini liðini fara at menna seg so líðandi, fer Neistin at gera tað sama. Adina og hinar Neistakvinnur vunnu við níggju málum, 35-29, á Tjaldri í Runavík í gjár. Hóast Adina Petra var stórspælandi í gjár og skeyt heili 17 av teimum 26 málunum, sum Tjaldri fekk, var tað ikki nóg­ mikið. Gestirnir úr Havn settu ferðina upp í seinna hálvleiki, og tá megnaði heimaliðið ikki at bjóða teimum av. Tjaldur er viknað nógv í summar, og Adina Petra er einasta álopsvápnið á liðnum. Tað staðfesti hon aftur í gjár. Alina Angel skjeyt næstflest mál. Hon fekk trý mál. Breiddin á liðnum hjá Neist­ anum er ein greiður fyrimunur, og venjarin Birgir Hansen hevur nógvar møguleikar at blanda kortini. Hann letur nýggjar spæl­ arar sleppa framat at royna seg, og umframt at neistakvinnur eru sterkar í løtuni, geva avrikini hjá teimum ungu ábendingar um, at Neistin hevur nógv góð ár fram­ man fyri sær. Barbara Brauer skeyt flest mál fyri Neistan í gjár. Hon fekk átta mál. Sunset-kappingin 1 Neistin 6 200 – 130 70 12 2 Stjørnan 6 158 – 132 26 8 3 VB 5 128 – 123 5 6 4 Kyndil 6 144 – 148 -4 5 5 VÍF 5 124 – 141 -17 4 6 StÍF 6 137 – 165 -28 4 7 Tjaldur 6 149 – 201 -52 1 AtlanticAirways-kappingin 1 KÍF 6 167 – 135 32 10 2 Team Klaksvík 6 155 – 156 -1 6 3 H71 6 155 – 158 -3 6 4 Neistin 4 107 – 98 9 5 5 StÍF 6 140 – 151 -11 5 6 VÍF 5 119 – 130 -11 4 7 Kyndil 5 101 – 116 -15 2