mikudagur 11. januar 2012síða 9

9 Mikudagur 11. januar 2012 · Nr. 5 Sosialurin Hugskot og viðmerkingar – send sms til 225000 men objektiv kriteriir, sum liggja til grund fyri býtinum, er eingin ivi um, at Føroya skulu hava nógv meira enn 7% av heildarkvotuni av makreli í okkara part, sigur fólkatingsmaðurin. Hann heldur tað eisini vera sera positivt, at mál­ið kom til viðgerðar í Norð­ ur­landaráðnum hin 3. no­ vember 2011, har eitt upp­ skot, sum mælti pørtunum - Danmark/ES, Íslandi, Før­ oyum og Norra - til at finna eina semju, varð samtykt. – Hetta uppskot segði, at ein semja ikki bara skal byggja á søgulig tøl, men eisni á “udbredelsen af bestanden over tid, på nye vandr­ ingsmønstre og på betyd­ ningen for kystlandene...”  Eitt trupult mál Sjúrður Skaale vísir á, at tað trupla hjá okkum - og ikki minst hjá honum sjálvum - er, at Danmark, sum partur av ES, er mótpartur hjá Før­ oyum í hesum máli. – Eg havi havt fundir við allar viðkomandi ráð­ harr­ar um málið, bæði for­sæt­isráðharran, Helle Thorn­ing-Schmidt, europa­ ráð­harran, Nicolai Wammen, uttanríkisráðharran, Villy Søvndal og serliga við fiski­ málaráðharran, Mette Gjer­ skov. Fólkatingsmaðurin sigur, at hann hevur greitt frá støðuni úr einum føroyskum sjónarhorni, og hann hevur gjørt greitt, at hetta mál eisini kann gera tað trupult hjá honum at stuðla stjórnini. - Hetta havi eg eisini sagt alment, eitt nú undir 1. viðgerð av donsku fíggjarlógini hin 10. november, tá eg vísti á, at Føroyar í 1973 valdu at standa uttan fyri ES, og at vit tískil ynsktu sjálvi at samráðast um handilsavtalur og fríhandilsavtalur við onnur lond. Onnur lond eru eitt nú ES og harvið Danmark. Tí eru vit nú mótpartar í ógvuliga truplum og beinhørðum sam­ráðingum millum Ís­ land, Føroyar, Noreg og ES um, hvussu hesin bú­ skap­arliga týdningarmikli makrelstovnurin skal býtast mill­um londini. Í røðu síni vísti Sjúrður á, at tvey ár í slag eru sam­ ráðingarnar slitnaðar úrslitaleysar, og londini hava ásett sær sínar egnu kvotur. – Hetta hevur ført til bæði boykot og uppsøgn av fiskiveiðiavtalum – og í ár sita føroysku sam­ráðingar­ um­boðini og samráðast undir hóttanum um boykott um, at um vit ikki ganga við til eina avalu, sum ES meinar er rímilig, fer ES at frema ”deciderede sanktioner mod Færøerne...”, sum fólka­tings­ maðurin tók til. Sjúrður Skaale legði í røðu síni aftrat, at í Føroyum halda vit avgjørt ikki, at ES-krøvini eru rímilig, tvørturímóti. – Hetta er revolvara­ diplo­mati við hóttanum um revsitiltøk, sum vit uppliva frá ES, og fólkarættarliga er hetta eisini á markinum fyri, hvat hildið verður at vera ”god skik”, sum fólkatingsmaðurin tók til. Ein løgin støða Sjúrður Skaale ásannaði í røðuni við 1. viðgerð av donsku fíggjarlógini, at støð­ an er eitt sindur undar­lig. – Eg eri valdur av før­oysk­ um veljarum, men stuðli eina danska stjórn, sum kanska – um ES – vil verða við til at fremja revsitiltøk móti Føroyum í einum máli, sum bæði hevur vitalan týdning fyri okkara búskap, og har hvørt eitt einasta menniskja í Føroyum heldur, at tað eru vit, sum hava rættin og rími­ligheitina á okkara síðu. Onkur hevur spurt, um støðan er haldbar, og um mín stuðul til stjórnina er uttan treytir. Tí vil eg gjarna nýta hetta høvi – av hesum stað – at eg vil ikki hótta við nøkrum sum helst. Føroyar og Danmark eru mótpartar í hesum máli, og tað eru vit, tí Føroyar hava valt sínar egnu leiðir. Sjálvandi er hetta ikki lætt fyri nakran av pørtunum. Mín atkvøða í fólkatinginum kann sjálv­ andi ikki brúkast til hvat sum helst, tá eg eri valdur í Føroyum til at taka mær av føroyskum áhugamálum. Og Sjúrður Skaale legði aftrat: – Men jeg vil ikke ”black­ maile” på nogen måde. Hann segði eisini, at hann hevur havt fundir við fleiri ráðharrar, sum hava sagt, at tey frá danskari síðu vilja gera alt fyri at finna eina diplomatiska loysn, og at tey - um spurningurin um revsi­ tiltøk verður aktu­ellur – fara at gera sína ávirkan galdandi, soleiðis at atlit verða tikin til allan ríkisfelagsskapin. – Tað er hetta, sum eg haldi meg til í fyrsta um­fari, segði Sjúrður Skaale, fólka­ tingsmaður. Uppskotið, sum gevur heimild til revsitiltøk móti eitt nú Føroyum, um eing­ in avtala fæst í lag mill­um strandalondini um makrel­ býti, er ikki endaliga sam­ tykt enn, men endaligar sam­ ráðingar verða um hetta í Bergen hin 25.-27. januar. Um uppskotið verður endaliga samtykt, er ikki greitt, júst hvussu heimildirnar skulu brúkast vilmund@sosialurin.fo Edmund kemur eisini við sínum Beint fyri deadline í dag fingu vit sjónarmiðini hjá hinum fólkatingsliminum, Edmundi Joensen, um makrelmálið við atliti til møgulig revsitiltøk móti Føroyum. Edmund Joensen fer eisini at fáa pláss fyri sínum sjónarmiðjum í Sosialinum, og tey fara vit at venda aftur til í fríggjadagsblaðnum. Tað verður í døgunum hin 25.-27. januar, at endalig støða verður tikin um møgulig revsitiltøk móti Føroyum og Íslandi Mynd: Vilmund Jacobsen