mikudagur 21. desember 2011síða 7

7 Mikudagur 21. desember 2011 · Nr. 148 Sosialurin Hugskot og viðmerkingar – send sms til 225000 í meldrinum uni »The Girl I Used to Know«, sum er eitt lag, ið Bárður Háberg og Óli Jógvansson hava skrivað. Sjónbandalag er eisini gjørt, sum kann síggjast á Youtube. Ætlanin er, at Stefanie Scott skal geva sína fyrstu fløgu út einaferð í komandi ári. – Stefanie hevur higartil tikið tvey av okkara løgum upp, og sam­bært framleiðaranum, Rob Chiarelli, verður triðja lagið sungið inn í næstum, greiðir Bárður Háberg frá. Sambært teimum báð­um monnunum handan Baroli Music er tað serstakliga um­ráð­andi at gera seg galdandi á ameri­kanska marknaðinum, sum er tann størsti í heiminum, og er tí út­gávan við Stefanie Scott eitt risa fet rætta vegin. Fyri at møta røttu fólkunum og fáa góðar avtalur í lag í USA, hava Bárður Háberg og Óli Jógvansson fyri stuttum verið í Los Angeles, har teir hittu fleiri per­sónar, sum eru kendir innan tón­leikavinnuna: – Í Hollywood sótu vit millum annað í íbúðini hjá Jessica úr gentubólkinum Pussycat Dolls og skrivaðu eitt lag saman við henni. Eitt, sum var nokkso stuttligt í hes­um sambandi, var, at hon hend­an sama dagin lá nummar 1 á Dance/Club Play listanum hjá Bill­board, fortelja Bárður Háberg og Óli Jógvansson. Skriva til kinesiskan Grammy-vinnara Fyrr í ár gjørdi útgevarafelagið hjá Baroli Music eina avtalu við kinesiska tónleikaveitaran Shanghai Synergi Culture & Entertain­ment Group um at skriva og framleiða nýggju fløguna hjá songkvinnuni Jia Ruhan. Hóast hon ikki er kend her um okkara leiðir, so vann hon í 2011 eina amerikanska Grammy-virðisløn í »Classical Crossover« kategoriini fyri sína vokalframførslu á út­ gávuni »Calling All Dawns« hjá Christopher Tin. Harafturat sang hon eisini temalagið til olympisku leik­irnar, sum vórðu hildnir í Bejing í 2008. Bárður Háberg og Óli Jógvansson eru sera fegnir, um at hava fingið møguleika at skriva og framleiða tilfar til nýggju fløguna hjá kinesisku song­kvinnuni: – Tað, sum er serliga spennandi, er, at útgevarin hjá henni er størsti distributørur og seljari av tón­leiki í Kina yvirhøvur, og fløg­ an hjá Ruhan er fyrsta stigið í eini fimm-ára verkætlan hjá kinesisku stjórnini, ið snýr seg um at markn­ aðarføra kinesiskan tónleik kring allan heim, greiðir Bárður Háberg frá. Baroli Music eiga trý løg á fløguni hjá Ruhan og í desembur varð stórur tíðindafundur hildin, har allir teir stóru kinesisku miðl­ arnir vóru umboðaðir. – Vit hava eftirhondini uppbygt eitt fast netverk, har vit kenna tey fólkini, sum vit samstarva við. Av tí, at vit eru staddir í Føroyum, fyri­gongur nærum alt samband við sam­starvsfelagarnar umvegis teldu­post og telefon, og mangan gerast aðrir útlendskir tónasmiðir og plátufeløg jaliga bilsin, tá tey frætta, at vit sita í einum so lítlum stað sum Føroyum og framleiða løg til altjóða marknaðin, fortelja Bárður Háberg og Óli Jógvansson sum við ein munn og smílast. Hóast teir støðugt nærkast tí al­ tjóða gjøgnumbrotinum og har­ við enn størri og spennandi upp­ gávum, sum teir frá byrjan høvdu fyri eyga, trívast teir væl við at arbeiða handan leiktjøldini: – Tað dámar okkum stak væl at vera meira ókendir og lata tón­ leikin tala fyri seg. Vit lata bara onkra poppstjørnu framføra okk­ ara tilfar, flennir Bárður Háberg, meðan Óli Jógvansson leggur afturat: – Líka mikið hvat, so fara vit óivað altíð at gera tónleik, tí vit fáa tað, ið minnir um abstinensir, tá vit ikki gera tað, sigur Óli Jógvansson. rannva@sosialurin.fo Stefanie Scott – Girl I Used to Know youtube.com/watch?v=ZVlyEVDhDN0 Chocolat – I Like It ( framførsla í »Music Bank« ) youtube.com/watch?v=k3CTuUilREs Jia Ruhan tíðindafundur http://v.youku.com/v_show/ id_XMzI5ODc0MDY4.html Koda Kumi heimasíða http://rhythmzone.net/koda/index.html Studio 3 – Voglio Star Con Te youtube.com/watch?v=h0r2Dn4kopo Wanessa – High youtube.com/watch?v=K1S_s_dX7Wo Leinkjur til videoløg og annað tilfar: Bárður Háberg, vinstrumegin og Óli Jógvansson Mynd: Sunva Eysturoy Lassen