mikudagur 23. november 2011síða 15

15 Mikudagur 23. november 2011 · Nr. 136 Sosialurin Hugskot og viðmerkingar – send sms til 225000 Týsdagin 15.november and­aðist Poul Benadikt Pet­ersen, vanliga nevndur Benne, bara 54 ára gamal. Hóast Benne var illa sjúkur seinastu tíðina, væntaðu tey fæstu , at hann bara átti fáar dagar eftir her á fold. Men soleiðis er tað væl ivaleyst altíð, deyðin spyr ikki eftir tíð og stað. Benne var sonur Ellen og Ian Petersen. Ellen, sum er donsk, giftist við Ian, ætt­að­ur úr Sørvági, og tey fingu tvey børn, Benna og systrina Annu Poulinu. Tey búsettust í Havn, fyrst í Eysturbýnum og síðani í Vesturbýnum, har tey bygdu sær hús við Gása­dalsvegin. Ian doyði í 1987, og seinastu mongu árina búðu Ellen og Benne tvey­eini í húsi. Systurin, Anna Poulina er gift og býr í Danmørk. Eg kom at kenna Benna seinast í áttatiárunum, tá hann skuldi hjálpa mær við at um­væla bátin. Hetta gjørd­ist út­gangs­støði fyri okk­ara kenn­skapi, sum gjøg­num árini vaks seg til eitt rætti­ligt vina­band. Um­ framt bátaferðir kring um í Før­oyum vóru vit eisini á báta­ferð saman í Noregi í 2000, 2004, 2006 og seinastu ferð í 2008. Serliga væl komu vit á kennast ta tíðina, tá hann leiðaði seg inn í høllina, Inni á Hjalla, har eg framm­ an undan var í ferð við at um­væla gamla Skúvanes. Nógvar tímar og hugnaligar løtur áttu vit hesa tíðina, og serliga minniligir vóru kaffimunnarnir við muff­ ins og góðaráð, sum Beinta og Ellen so trúfastar bóru okkum. Her teknaði og bygdi hann sín egna bát, Svan, líka frá formi til lidnan bát. Benne var hegnismaður og dugdi alt til hendurnar. Hann bygdi tveir glas­trevja­ bátar, og seinastu árini vóru altíð boð eftir honum, tá okk­urt skuldi umvælast. Serliga glastrevjaarbeiði lá ræði fyri hjá honum. Hann fekst mest sum bara við at umvæla bátar, til hann fyri trimum árum síðani var so illa fyri, at hann mátti gevast við at arbeiða. Benne var egin og hevði sínar avgjørdu meiningar, men hann var eisini ein trúgvur vinur, sum altíð var til reiðar at veita eina hjálpandi hond, tá á stóð. Benne hevði sína dagligu gongd í Bátatænastuni og í Bátafelagnum í Vágsbotni. Hann var við í fyrstu nevnd­ ini í Bátafelagnum, sum varð stovnað í 1998, og við til at innrætta og umvæla hugna­ligu felagshølini. Góða Ellen og Anna Pou­ lina, tit hava mist ein góðan son og bróður. At Benne var sera góður við mammu sína, hoyrdist og sást týði­ liga í eygnabrái og rødd, hvørja ferð hann umrøddi teg. Eisini vísti hann sína stóru umsorgan við mongu bil­túrunum, tit bæði vóru saman kring um í Evropa. Orð eru fátæk, men lat meg enda við orðunum hjá vágaskaldinum: “Tíðin var tíðin, sjálvt lívið var alt”. Hvíl í friði, góði vinur. jákup Nøvn Minningarorð um Benna Petersen TØKK Spennandi starv á Landsverki Vit leita eftir dugnaligum og álítandi smiðjuformanni til maskinmiðstøðina í Kollafirði. Les meira á www.landsverk.fo. Umsóknarfreistin er 28. november. SunnudagSSkúlin í Ebenezer er hvønn sunnudag kl. 12.00 Øll eru hjartaliga vælkomin! EbEnEzEr www.sosialurin.fo