mikudagur 4. januar 2012síða 19

19 Mikudagur 4. januar 2012 · Nr. 2 Sosialurin Hugskot og viðmerkingar – send sms til 225000 Longu í 3. Kapitli í 1. Mósebók, beint eftir syndafallið, lesa vit eitt profetorð um Krist­ us: Tá segði Gud HARRIN við ormin: "Aftur fyri at tú gjørdi hetta, so skalt tú vera bannaður millum alt fæið og millum øll dýrini á markini. Á búki tínum skalt tú skríða, og dust skalt tú eta, allar lívsdagar tínar. Eg seti fíggindskap millum teg og kvinnuna, millum títt av­kom og hennara avkom; Hann skal sora høvdið á tær, men tú skalt høgga Hann í hælin." 1. Mós. 3,14-15. Longu her lovar Gud, at ein frelsari skal koma, sum skal sora høvur ormsins. Hann sigur, at Hann (avkom kvinnunar) skal sora ormin, ikki avkom mansins, tað er skilligt, at avkom Ádams kundi ikki frelsa nakran, tað er jú ómøguligt, vit eru øll komin undir synd við falli Ádams, so tað sigur seg sjálvt, at einki vanligt mannabarn kann verða frelsari heimsins. Hetta, sum hann sigur her um avkom kvinnunar, er ein profeti um ein stóran kong og frelsara, sum føðast skal av kvinnu, sum verður við barn uttan samlegu við mann. Tá ið vit koma til 12 kap. í 1. Mósebók, lesa vit hetta: HARRIN segði við Ábram: "Far úr landi tínum, frá skyldfólki tínum og frá húsi faðirs tíns - til landið, ið Eg skal vísa tær! Eg skal gera teg til stórt fólk; Eg skal signa teg og gera navn títt stórt, og tú skalt verða signing. Eg skal signa tey, ið signa teg, og tann, ið tær bannar, honum skal Eg banna; og í tær skulu allar ættir á jørðini verða signaðar." 1. Mós 12, 1-3. Harrin gevur Ábrahami hetta lyftið tríggjar ferðir, her og í 18. Kapitli og síðani aftur í 22. Kapitli: “..og í avkomi tínum skulu allar slektir á jørðini verða signaðar - aftur fyri at tú lurtaði eftir Mær!"“22,18. Paulus sigur í Galatia­ bræv­inum soleiðis um hetta: Nú vórðu lyftini givin Ábra­hami og avkomi hansara; ikki stendur "avkomum", sum um nógvar, men sum um ein: "Og avkomi tínum" - og tað er Kristus. Gal. 3,16. Síðani lesa vit í 26. kapitli, at Ísak fær sama lyftið og í 28. kapitli, at Jákup fær sama lyftið. So hetta lyftið er frelsan, sum skal koma til allar tjóðir heimsins. Jødarnir hava vænta hendan kongin, Messias síðani, og enn í dag vænta teir ísraelsmenn, sum trúgva á Gud Ísraels, at Messias skal koma. Fara vit so mong mong ár fram, so lesa vit í 4. Mósebók um, at Balak kongur í Móab ræðist Ísrael og leigar sær Bileam, til at koma og banna Ísrael, men Gud vil ikki lova Bileam at banna Ísrael, og tað verður til, at hann ístaðin signar fólkið, har lesa vit hetta profetiið um Messias: So bar hann fram ljóð sítt og segði: "So sigur Bileam, sonur Beor, so sigur maðurin við afturlatnum eyga, so sigur hann, ið hoyrir orð frá Gudi og hevur fingið kunnskap frá hinum Hægsta, hann, ið skoðar sjónir frá hinum Alvalda, nígandi niður og við upplatnum eygum: Eg síggi Hann, men ikki nú, eg skoði Hann, men ikki nær - upp rennur stjørna av Jákupi, veldissproti rísur av Ísrael; Hann sorar tynningar Móabs og týnir ófriðarættina. 4. Mós. 24,15-17. Í 5. Mósebók stendur hetta. HARRIN Gud tín skal lata Profet sum meg stíga upp ímillum tykkara, ein av brøðrum tínum; Hann skulu tit hoyra. 5. Mós. 18,15. Pætur tekur til hetta í talu sínari, sum stendur í Ápostla­ søguni 3. Kapitli. Dávid syng­ ur um Harran Jesus í t.d. 22. og 69. Sálmi. Hjá Esaias profeti lesa vit hetta: Tí skal nú Harrin sjálvur geva tykkum tekin: Moyggj skal verða við barn og eiga son, og hon gevur Honum navnið Immanuel. Es. 7,14. Og í 9. Kapitli: Tí Barn er føtt okkum, Sonur er givin okkum, og á øksl Hansara skal harra­ veldið hvíla; Hann eitur Undur­fullur, Ráðgevari, Veldig­ur Gud, Ævigur Faðir, Friðarhøvdingi. Stórt verður harradømið, endaleysur friðurin, yvir hásæti Dávids og yvir ríki hansara; tað skal verða styðjað og hildið uppi við rætti og rættvísi, frá nú og til ævigar tíðir; álvara HARRANS Guds hersk­ar­ anna skal gera hetta! Es. 9,6- 7. Mika profetur boðar eisini frá honum: Men tú Betlehem, Efrata, sum so lítið hevur at týða til at vera millum túsund Juda! Úr tær skal ein ganga Mær út, sum skal vera høvd­ ingi Ísraels. Uppruni Hans­ ara er úr forðum, frá for­ tíðardøgum. Mika 5,1. Hetta vóru nøkur av pro­ fetiunum úr Gamla Testa­ menti. Hetta síðsta úr Mika vísir skilliga, at her er talan um ein óvanligan mann, tað stendur, at hann er frá forðum. Hetta er júst tað, sum vit síggja, at Jesus sjálvur ger krav uppá at vera, hann sigur við Jødarnar, at áðrenn Ábraham var til, eri Eg. Hann brúkar júst somu orð, sum Gud brúkar í 2. Mósebók kapitli 3,14, tá ið hann sigur við Móses, tá ið Móses spyr um hvat hann skal siga við ísraelsmenn, tá ið teir spyrja um navnið á honum, sum hevur sent hann til teirra. Tá sigur Harrin, tú skalt siga, at “Eg eri” hevur sent meg til tykkara. Tá ið nú ein lesur hesi skriftstøð og annars kennir Bíbliuna, so er tað láturligt at hoyra menn tvihalda um, at Jesus ikki veruliga varð føddur av moyggj. Teir lærdu, t. d. søgufrøðingar, sum ikki trúgva á at Gud kann gera hvat hann vil. Teir royna at gera til einkis tað, sum stendur, enntá ditta sær at siga, at teir, sum týddu Gamla Testamenti úr hebraiskum til griskt, hava týtt tað skeivt, og soleiðis villleitt teir, sum síðani hava týtt skriftirnar eftir Septuaginta.Allir hesir eru sostatt farnir skeivir, eisini báðir teirr føroysku týð­ararnir. Eg dugi ikki hebra­iskt og griskt, so her kann eg ikki blanda meg nógv, men einki haldi eg, at nakað er komið skeivt fyri her, tað man heldur vera, at Heilagi Andin hevur leitt teir, sum týddu, at skriva, sum teir hava skrivað, fyri at einki skal vera at ivast um, um so er, at tað skjótt kann blandast kanska í hebraiskum. Sum sagt tað kann eg ikki trætast um, tí eg dugi ikki hebraiskt, men um ein tekur týskt t.d., so merkir jungfrau moyggj og junge frau ung kvinna, so nær kann tað liggja. Tað er so høpisleyst, at søgufrøðingar royna at fáa tað til at Esaias ikki hevur meint moyggj, fyri aftur at kunna gera Matteus til ein lygnara, sum hevur penta hesa søguna saman, eftir at Jesus hevði livað og var deyður. Teir áttu at havt annað at sagt okkum. Øll skrift­in talar um Harran Jesus Kristus, tað sigur Jesus eisini sjálvur í Lukas 24 kapitli. Hetta kunnu vit trygt líta á, um onkur skuldi ivast, nú ið Bíblian aftur og aftur verður álopin í føroyskum fjøl­miðlum. Avkom kvinnunar, sonur Guds Spáddur í heiløgum riti Kom frá Tamar, Rahab og Rutt Tó er av heiløgum gitin Moyggin Maria Kristus ber Heilagt sáð bar undir belti Gud hin stóri faðirin er Heilaga Andan úthelti Gud tú stórur, heilagur er Setti teg lágt fyri okkum Frelsa tín stór av øllum ber Til allan heimin hon røkkur. Takk mín Gud at frelsan mær rakk Prísaður veri tú Faðir Eg ei í botnleyst myrkur sakk bjargaður í allar ævir Profeti um Kristus Richard Danielsen Vit DIS-arar og aðrir úti­siglarar fingu eitt lyfti fyri og annað eftir, at ikki skuldi áleggjast eyka skattur á okkum. Eg skilji, at plan­urin hjá samgonguni er at leggja Heilsu­trygd og Sjón­varps­gjaldið og møguliga onnur gjøld inn undir skattin. Hvat so við okk­um útisiglarum, sleppa vit so heilt frá at gjalda, ella... (nú skal eg ikki mis­skiljast, eg havi per­són­ligt einki ímóti at gjalda eitt vanligt brúkara gjald) .. ella skula vit áleggj­ ast eitt gjald, sum sam­ svarar okk­ara inn­tøku í tí so­kal­l­aða »pro­gress­iva flat­skatt­in­um«? Hvussu vil Fíggj­ar­ málaráðið um­rokna netto­lønina hjá okk­ um DIS-arum til eina A-skatta inntøku? Hvat fyri frymil vil verða nýtt­ur? Um so er, at hetta er planurin hjá sam­ gong­uni, so flyta vit okk­um frá ein­um van­ ligum brúk­ara­gjaldi til ein brúkara SKATT. Við øðrum orðum ein eyka skatt á okkum. Sitandi sam­gonga livur so held­ ur ikki upp til hetta val­lyftið, sum tey góðu okkum und­an valinum, so sum við so nógvum øðrum lyftum. Eg havi eisini ein ann­ an spurning til sam­gong­ una. Hvussu við pen­ sjónum hjá okkum, sum arbeiða uttanlands og eru limir í útlendskum pen­sjónskassa? Eru vit umfatað av, at pen­sjón­ irnar skulu skattast við inngjald. Spurningurin snýr seg ikki um fólk, ið starvast í Føroyum og eru limir í útlendskum pensjónskassum, men før­oyingar ið starvast utt­anlands. Hevur samgongan yvirhøvur kannað henda spurning, hevur man verið í sambandi við útlendskar pensjóns­ kassar. Eg kundi hugsað mær at fingið svar upp á hesar spurningar. Hvar er tey sum lovaðu at ... Karlot Hergeirsson Hvussu við pensjón­ um hjá okkum, sum arbeiða uttan­ lands og eru limir í út­lendskum pen­ sjóns­kassa? Eru vit um­fatað av, at pen­sjón­ir­nar skulu skatt­ast við inn­ gjald?