mánadagur 5. desember 2011síða 17

17 Mánadagur 5. desember 2011 · Nr. 141 Sosialurin Hugskot og viðmerkingar – send sms til 225000 Ítróttarblaðið Atlantic Airways Deildin menn nr. Lið Dystir Vunnin mál Tapt mál Munur Stig 1 KÍF 9 256 207 49 16 2 Neistin 9 227 221 6 12 3 VÍF 8 211 208 3 8 4 H71 9 238 247 -9 8 5 Team Klaksvík 8 221 224 -3 7 6 StÍF 8 194 205 -11 7 7 Kyndil 9 200 235 -35 2 03/12 VÍF - KÍF 25-27 04/12 Kyndil - Neistin 23-24 04/12 H71 - Team Kl. 36-34 Hilmar Jan Hansen Tað er ongantíð stuttligt at tapa, men ongantíð man tað kennast so keðiligt og beiskt, sum tá tú hev­ ur verið á odda fyri tað nógva, men bara ikki megnar at vera tað í seinastu og avgerandi løtuni. Nak­ að soleiðis mundu menninir hjá Kyndli hava tað í gjár, eftir at teir høvdu tapt við einum máli fyri Neist­anum. So at siga allan dystin var Kyndil á odda við einum, tveimum ella trim­um málum, og í hálvleikinum var heimaliðið framman fyri 14-11. Við øðrum orðum vóru útlit til, at Kyndil kundi »hevna« tapið fyri Neist­anum herfyri, samstundis sum stigaúrtøkan á talvuni kundi tvífaldast. Tey í Kyndli royna at krøkja seg í, at spælið batnar fyri hvønn dyst og at úrslitini fyrr ella seinni eisini munnu fara at koma. Nógv bendir eisini á, at tað gongur rætta vegin, so tað kundi verið so skjótt, at okkurt stig aftur kom í slunkna posan. Hinvegin er møguleikin kanska ikki so stórur til tað ímóti júst Neistanum, sum seinastu dystirnar hevur spælt seg úr síni størstu kreppu síðstu árini. Neistin hevur spælt onkran javnan og vunnið onkran tepurt, men stigini eru komin, so Neistin situr trygt á næst­fremsta sessinum við útliti til FM-finalu. Neistin er enn langt frá gomlu styrkini, men stigini eru so har, og tey lúgva ongantíð. Og so leingi hini liðini, ið liggja niðanfyri, ikki eru meira støðug enn tað sama, eru KÍF og Neistin liðini, ið liggja best fyri at fara allan vegin. Kyndil - Neistin 23-24 (14-11): Neistin snýtti Kyndil Manshondbóltur Hóast Kyndil gekk undan tað mesta av dystinum ímóti grannunum í Neistanum, endaði tað við, at teir bláu bastu teimum grønu, ið enn liggja aftast við bara tveimum stigum Hilmar Jan Hansen Í fjør legði H71 rygg til fyrsta tapið hjá nøkrum liði ímóti Team Klaksvík í bestu mansdeildini, og tað sveið fast. Eisini í ár hevur tað tikið fast hjá hoyvíkingum at fara til Klaksvíkar, tí fyri einum lítlum mánaði síðani endurtóku klaksvíkingar bragdið og sendu H71 avstað aftur sum av torvheiðum. Men leygardagin í Hoyvíkshøllini var talan um annan dyst, tí longu í fyrra hálvleiki hevði H71 vundið so mikið burtur úr Team Klaksvík, at níggju mál vóru á muni. Gestirnir fingu ikki frið til at fóta sær fyri steðgin og tað kostaði teimum so dýrt, at H71 veruliga fekk hevnd fyri farnar eyðmýkingar. Í seinna hálvleiki megnaði H71 ikki at halda fast við sama »suverenitetin«, men allíkavæl var ongantíð nakar ivi um, hvat var betra liðið. Team Klaksvík átti seinna hálvleik, men tað munaði ikki meira enn so, at hoyvíkingar vunnu við seks málum, tá avtornaði. Við sigrinum fekk H71 styrkt sær um støðuna og er ein av biðlunum, ið liggja framvið at sleppa í FM- finaluna. Og Team Klaksvík, sum veruliga hevur tikið øll á bóli í vetur, er altso ikki meira enn eitt stig aftan fyri hoyvíkingar, so enn kann nógv spennandi henda í kappingini hjá monnunum, ið aftur í ár er víðopin fyri flestu av liðunum. hilmarjan@sosialurin.fo Hilmar Jan Hansen Á stigatalvuni er eingin ivi um, at KÍF er tað liðið, hini mugu taka til takkar við bara at renna aftaná, men lítið sást til hetta í fyrra hálvleiki leygardagin, tá KÍF var í Vestmanna og vitjaði VÍF. Í øllum førum sást lítið til, hvat tað mundi vera, ið nú hevur givið KÍF 16 stig í fyrstu níggju stigunum. Hinvegin kundu tað saktans verið teir í VÍF, sum vóru oddalið, tí hesar fyrstu 30 minuttir koyrdi tað bara sum eftir ánni. Væl spældu álopini skolaðu ímóti málinum hjá KÍF, og longu beinanvegin fekk VÍF so mikið av muni á, at hetta kundi líkjast einari vend hjá heimaliðnum, ið ikki hevur fingið so nógv burturúr í síðstuni. Eitt skifti fyri steðgin vóru heili níggju mál á muni, men kollfirðingar fingu tað barberað niður til sjey mál, ið kortini var ein sera sannførandi hálvleiksleiðsla, sum slett ikki leyg tað allarminsta um, hvat av liðunum hevði verið tað betra. Tey, sum vóru komin at síggja, hví KÍF er oddalið, blivu tó ikki hildin fullkomulig fyri rukku leygardagin, tí eftir stegðin vísti KÍF væl og virðiliga, at oddasessurin ikki er vunnin í lottaríinum, men er grundaður á dygdir. Hesar dygdir komu veruliga til sjóndar eftir steðgin, samstundis sum VÍF als ikki fann stevið aftur frá fyrra hálvleiki. Ikki fyrr enn seint í dystinum koppaði tað av álvara til KÍF, men kollfirðingar vóru eisini menn fyri at taka av, tá møguleikin var har, og tað plagar at vera ein av dygdunum, ið ger lið til oddalið. hilmarjan@sosialurin.fo H71 - Team Klaksvík 36-34 (16-9): H71 fekk hevnd Manshondbóltur Ikki hevur altíð gingið eftir vild hjá hoyvíkingum ímóti klaksvíkingum, men í gjár eydnaðist tó at vinna ein tryggan og greiðan sigur VÍF - KÍF 25-27 (17-10): Sum dagur og nátt Manshondbóltur Vestmenningar fingu alt at rigga í fyrra hálvleiki, men megnaðu ikki at halda fram eftir steðgin, tá alt riggaði hjá kollfirðingum, ið eisini struku avstað við stigunum KYNDIL KOPPAÐI Hóast Kyndil mestsum allan dystin ímóti Neistanum var á odda, eydnaðist ikki at vinna, tí tá avtornaði, fór Neistin avstað við sigrinum fyri nøsini á teimum í Kyndli Mynd: Álvur Haraldsen