mikudagur 30. november 2011síða 10

Mikudagur 30. november 2011 · Nr. 139 10 Sosialurin Hugskot og viðmerkingar – send sms til 225000 Kærleikskúlan ger Munin Kærleikskúlan Á samkomu fyrrapartin í gjár avdúkaði Dugni, hvør hevði gjørt Kærleikskúluna 2011 og ikki minst hvør fekk hana Snorri Brend Samkoman varð hildin á Lista­savni Føroya, og her kundi Kristina T. Larsen, stjóri í Dugni avdúka, at Hansina Iversen hevði fingið tann heiður at listprýða árs­ ins Kærleikskúlu. Fyrsta eintaki av Kær­ leikskúluni 2011 varð handað fyritøkuni Munin. Við hesum heiðrinum ynskti stýrið fyri Dugna at takka fyritøkuni fyri, at hon vísir jaligan vilja og ídni at rúma fólki, ið bera brek. – Munin er ein virðilig fyri­mynd, tí hon vísir, hvussu ein fyritøka á ein góðan og uppbyggjandi hátt kann fáa fólk við arbeiðstarni at geva sína arbeiðsmegi til føroyska sam­felagið, verður sagt. Kærleikskúlan hevur eitt reyðlitt silkiband, ið ber brá av jól og kærleika. Hon er pakk­að í eina snotiliga eskju saman við einum vøkrum fald­ara. Í faldaranum er ein frá­ greiðing um kærleiks­kúluna og um sniðið hjá Hansinu Iversen umframt ein heilsan frá Kaj Leo Johannesen, løg­ manni. Kærleikskúlan kostar 400 krónur, tá hon er til sølu í gávubúðunum. Um kær­leiks­ kúlur eru eftir aftan á 23. desember, kunnu fólk venda sær til Dugna og keypa eina kúlu fyri 800 krónur. Samspæl millum menniskju Hansina Iversen sum hevur listprýtt Kærleikskúluna 2011 sigur soleiðis um verk sítt: – Á kærleikskúluni eru í ár tvær myndir av sama slagi settar beint yvirav hvør aðrari. Tær ímynda saman­ spælið millum tvey menn­ iskju, ið ikki møtast fysiskt, men standa beint yvirav hvørjum øðrum og síggja tá inn í kjarnan á hvør øðrum, eins og tá eygu møtast og okkurt hend­ir innan í okkum. Áskoðarin sær tær renna saman í eina mynd. Kúlan snarar og myndirnar snarast úr hvørjari aðrari fyri aftur at sameinast, og soleiðis heldur tað áfram, so leingi kúlan hongur í tunn­um tráði. – Reyði liturin verð­ur ofta tengdur at kærleiks­ hug­takinum í okkara parti av heim­inum. Inni í miðjuni logar heiti guli liturin, sum strálar sum ein sól. Kring gula logan er ein ringur av bláum, sum er ímyndin av tí kalda, tó hann er ikki kenslu­ liga kaldur, men ein verndar­ ringur, ið verjir reyða litin ímóti at brennast upp av gula loganum, sigur Hansina Iversen um Kær­leikskúluna 2011. snorri@sosialurin.fo VIRÐILIG FYRITØKA – Tit hava víst, hvussu ein fyritøka á ein góðan og uppbyggjandi hátt kann fáa fólk við arbeiðstarni at geva sína arbeiðsmegi til føroyska samfelagið, varð sagt í grundgevingini fyri at Munin í ár fekk Kærleikskúluna 2011. Johan Samuelsen, formaður í stýrinum fyri Dugna handar her stjóranum í Munin, Búi Uni Jensen ta fyrstu kærleikskúluna Mynd: Álvur Haraldsen KÆRLEIKSKÚLAN 2011 Í morgun varð avdúkað, at fyritøkan Munin fekk ársins Kærleikskúlu. Vinstrumegin stjórin í Munin, Búi Uni Jensen; Bjørn Kalsø, mentamálaráðharri og Hansina Iversen, listakvinna Mynd: Álvur Haraldsen Kærleikskúlan verður seld í hesum gávubúðum: Klaksvík: El-In og Gávubúðin hjá Annu  Fuglafjørður: Parfumarí Ninni  Saltangará: Berglon  Norðskáli: Stanley  Sørvágur: Ursmiðjan  Tórshavn: Kaffibarrin á Vaglinum, Inspiration í SMS og Thomas Dam búnýti í miðbýnum  Sandur: Gávubúð & Ísinkram  Tvøroyri: El-handilin Bærentsen  Vágur: Torgið Zone Allur søluágóðin fer til mennandi virksemi hjá Dugna. Endamálið hjá Dugna er at stuðla arbeiðs­ tarnaðum við mennandi virk­semi og útbúgving, so hesi hava møguleika at fáa vinnuførleikan aftur.  Komandi ár um somu tíð fer Dugni at geva eina nýggja ser­staka Kær­leiks­ kúlu út. Hvørt ár verður tað eitt nýtt før­oyskt lista­ fólk, sum snið­gevur kær­ leiks­kúluna. snorri@sosialurin.fo Til mennandi virksemi