mikudagur 21. desember 2011síða 21

21 Mikudagur 21. desember 2011 · Nr. 148 Sosialurin Hugskot og viðmerkingar – send sms til 225000 Vit eiga nógv at vera errin av og takksom fyri í Føroyum. At tað hevur eydnast at skapa so nógv í Føroyum, og at vit hava møguleikan at liva við egnum samleika, mentan, ábyrgd, samhaldsfesti og virkis­møguleikum sum eitt fólk millum onnur – her í miðjum Atlantshavi við sínum stóra náttúruríkidømi. Hetta, hóast vit hava havt eina í mongum førum ábyrgd­arleysa politiska skip­ an, sum hevur stríðst ímóti framstigum, og hevur rent landið út av ella út á eggina búskaparliga við jøvnum millumbilum. Alt tað, sum er skapt og hevur varðandi virði í Før­ oyum, er skapt av fólkinum her í landinum. Bæði tað handaliga, tað andaliga, tað vinnuliga og tað sosiala. Og sjálvandi eisini tað bú­ skaparliga. Síðani 1997 hava vit sett tann sonevnda blokk­stuðulin til viks í før­ oyska búskapinum. Vit hava rindað risaskuld aftur við renturs rentum. Og vit hava átikið okkum nýggjar ábyrgdir, ið hava gjørt okkum nógv óheftari av veitingum uttanífrá. Eitt bragd – hóast politiska vanstýring Síðani 1997 til í dag, er virðið av tí, sum vit sjálvi fram­leiða – tann sonevnda bruttotjóðarúrtøkan – nær­ um tvífaldað. Og luturin hjá tí sonevnda blokkstuðlinum er minkaður niður um 5%. Tað vil siga, at av hvørj­ um 100-krónuseðli, sum vit skapa virði fyri í før­oyska samfelagnum, eru bara 5 krónur sonevndur blokk­ stuðul. Vit skapa sjálvi tey 95 prosentini. Og hetta er hent meðan ein heil alivinna fór á heysin í 2003. Fiskiskapurin av toski og hýsu er síðani 2002 minkaður við einum avreiðingarvirði uppá 600 mió. um árið – í stóran mun orsakað av einum heilt skeivum fiskivinnupolitikki. Ein stórur banki er farin á heysin og nógv fólk hava mist stórar upphæddir. Og vit hava havt ábyrgdarleys landsstýri, ið sambært Bú­ skapar­ráðnum hava elvt til ovurhiting í bú­skapinum (altso, at alt ov nógvur pen­ingur er sprændur út í samfelagið og ongin til­ tøk gjørd at broyta grund­ leggjandi viðurskiftir í sam­ felagnum, tálma bank­unum ella leggja pening til viks.) Nú vilja teir aftur í fortíðina So vit áttu at verið errin og vónrík av, hvat hetta sam­ felagið og fólkið í landinum klárar, hóast ótrúliga trupl­ ar umstøður og skeivar politiskar avgerðir. Um vit taka veruliga ábyrgd og bara fremja nakrar av teimum neyðugu nýskipanunum, so eru øll útlit til, at vit megna væl at taka seinasta takið til at skipa okkum sum sjálv­ støðuga tjóð – og at skapa eitt gott livistøði fyri øll. Men nýggja samgongan millum Sambandsflokkin, Fólkaflokkin, Miðflokkin og Fólkaflokkin vil tað øðrvísi! Nú skal grundarlagið undir einum samhaldsføstum sam­felag, avmonterast: Flat­skattur til tær hægru inntøkurnar skal fíggjast við at skatta pensjónirnar hjá øllum beinanvegin. Størsti parturin av arbeiðandi fólk­ inum skal gjalda beinanvegin av sínum pensjónspengum fyri at ein bankastjóri skal fáa tildømis 8000 kr. í skattalætta um mánaðin – uttan yvirhøvur at arbeiða ein tíma meira! Sig so, at tað loysir seg at arbeiða og spara upp til egna pensjón. Biddarabræv Bárðar Og samgongan hevur nú sent sítt biddara- og ómegdarbræv til danskar politikarar. Eins og í 1800-talinum, tá ein bólkur av føroyingum skrivaði til Kong undir felags­ nevnararnum “Vi Fattige Folk Udi Færø” og mæltu staðiliga frá at avtaka kongliga Eina­handilin. Tá vóru av­ sendararnir í veruleikanum ein samfelagsbólkur, ið hevði mesta fæið í samfelagnum, og sum var ræddur fyri at missa framíhjárættindi, um handilin gjørdist frælsur. Og tað sama er galdandi nú. Formligur sendari av biddarabrævinum er Bárð­ ur Nielsen, fíggjar­nevnd­ arformaður, vegna sam­gong­ una. Hann skrivar í brævinum, at allir trupulleikar í føroyska búskapinum eru íkomnir, tí at sonevndi blokkstuðulin er vorðin minni partur av føroyska búskapinum. Føroyska fólkið megnar ikki at klára seg – og kann ikki fáa vælferðartænastur, heilsubót ella eitt minni skattatrýst, um ikki danskir politikara vísa vælvilja og senda meiri pening til Før­ oya árliga (!). Og vilja teir ikki senda meira pening, so fer hetta at skaða álitið hjá føroyingum á Danmark. Altso: Fáa vit stakkals føroyingarnir ikki meira pening frá tykkum, so hava vit ikki álit á Danmark (!), sigur Bárður Nielsen vegna Sambandsflokkin, Fólka­ flokkin, Miðflokkin og Sjálv­ stýrisflokkin. Ov nógv peninganýtsla hevur skapt okkara kreppur Hetta er annars sami Bárður Nielsen, ið sat sum fíggjarmálaráðharri í Føroyum frá 2004 til 2007. Sum slepti allari stýring av føroyskum búskapi og eggjaði til størri og størri nýtslu. Sum hartaði teir bankar, ið ikki vildu læna enn meira pening út. Sum helt tað vera rætt at fremja serskipanir í skattinum fyri at eggja fólki at læna sær pening til at spekulera í partabrøvum. Sum futtaði allar pengarnar av fyri søl­ una av táverandi Føroya Banka og setti onki til viks. Og sum ongar bygnaðarligar broytingar framdi í føroyska búskapinum. Í biddarabrævinum slær hann fast, at hann onga ábyrgd hevur av nøkrum trupulleikum í føroyskum búskapi, men at “Den polit­ iske beslutning om reduk­ tion af bloktilskuddet i 2002 er hovedårsagen til den negative udvikling på ind­ tægts­siden.” Sum Búskaparráðið og óteljandi frágreiðingar hava sligið fast um bæði búskaparkreppuna í 90’unum og núverandi kreppuna, so eru tær ikki íkomnar av pen­ ingatroti. Tær eru íkomnar av ov nógvari og ótamdari pen­inganýtslu, ið ikki hevur veruliga virðisskapan aftan fyri seg. Og vit kunnu bara ímynda okkum standin, um fleiri blokk-pengar høvdu verið oystir út seinnu árini. Niðurstøðan í Bárðarbrævinum Niðurstøðan í biddara­bræv­ inum er soljóðandi: “Den politiske beslutning om at reducere tilskuddet til Færøernes Hjemmestyre samt bortfaldet af pristals­ reguleringen har over tid haft en betydelig negativ ind­flydelse på Færøernes offent­lige økonomi Færøerne har mistet ind­ tægter i milliardklassen Hvis tilskuddets lave niveau samt ”fastfrysningen” af pristalsreguleringen fast­ holdes, forværres den nega­ tive indflydelse på Færøernes økonomi Sundhedsvæsenet ram­ mes særlig hårdt, og borgere på Færøerne oplever og får en stadig forværret service De voksende udgifter til sundhedsvæsenet belaster landskassen mærkbart, idet tilskuddet til bl.a. sund­ hedsvæsenet fastholdes på samme niveau år efter år. Reallønnen er lavere, og det er dyrere at leve på Fær­ øerne end i Danmark Skattetrykket på Fær­øer­ ne er højere end i Danmark og resten af Europa, og fær­ ingernes levestandard er generelt lavere end dansk­ ernes Færøerne har over en 10 års periode oplevet en stilstand i befolkningstilvæksten. Ovenstående økonomiske fakta underbygger Færøer­ nes Landsstyres ønske om at størrelsen af tilskud­det til Færøernes Hjemme­styre ajourføres, så det frem­over bedre afspejler de fakt­iske udgifter til de blok­til­skuds­ finansierede områder.” Sjálvsvirðing og framtíðarvón Sambandsflokkurin – og nú eisini Fólkaflokkurin, Miðflokkurin og Sjálvstýris­ flokkurin – siga altso, at fleiri danskir pengar eru fortreytin fyri at fólkið kann liva, og vælferðin mennast í Føroyum í rímiligari javnstøðu við okk­ara grannalond. Og har­ afturat, at danskir pengar eru fortreytin fyri, at sam­ bandsflokkarnir kunnu hava undirtøku millum fólk og reka sín politikk. At hesir flokkar soleiðis vilja selja sína sál, er teirra skomm. Men vit skulu nokta fyri og mótmæla harðliga, at teir við síni framferð royna at taka okkara sjálvsvirðing og framtíðarvón frá okkum. Tey virðini og tey rætt­ indini, vit eiga, hevur før­ oyska fólkið sjálvt skapt. Og vit eru ikki verri ella ússaligari enn onnur. Vit kunnu øll liva við sømd og menning í hesum landi, um vit duga at umsita og býta okkara ríkidømið rætt og skilagott. Ein rættur er nevniliga ikki tað, sum onkur kann geva tær. Ein rættur er tað, sum ongin kann taka frá tær. Tit skulu ikki taka sjálvsvirðingina og framtíðarvónina frá okkum! Høgni Hoydal Heldur enn at vera takksom, víðskygd og errin um alt tað, sum er skapt av fólkinum í Føroyum, hevur ABDH-samgongan sent eitt biddarabræv til danskar politikarar. Har verður føroyska fólkið gjørt til stakkaladýr, sum ikki kunnu klára seg, fáa heilsubót ella fáa skattalættar uttan hægri blokkstuðul. Og samstundis stríðist samgongan fyri at skapa nýggjan og øktan stættarmun í Føroyum