mikudagur 28. desember 2011síða 14

Mikudagur 28. desember 2011 · Nr. 150 Sosialurin Hugskot og viðmerkingar – send sms til 225000 14 PLANET AWA Lagt til rættis: Rólant Waag Dam ÁRSINS BÓLKUR Orka Nýskapandi og sermerktur bólkur, sum fær tey undarligastu ljóðførini at rigga í sínum egna samanhangi. Orka osar av orku, teir duga framúr væl at framføra live, og tað hava teir víst bæði heima og burturi. Alt botnar í frálíkum tónleiki, sum teir heilt bókstavliga sjálvir smíða. Páll Finnur Páll Páll Finnur Páll hevur í mong ár verið heitasta og best umtókta navnið í føroyskum tónleiki. Hann hevur eisini verið mest virkni bólkurin, og tann bólkurin, sum dregur flest fólk til konsertir sínar. 2011 var einki undantak í so máta, umframt at bólkurin eisini gav út fløguna »Kom við mær«. Swangah Dangah At ein nýggjur bólkur verður tilnevndur sum ársins bólkur, sigur ikki lítið um dygdirnar hjá Swangah Dangah. Síðani bólkurin legði Føroyar fyri føtur sínar við lagnum »Frá bygd til bý«, hevur bólkurin spælt fleiri feitar konsertir kring landið, umframt givið frálíku fløguna »Belials synir« út. Swangah Dangah hevur verið ein tann virknasti føroyski bólkurin í 2011. Gipsy Train Gipsy Train hevur hug­tik­ið og undir­hild­ið fleiri før­oy­ingar í ár, og hava eisini givið út fløguna »The flying Dutchman« út. Sum navn­ið á bólkinum bendir á, er talan um sokallaðan gipsy-punk, sum hevur røtur til balkan, men eisini hevur fingið íblástur frá føroysku Dánjal og Budam. Týr Í fleiri ár hava tónleikarnir í Týr ferðast kring alt Ev­ropa – og aðra­ stað­ni eisini – við sínum mergjaða rock­tón­leiki. Týr selir eisini fløgur, sum eingin annar føroyskur bólkur uttanlands, og teir hava veruliga víst føroyingum, hvussu tað ber til at gera originalan rocktónleik við festi í føroyskari mentan. ÁRSINS NÝGGI BÓLKUR­/­EIN­ STAK­LINGUR Swangah Dangah Við frískum og frekum rími, sum gan­ga ómeta­liga væl til tón­leik­in, hava Swangah Dangah ikki ein­ans prógvað, at tað væl ber til at rappa á føroyskum, men í roynd og veru hava teir staðfest, at føroyskt er eitt framúr rappmál, um tú dugir at brúka tað – og tað duga Steen Rói Lorenzen og Ragnar Davidsen. Gipsy Train Sjálvsálit og góð­ar tón­lista­gáv­ur plaga at vera eitt gott bland, og tað er eisini til­feld­ið við Gip­sy Train. Bárður Næs og restin av manningin goy­ma seg ikki aftan­fyri ljóðføri og mikrofonir, tvørtur í móti, men tað hava teir sanniliga heldur onga orsøk til. Benjamin At vera til­nevnd­ur eina Planet Awards sum ár­sins nýggi bólk­ur, er flott í sjálvum sær. Men tá tú sum Ben­jam­ins­en ert tilnevndur fleiri ferðir, so er tað av sonnum eitt tekin um, at tú hevur tú eina góða vøru. Og tað hevur Benjamin. glóð Hans Edward Andrea­sen, Rúni Mourit­sen, Edmund í Garði og Kristoff­ur Mørkøre hava við glóð skapt eina fríska og forkunnuga vøru til føroyska tónleikaelskaran. Um út­gávu­ko­n­sertin 28. januar verður líka gjøgnum førd sum fløgan »Mítt stríð er mítt ríki«, so hava vit nógv at gleða okkum til. Guðrun & Bartal Ársins Sement vinn­ar­ar, Guðr­un og Bartal, kenna vit frá eitt nú Bet You Are William, bólkurin hjá Peturi Há­ berg. Nú hava tey bæði sligið seg sam­an, og úrslitið er ein vøkur og inni­lig tónlistarlig uppliving, sum før­oy­ing­ar hava notið fleiri ferðir á teirra konsertum. ÁRSINS EIN­ STAKLINGUR Lena Andersen Í mong hev­ur Lena Ander­sen talst í millum okka­ra bestu songkvinnur. Hetta hev­ur hon enn einaferð staðfest við út­gávu­ni »Letters from the Faroes«. Hetta er Lena, tá hon er best. Lena Andersen hevur ikki spælt í Føroyum eins aðrir bólkar hetta sein­asta árið. Tí er henda til­nevn­ing­in ein staðfesting av góðskuni á fløguni. Guðrið Hansdóttir Í 2009 vann Guðrið Hans­dótt­ir eina Pla­net fyri bes­tu útgávuna, í fjør var hon tilnevnd sum ársins songkvinna og er tað aftur í ár, nú hevur hevur givið fløguna »Beyond the Grey« út, umframt at Guðrið hevur spælt tilfar av fløguni kring alt landið og uttanlands við. Høgni Reistrup Høgni Reis­trup hev­ur í ár markerað seg við enn ein­ari fløguútgávu. Tónlistarliga held­ur hann fast um sama stíl og á undan­farnu fløgunum, men við at fáa Janus Rasmussen við á fløguna hev­ur Høgni fingið eitt øðrvísi og meiri elektroniskt ljóð, sum klæðir honum. Benjamin Benjamin Peter­sen hev­ur leingi víst og prógvað, at hann tel­ist millum okk­ara mest evnaríku tónleikarar. Hetta hevur hann enn einaferð stað­fest, nú hann stendur á egnum bein­um. Hann hevði eitt brak av einari konsert á G! í summar, og hev­ur síðani givið góðskufløguna »Ghost With Skin« út. Budam Loksins kom fløg­an, mong hava bíð­að eft­ir, upp­fylgj­ar­in til fyrs­ tu fløguna. »Man«, sum fløgan hjá Budam rópast, hevur eisini fing­ið ógvuliga góða móttøku. Tað sama hava konsertirnar, Búi og hansara bólkur hevur havt í og uttanfyri Føroyar. ÁRSINS SANGARI Høgni Reistrup Høgni Reistrup tyk­ist bara at blíva ein betri sangari fyri hvørja fløgu, hann gev­ur út. »Samrøður við fram­ tíð­ina« er ikki einans besta fløgan, Høgni hevur útgivið, men eisini tann fløgan, har Høgni stendur sterkast sum sangari. Búi Dam Umframt at duga at spæla og undir­hal­da, hevur Búi Dam eina ser­mer­k­ta og hugtakandi rødd, sum fólk ofta gloyma, tí tey verða berg­tik­in av fangandi fram­førslu­ num hjá Búa – hetta líka­mik­ið um tað eru børn ella vaksin, um tað er Ævintýraferðin ella við bólkinum Budam. Hans Edward Andreasen Síðsta ár var Hans Edward Andreasen við at vinna heiðurin sum ársins bólkur á Planet Awards 2011. Hesin hevur ikki verið heilt so aktivur í ár, sum í fjør. Hinvegin hevur Hans Edward prógvað sínar dygdir sum tónleikari á annan hátt, nevniliga við at skapa bólkin glóð. Líggjas Olsen Líggjas Olsen er á ongan hátt nakað nýtt navn á før­oyska tónleikapallinum, men tað er bólkur hansara Frostfelt hin­vegin. Henda hava føroyingar av sonnum tikið til sín, ikki minst orsaka av frálíka sanginum frá Líggjasi Olsen. Benjamin Petersen Benjamin hevur við síni sermerktu rødd fangað ein hóp av føroyingum, men tey eru ivaleyst nøkur, sum halda at snjalla og nasala røddin, er ov nógv av tí góða. Men tú ert so ongantíð í iva um, at tað er Benjamin, tú hoyrir. Og tey, sum ikki orka at hoyra hetta, missa av sonnum tónleik av besta slag.