leygardagur 21. februar 2004síða 8

Nr. 36 - 21. februar 2004 15 Tá 55 ára gamla Armgarð segði vinum sínum, at hon ætlaði sær á ein boripall at arbeiða, hildu tey hana vera púra svaka. Men starvið, hon hevði havt í 10 ár sum portnari hjá múgv- andi fólki, segði henni minni og minni, og nú vildi hon royna nakað heilt annað KONUBROT Rúna Sivertsen runa@sosialurin.fo – Tey mundu fingið sjokk, tá eg segði teimum, at eg hevði søkt starv á einum boripalli. Men tey hildu eisini, at tað var einastand- andi, at eg tordi at fara, sig- ur Armgarð Juul Andersen, ið starvast sum terna um- borð á boripallinum, Exerter hjá reiðarínum, Mærsk Men tað forðaði ikki 55 ára gomlu Armgarð at gera dreym sín til veruleika. Hon tók øll tey trygdar- skeið, ið vóru neyðug og helt avstað, tá hon fekk at vita, at hon hevði fingið starvið. Á einum boripalli er gott at hava eitthvørt at tríva í á frívaktunum. Har er ber jú ikki til at fara í býin ella at vitja fólk, so løturnar kunnu gerast drúgvar, um ikki okkurt er at stytta sær stundir við. Og Armgarð liggur ikki á løtu síðuni. Tá fýraftans- klokkan á boripallinum ringir, tekur hon stokkarnar fram, og ikki so fá eru tey bundnaturrikløð, sum hon hevur fingið frá hondini. Ikki breðgir hon burturúr ætt heldur. Omma hennara, sum hon er uppkallað eftir, Armgarð hjá Dáva í Gerð- um, var tiltikin fitt í hond- unum. Armgarð starvast á ein- um av boripallunum hjá Mærsk og á skrivstovunum hjá reiðarínum í Esbjerg, sita fleiri av skrivstovu- kvinnunum í føroysku bundnaturrikløðum, sum hon hevur bundið. Og ikki nóg mikið við tí, Armgarð hevur eisini gjørt føroysku ullintu undir- klæðini kend í Hundested, har hon og maðurin nú búgva. Tómt lív Í 10 ár starvaðist Armgarð sum portnari hjá ríkfólki í Vedbæk. Arbeiðið hjá ein- um portnara er at syrgja fyri, at húsið er reint, heinta børn og ansa teimum, tá familjan er burtur. Tað ljóðar fínt, men er í veruleikanum júst tað sama, sum ein arbeiðs- genta. Men við tíðini leidd- ist hon av hesum arbeiði, sum segði henni minni og minni. - Parið, eg starvaðist hjá vóru einastandandi fólk, men við tíðini føldist arbeiðið innihaldsleyst, og eg ynskti at royna nakað annað, sigur Armgarð. Starvið hjá ríkfólkunum lærdi hana, at peningur er ikki alt, og at sonnu lívs- virðini hava einki við ríki- dømi at gera. - Hóast eg ikki átti so nógvar pengar, helt eg meg tó vera ríkari enn tey. Eg gjørdi nakað av sjálvbod- num arbeiði, eitt nú var eg vitjanarvinur. Tað gjørdi eg, fyri at finna javnvág í øllum tómleikanum, greiðir Armgarð frá. Mátti henda okkurt nýtt Armgarð var komin hartil, at nú mátti henda okkurt heilt nýtt. Hon setti seg í samband við eitt undir- firma hjá Mærsk, sum eitur Danserve og søkti starv á boripallinum. Men hevur tú sagt »a«, mást tú eisini siga »b«. Fyri at sleppa út á ein boripall eru ymiskar ásetingar, ið skulu lúkast, eitt nú trygdarskeið. Men hóast Armgarð ikki er heilt ung longur, so megnaði hon at gjøgnumføra skeiðini við ein glans. - Eg eri terna umborð og høvuðsuppgáva mín er messan og køkurin og at syrgja fyri, at alt er har, sum skal vera. Eisini geri eg kømrini rein, tá vakt- irnar skifta. Eg stórtrívist umborð, og eg elski mítt arbeiði, sigur hon. Tað starvast um 70 fólk á pallinum, harav nakrir før- oyingar. Svimur á sjónum Fyri nøkrum árum síðani keyptu Armgarð og mað- urin eina eigaraíbúð, sum liggur oman móti sjónum. - Fjøran er okkara urta- garður, vit vildu hava sjógv og fiskalukt, sigur hon. Hvønn morgun, summar og vetur, letur Armgarð seg í svimjidrakt og fer sær ein svimjitúr í kalda sjónum. Tað er kalt, men føroysku undirklæðini og stúkan gera, at skjótt er at fáa hita aftur í kroppin. Flestu árini hava Arm- garð og maðurin búð í Dan- mark, men nøkur ár, meðan Carl Aage sigldi við Vesturvón, búðu tey í Føroyum. Tey eiga børnini, Mortan og Jessiku og ommu- og abbasonin, Rasmus. - Vit ætla okkum ikki at verða verandi í Danmark, men ynskja at koma heim- aftur til Føroya at gerast gomul, sigur Armgarð at enda í samrøðuni við Sosialin. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Hjartaliga takka vit øllum tykkum, sum á ymiskan hátt sýndu samkenslu og hjálpsemi, tá kæra kona, mamma, vermamma, omma og langomma okkara Petra Ingigarð Sørensen Tórshavn varð jarðað. En serstøk tøkk til starvsfólkið á Lágargarði, sum vóru um hana. Takk fyri blómur, kransar og gávur til Lágargarð og til tykkum øll, ið fylgdu henni til hennara seinasta hvíldarstað. Familjunnar vegna Amandus Bindur bundnaturriklæði á boripallinum Hevur tú sagt »a«, mást tú eisini siga »b«. Fyri at sleppa út á ein boripall eru ymiskar ásetingar, ið skulu lúkast, eitt nú trygdarskeið. Men hóast Armgarð ikki er heilt ung longur, so megnaði hon at gjøgnumføra skeiðini við ein glans 15 14 Nr. 36 - 21. februar 2004 4. februar 2004 vórðu fleiri av teimum, sum arbeiða hjá Føroya Fiskavirking í Havn, heiðraði. Orsøkin var, at tey høvdu ymiskar rundar starvsdagar. Ein av teimum var Kjartan Højsted, sum hevur starvast á sama arbeiðsplássi í 35 ár Kjartan er 63 ára gamal og funningsmaður, sonur Mathildu, f. Petersen, og Eliesar Højsted, bæði úr Funningi. Hann var sjómaður, áðr- enn hann í 1967 byrjaði í minkagarðinum í Hoy- dølum, sum hoyrdi til Bacalao. Har arbeiddi hann í eini tvey ár. Síðan hevur hann arbeitt á fiskavirk- inum Bacalao, sum bleiv yvirtikið av Føroya Fiska- virking í 1993. Hann ar- beiðir sum eftirlitsmaður á virkinum og kannar og ger royndir av allari vøru, sum kemur inn á virkið, um hon er í samsvar við tey krøv, sum keyparin setur. Kjartan er giftur við Annu, f. Eliasen, ættað av Slættanesi. Tey bygdu í Hoyvík í 1974, men í dag búgva tey í Funningi, har tey hava jørð. Kjartan hevur stóran áhuga fyri seyði og seyðahaldi, og brúkar hann nógv av síni frítíð til tað. Anna og Kjartan eiga trý børn: Sigrið, Jón og Anniku, sum øll búgva í Hoyvík. Eisini eiga tey sjey ommu- og abbabørn. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Andlát 11. februar Elsi Petersen, Oyrabakki, 26 ár. 13. februar Rigmor Jacobsen, fødd Tórsheim úr Havn, 86 ár. Jacoba Johannesen, Norðskála, 78 ár. Kristian Sofus Davidsen, ættaður úr Æðuvík búsit- andi í Canada, 101 ár. 14. februar Jenny Jacobsen, vanliga nevnd Jenny á Støðini, Fuglafirði, 74 ár. Edith Hansen, Tórshavn, 77 ár. 15. februar Gunnleyg Joensen, Tórshavn, 72 ár. 16. februar Maria Hermansen, Leynar, 91 ár. 18. februar Magnhild á Toftini, Syðrugøta, 74 ár. Gullbrúdleyp Í dag 21. februar kunnu hjúnini Elly og Jóan Magnus Johannesen í Klaksvík halda gullbrúdleyp. Dagurin verður hildin í Skálanum, har vælkomst verður frá kl. 18. 80 ár Í dag, 21. februar, fyllir Magnhild í Vági, Klaksvík, 80 ár. Dagurin verður hildin hjá dóttrini í Norðdepli. Dagurin 21. februar. Sámuel. Dagurin hildin til minnis um dómaran Sámuel, sum valdi og salvaði kongarnar Saul og Dávid. Hebráiska navnið merkir hoyrdur av Guði. 22. februar. Pætursmessa. So mætur maður sum Pætur hevur tveir minningardagar í álmanakkanum, annar er pætursmessa 22. februar og hin er pætursøka tann 29. juni. Dagurin í dag verður eisini róptur pætursstólur og sipar til halgisøguna um, at í tí kirkju í Antiokiu, har ápostulin gjørdist biskupur, varð sett eitt hásæti til hansara, so at øll kundu hoyra og síggja hann. Pætur er eftir grikska orðinum Petros, sum merkir klettur. Jakob Jakobsen varð føddur hendan dagin í 1864 23. februar. Papias, deyður umleið ár 150. Var biskupur í Hierapolis í Frígiu í Lítluásiu. Sigst at hava havt samband við ápostulin Filippus. Kjartan Højsted, Føroya Fiskavirking: 35 ár á sama arbeiðsplássi Kjartan Højsted (v.m.) fær her handað diplom og aðrar gávur frá Jan Øregaard, virkisleiðara á Føroya Fiskavirking Aftur í ár verður KÍ- høllin karmur um árligu tunnusláing- ina, sum Klaksvíkar hornorkestur skipar fyri TÍÐINDASKRIV post@sosialurin.fo Leygardagin tann 21. februar klokkan 14 verður árliga tunnusláingin hjá Klaksvíkar Hornorkestri í KÍ høllini. Einar 12 tunnur verða hongdar upp í høllini og síðani er bara at fara innar og luttaka. Í suðurendanum í høllini verður samstundis skipað fyri mat/køkutom- bola og burturluting. Kaffi verður til keyps. Tað er Klaksvíkar Horn- orkestur, ið stendur fyri til- takinum, sum vanliga verð- ur væl vitjað. Eini 600 til 700 fólk í alskyns føstu- lávintsbúnum møta upp. Serliga eru tað børn og ung, ið sláa, meðan foreldrini hyggja at. Hornorkestrið heitir á fólk um at møta stundis- liga, so øll fáa sítt pláss við tunnurnar. Øll luttakandi fáa bommposar og serligur bommpakki við heiðurs- merki verður latin katta- kongunum. Áðrenn fyrstu sløgini verða sligin, fara Trølla- pætur og Omman at vísa børnunum, hvussu ein ber seg at, tá tunnan skal sláast. Nógvar tunnur í KÍ-høllini Leygardagin klokkan 14 skipar Klaksvíkar Hornorkestur fyri tunnusláing í KÍ høllini C M Y K 14