mikudagur 7. desember 2011síða 24

Mikudagur 7. desember 2011 · Nr. 142 24 Sosialurin Hugskot og viðmerkingar – send sms til 225000 Ítróttur Jóannes Hansen Í morgin verður farið undir EM kappingina í svimjing í Pólandi, har tað verður kappast allar dagarnar fram til og við sunnudegnum. Bestu svimjararnir í Europa eru í hesum døgum í Pólandi, og tveir føroyingar eru millum teir 543 svimjararnar, sum fara at kappast í Stettin í Pólandi. Talan er um Biritu Debes og Pál Joensen, sum bæði eru úr svimjifelagnum í Suðuroy. Birita Debes fer at kappast í 50 og 100 metra frísvimjing, 50 og 100 metra ryggsvimjing og 50 metra firvalda svimjing. Pál Joensen fer at kappast í 200, 400 og 1500 metra frísvimjing. Serligur spenningur er um lut­ tøkuna hjá Páli Joensen í 1500 metra frísvimjing. Tann kappingin verð­ur leygardagin, og hóast Pál og venj­ arin, Jón Bjarnason, ikki hava vilja sagt so nógv um møguleikarnar at vinna heiðursmerki, so eru tað fleiri, sum halda, at Pál Joensen hesa ferð eigur góðan møguleika at røkka upp á heiðursmerkjapallin. Føroysku luttakararnir fóru mána­morgunin úr Føroyum, og seinna­partin í gjár komu teir til Stett­in, har tey beinanvegin vandu. – Tíðliga í morgun vandu vit aftur í høllini, sum bara er fimm minuttir frá gistingarhúsinum, sum vit búgva á, sigur venjarin Jón Bjarnason úr Pólandi. Karmarnir og vertirnir Kappast verður í 25 metra hyli. Høllin í Stettin, sum tað verður kapp­ast í, verður nevnt flótandi høllin. Talan er um eina tað mest nýmótans svimjihøllina í Pólandi. Hon varð tikin í nýtslu fyri einum ári síðani. Í høllini er 50 metra hylur, men í hesum førinum verður hann styttur til 25 metra hyl, tí talan er um EM kapping í stutthyli. Merkisvert er tað, at tað verður kappast á tíggju geilum. Vanliga plaga tað at vera átta geilir, men í EM kappingini í Istanbul í Turka­ landi fyri tveimum árum síðani var kappingin fyri fyrstu ferð í hyli við tíggju geilum, og soleiðis er tað aftur hesa ferð. Allar kappingarnar – innleiðandi, hálvfinalur og final­ urnar – vera á tíggju geilum. Umstøðurnar at kappast í Stettin eru góð staðfesting av, at tað er langt frá umstøðunum, sum plagdu at vera eyðkenni fyri gomlu kommunistisku londini, og til tað, sum er eyðkenni fyri hesa svimji­ høllina. Her er ikki spart upp á nakað. Umstøðurnar eru fram­úr góðar hjá svimjarunum, hjá press­ uni sum er væl umboðað, og eisini hjá áskoðarunum. Tað er pláss fyri 2300 áskoðarum, og tað verður sagt, at høllin fer at vera mest sum full­ sett næstu dagarnar. Í Pólandi er áhugin fyri svimjing og svimjikappingum rættuliga stór­ur. Tað kemst ikki minst av, at Pólandi seinastu árini hevur fostrað nakrar av heimsins bestu svimj­arum. Her verður eitt nú hugsað um Przemyslaw Stanczyk, sum í 2007 vann HM á 800 metra teininum og Mateusz Sawrymowicz, sum vann HM á 1500 metra teininum. Tá ið henda kappingin var á skránni seinast, vann Póland 20 gullmerki, 21 silvurmerki og 15 bronsumerki. Stóra stjørnuskotið hjá pólend­ ingum í løtuni er 22 ára gamli Konrad Czerniak, sum í HM kapp­ ingini í Shanghai síðsta summar vann silvur og bara varð kneykaður av fjúrtan falda olympiska meistar­ anum Michel Phelps úr USA. Luttakararnir Í europeisku svimjisamgonguni LEN eru 51 limalond, og 40 teirra luttaka í hesi EM kappingini, ið saman við EM kappingini í lang­ hyli, sum í mai næsta ár verður í Antwerpen í Belgia, er stóra euro­ peiska avbjóðingin undan olymp­ isku leikunum, sum vera í London næsta summar. Størsta luttakaratalið eigur Póland, sum hevur 45 svimjarar við í kappingini. Aðrar tjóðir, sum eiga nógvar luttakarar, teljast millum tær størstu og bestu ítróttartjóðirnar og svimjitjóðirnar í Europa: Russland, Italia, Stórabretland, Niðurlond, Sveis, Týskland, Ungarn, Eysturríki, Frakland og Kekkia. Øll norðurlond eru umboðað í Stettin. Danmark eigur 15 luttakarar, Noreg eigur 13 luttakarar, Finnland og Svøríki eiga 10 luttakarar í part, og fýra íslendingar eru í Pólandi og kappast í hesum døgum – ein maður og tríggjar kvinnur. Umframt Føroyar eru eisini aðrar smátjóðir umboðaðar: Luksem­burg eigur fýra luttakarar, Kypros eigur tveir og Liktinstein ein lut­takara, og so eru tað Føroyar, sum eru umboðaðar av Elini Debes og Páli Joensen. Føroysku kappingarnar Birita Debes fer í morgin at kappast í 100 metra frísvimjing, og tá fer Pál at kappast í 400 metra frísvimjing. Farðið verður undir innleiðandi kapp­ingarnar klokkan 8.30, og klokkan 16 eru hálvfinalurnar og final­urnar á skránni. Fríggjadagin fer Birita at kapp­ ast í 50 metra firvaldasvimjing. Fríggjadagin hevur Pál frí frá kappinginum. Leygardagin fer Birita at kappast í 50 metra ryggsvimjing og 100 metra firvaldasvimjing, og Pál fer at kappast á 1500 metra teininum. Finalan í favorittkappingini hjá Páli verður leygardagin klokkan 16.00. Sunnudagin fer Birita at kappast í 50 metra frísvimjing, og Pál fer at kappast í 200 metra frísvimjing. joannes@sosialurin.fo Pál og Elin í europeiska eldin Svimjing Pál Joensen og Elin Debes fara næstu dagarnar í Pólandi at kappast millum tey bestu í Europa um EM í svimjing í 25 metra hyli