fríggjadagur 30. desember 2011síða 30

Fríggjadagur 30. desember 2011 · Nr. 151 14 Sosialurin Brot og bitar úr árinum, ið fór 2011 desember – Eg sigi bara tað, at tey, sum altíð bara arbeiða frá kl. 8 til 16 og annars liggja á sofuni, eru nógv meira ør enn eg. Tað ræður um at liva lívið, meðan tað ber til. Livar Nysted, rógvari við heimsmeti Eg eri simpulten málleysur! Hetta hevði eg ikki væntað. Tónleikarin Jákup Eli Joensen, tá ið hann vann Planet heiðursløn fyri sangin Vanja Fýra prosent niðurskurð til tey hægst løntu innan tað al­menna. Tað er útgangsstøðið hjá Fíggjar­ málaráðnum í lønarsamráð­ingunum við alment lønt starvsfólk. Nú kann sjálvandi verða ført fram, at verður hetta úrslitið, so fara politikarar av sær sjálvum nevndu fýra prosentini niður í løn, tí tingfólk og landsstýrisfólk fylgja lønarlagnum hjá tænastumonnum. Kortini hevur Sosialurin gjørt eina spurnarrundu millum tingfólk, um tey vilja fara hesi nevndu prosent niður í løn, sjálvt um almennar lønir ikki minka. Og her er ein stórur meiriluti fyri at ganga á odda sum ein góð fyrimynd. Onnur vísa tó til, at fer almenna lønarlagið niður, so fylgja ting- og landsstýrisfólk við av sær sjálvum. Men tað er í grundini hug­vekj­ andi, at sjálvt garvað tingfólk at síggja til onga meining hava um ein so einfaldan spurning: TEKUR TÚ UNDIR VIÐ, AT LØNIN HJÁ TING- OG LANDSSTÝRISFÓLKUM LÆKKAR EINI 5% – FYRI AT VERA GÓÐ FYRIMYND? Útvið fjórðingurin av teimum, sum Sosialurin fekk orðið á, vísti til lønarskipanina hjá tænastu­ monnum, sum løgtings- og lands­ stýrisfólk fylgja. Summu av teimum nývaldu tordu onga sum helst meining at hava, fyrr enn tey høvdu konfererað við hægri maktir – og summi sjálvt ikki aftan á tað. Og so dugdi onkur ikki vanligan fólkasið og hirdi ikki at svara fólki aftur. Markant broyting Bert eitt av teimum 31 tingfólkunum, vit fingu fatur á, segði seg ikki taka undir við einum slíkum uppskoti, og tað skarar fram úr úrslitinum eftir líknandi spurnarrundu 1. sep­ tember í fjør. Tá vóru bert 12 fyri at fara niður í løn og 16 ímóti. Men av teimum 16, sum søgdu nei í september í fjør, eru bert fimm eftir, og eingin teirra sigur nei í dag. Av ja-sigarunum eru eisini fá eftir, somuleiðis fimm. Bæði tey, ið ikki vildu svara, eru farin úr tinginum, meðan tey trý, sum vit ikki fingu fatur á til spurnarrunduna, heldur ikki eru at finna í Tinginum í dag. Tað kann tí staðfestast, at nýggja løgtingið hevur broytt støðu heilt markant, mótvegis gomlu ting­ mann­ingini. Ein samanteljing av teimum spurdu vísir, at 18 uttan at blunka vilja taka ein lønarniðurskurð, og harvið ganga á odda sum góðar fyri­myndir. Sjey vísa til, at ting­ manna­lønirnar fylgja tænastu­ manna­lønunum (og svaraðu harvið reelt ikki upp á spurningin), meðan bert ein tinglimur segði eitt ítøkiligt nei. Fýra vildu ikki svara ella góvu eitt ikki-svar, meðan tað ikki eydn­ aðist at fáa fatur á trimum. Lena vann 3 Planetir Stóra kvinnan á Planet Awards 2011 var Lena Anderssen, sum vann tríggjar av teimum sjey Planetunum, sum vórðu lætnar føroyskum tónleikarum. Lena Anderssen gav í ár nýggja fløgu út, og á Planet Awards varð hon kostin Ársins song­kvinna og einstaklingur, og hon fekk heiðurs­lønina fyri ársins útgávu. Swangah Dangah vunnu tvær Planet heiðurslønir – ársins nýggi bólkur og ársins bólkur – Jákup Eli Joensen vann fyri ársins sang, og Hans Edward Andreasen varð ársins sangari. Harafturat var serligt Planet herða­klapp latið Nicolinu av Kamarinum. Summi børn ræðast jólini Jólini eru barnahátíðin mikla, men tað eru ikki øll børn, sum gleða seg til jóla. Summi stúra veruliga fyri hátíðini. Nógv veitslu­ hald eru um jólini, fólk drekka nógv, og tað kann enda sum harðskapur í heiminunum – og tá eru børn ofta óbeinleiðis ella bein­ leiðis offur. – Vit vita frá bæði børnunum og familjum, at jólini ikki altíð eru so stuttlig, sigur Ingvør Justinussen, heilsu­røktar­ frøðingur og varaleiðari í Gigni. Kunnu vinna Oscar Stuttfilmurin Magma hjá Rannvá Kára­ dóttir og Mariannu Mørkøre er við í undan­kappingini til kendu Oscar films­ heiðurs­lønirnar. Tær eru komnar við til undan­kappingina umvegis eina kanadiska films­stevnu, har teirra filmur varð heiðraður. – Vit hava skemtað við, at vit gevast ikki, fyrr enn vit hava vunnið eina Oscar. Og nú eru vit við í undankappingini. Tað blívur ikki betur, sigur Rannvá Káradóttir. Stórur meiriluti av løgtingsfólkunum eru sinnað at fara niður í løn fyri at verða ein góð fyrimynd Tingfólk vilja niður í løn Nógv tingfólk eru til reiðar at taka av lønini hjá sær sjálvum Vitjaðu Mount Everest Toni Dam og Páll Olaf Jacobsen hava fyri stuttum verið á Mount Everest Base Camp, sum er síðsta steðgiplássið, áðrenn byrjað verður at klatra niðan á verðins hægsta fjall. Tað var heldur tilvildarligt, at hesin túrurin yvirhøvur gjørdist til veruleika. Vinmenninir báðir, Toni og Páll Olaf, hava altíð verið hugtiknir av Mount Everest og tí ríku søguni, ið hoyrir til heimsins hægsta fjall í Himmalaya: – Av tilvild hittu vit seint í summar einum íra á eini kafe í Havnini, og hann fortaldi, at hann hevði verið á Mount Everest. Vit fingu líkasum blóð upp á tonnina av hesum prátinum og blivu samdir um at gera ein túr niðan á Mount Everest Base Camp, sigur Toni Dam, sum hevur verið á fleiri øðrum høgum fjøllum áður.