mikudagur 28. desember 2011síða 26

Mikudagur 28. desember 2011 · Nr. 150 26 Sosialurin Hugskot og viðmerkingar – send sms til 225000 Ítróttarárið 2011 Hilmar Jan Hansen Í fleiri ár hevur steypafinalan líkasum verið tað heilt stóra í flog­ bólti, tí tað var hesin eini dagurin, har alt varð kókað niður í tveir dyst­ir í ítróttarhøllini á Hálsi í Havn, sum skuldu avgerast – og vinnarin fór heim við steypi og heiðurs­merkjum. Men seinnu árini hevur Flog­ bólts­sambandið givið føroya­ meistara­heitinum nýggjan týdning, tí nú skal alt avgerast við FM- finalum á uttanveltaðum vølli, sum í hesum føri hevur verið í ítróttar­ høll­ini á Eiði. Soleiðis var eisini í vár, tá tey bæði fremstu í Eik-liguni hjá kvinn­ um og monnum skuldu møtast í meistarafinalunum, og í báðum førum vísti tað seg at verða somu vinnarar: Mjølnir hjá kvinnum og ÍF hjá monnum. Fleyr í finaluni Mjølnir hevði ikki vunnið føroya­ meistaraheitið hjá kvinnum síðani 2005, men við sigrinum hesa ferð fekk mest vinnandi felag hjá kvinn- um sett eina tjúkka striku undir sínar dygdir. FM-finalurnar skuldu spælast ímóti Fleyr, ið hevði staðið seg so mikið væl, at liðið í endaligu støðu- ni í landskappingini var eitt stig framman fyri Mjølnir og tí hevði fingið heimavøll í eini møguligari triðju finalu. So langt kom tað tó ongantíð. Í fyrru finaluni á Eiði síðsta leygar­dagin í mars sást, at hetta vóru tvey jøvn lið, sum bæði vóru væl við og lupu á við fullari megi. Fleyr misti tó ov nógvar lættar bólt­ ar, og tað kostaði í síðsta enda, so Mjølnir vann 3-1. Her var tí veruliga lagt upp til eitt brak dagin eftir, tí liðini høvdu verið so jøvn. Tað byrjaði eisini í tí durinum, tí eftir fyrstu tvey settini stóð 1-1, men so setti Mjølnir spaku­liga trumf á. Og í fjórða setti gjørdist talan mestsum um eyð­ mýking, tí Mjølnir vann tað 25-6! So var enn ein 3-1 sigur vunnin og tólvta meistaraheiti komið til høldar. Birgit Guttesen í Mjølni gjørdist ársins spælari hjá kvinnum í kapp­ ing við Anju S. Danielsen í Fleyr og Gudrid Nolsøe í TB. Basti eisini SÍ Ein mánað frammanundan hevði Mjølnir í steypafinaluni ímóti SÍ eisini víst, at hetta veruliga var kappingar­árið hjá teimum úr Klaks­vík. Tað vóru annars hesi trý liðini – Mjølnir, Fleyr og SÍ – ið øll flo­g­bólts­kappingin hjá kvinnunum stóð ímillum. Í steypafinaluni vann Mjølnir rími­liga sannførandi í fyrsta og triðja setti, meðan SÍ svaraði aftur í bæði øðrum og fjórða setti. Tí skuldi alt avgerast í fimta settinum, har Mjølnir var langt á odda, men var líka við at missa takið ímóti enda­num, men kortini megnaði at halda fast. Hetta var fyrsta sporlið til greipu­na hjá kvinnunum í Klaksvík, ið henda veturin tykjast halda fram í somu øði. Steypafinalan komandi vár verður aftur ímóti SÍ, og ann­ ars sigur støðan á stigatalvuni, at Mjølnir er liðið, øll hini renna aftaná… Flúgvandi ÍF Ígjøgnum allan veturin var mansliðið hjá ÍF fullkomuliga eina­ ráð­andi og var nógv fremst, tá sjálv lands­kappingin endaði. ÍF hevði vunn­ið 18 av sínum 20 dystum, og eitt fitt petti aftanfyri kappaðust Mjøln­ir og SÍ um hin finalusessin. Hesa kapping vann Mjølnir og kom tí í FM-finaluna síðst í mars mán­ aði. Sum hjá kvinnunum, var fyrra FM-finalan avgjørt meira áhuga­ verd, og tað var tá, at Mjølnir skuldi kent sína vitjunartíð. Ikki fyrr enn eftir tveir tímar og 23 minuttir av effektivari tíð á vøllinum hevði ÍF tik­ið fyrsta stikkið og vunnið sær ein góðan fyrimun til dagin eftir. Tað var í fimta settinum, at Mjøl­nir veruliga fekk møguleikan, tí tað eydnaðist at koma framum 15-14, men allíkavæl endaði ÍF oman­á og tók fimta settið 20-17. Men eisini í fyrsta setti, sum ÍF vann 32-30, hevði Mjølnir havt sínar møguleikar. Dagin eftir hevði ÍF neyðuga yvir­s­kotið og vann ein rímiliga trygg­an 3-1 sigur, ið væl og virðiliga rakk til meistaraheitið. Nevnast kann, at farna vetur spældu ÍF og Mjøl­nir tilsamans átta dystir – og ÍF vann teir allar! Hjá monnum gjørdist Rúni Weihe ársins spælari í kapping við liðfelagan, Bartal Eliasen, og spæl­ andi venjaran hjá Mjølni, Boban Ilic. Steypið tað sama Í steypafinaluni høvdu ÍF og Mjøl­ nir eisini tikist í einum fimm­ settara, ið tó ikki var so drúgvur sum tann í fyrru FM-finaluni. Her vann ÍF fyrstu tvey settini, áðrenn Mjøl­nir fekk betur tak á spælinum og tók tey bæði næstu. Hesa ferð sá Mjølnir sera sann­ før­andi út í fimta settinum, men ímóti endanum svaraði ÍF aftur og vann 15-13. Sostatt endaði steypið í Fuglafirði, hóast Mjølnir hevði víst dygdir, ið eisini skuldu vísa seg at rættvísgera enn eina finalu mill­ um liðini ein mánað seinni – men framvegis hevði ÍF allíkavæl munin. Í kappingarárinum, sum nú er í gongd, eru framvegis ÍF og Mjølnir við millum tey fremstu, men í vetur fáa tey harða kapping frá SÍ, ið hevur verið oddalið alla tíðina, og steypa­finalan í vár verður millum SÍ og Mjølnir. hilmarjan@sosialurin.fo Mjølnir og ÍF tóku alt Flogbóltur Bæði hjá kvinnum og monnum í flogbólti gjørdist talan um greipuvinnarar, tí Mjølnir-kvinnurnar og ÍF- menninir vunnu bæði steypakapping og føroyameistaraheiti flogbóltur