fríggjadagur 13. januar 2012síða 15

15 Fríggjadagur 13. januar 2012 · Nr. 6 Sosialurin Hugskot og viðmerkingar – send sms til 225000 Tøkk Hjartaliga takki eg tykkum øllum, sum á ymiskan hátt gleddu meg á 100 ára føðingardegnum 2. januar 2012. Takk fyri heilsanir, vitjanir, gávur, blómur og talur. Takk fyri kórsang og dans. Ein serlig tøkk til starvsfólkið á Ellisheiminum. Við ynski um eitt gott nýggjár. Blíðar heilsanir Johanna Dalsgarð TØKK Í morgin leygardagin verður Ebba Ziska í Havn 90 ár. Ebba er ættað av Húsum og giftist við Marius Ziska í Havn. Eg havi havt tað eydnu at kenna Ebbu í mong ár. Tað kann sigast, at hon er ein tann elsti unglingurin, sum eg kenni. Hóast sín aldur á pappír­ inum er hon so ung í sinni sum nakar. Hon er ótrúliga skilagóð, og er nakað sum hevur samband við Húsar ella Geila-ættina í Havn, sum hon giftist inn í, so er bara at fara inn at spyrja Ebbu, og altíð fylgir ein drekkamunnur við! Lívið hevur ikki bert verið ein dansur á rósum. Marius, sum var prentari, doyði ung­ur. Men Ebba fall ikki í fátt. Saman við Bjarka og Suna helt Ebba fram við prentsmiðjuni, og tað var fast hjá henni í mong ár at prenta serviettar til brúdleyp og konfirmatiónir. Teirra heim í Bøkjara­ brekku gjørdist ein talv­ klekingarmiðdepil. Synirnir hava góð evni í so máta. Og hjá Ebbu var altíð opið hús. Har komu vinirnir hjá synunum inn at telva. Teir sótu í øllum krókum í húsinum, meðan Ebba hjúklaði um teir. Ùrslitið er eisini sjónligt. Eitt av teimum er ommusonurin Helgi Dam Ziska, ein av okkara fremstu telvarum. Ebba og Marius fingu átta børn. Fleiri teirra búgva í Danmark. Men tað forðar ikki Ebbu. Hon er á hvørjum ári í Danmark og vitjar síni børn, ommubørn og langommubørn, eins og tey vitja hana í Føroyum, og tá stendur hon á høvdinum fyri teimum. Góða Ebba. Hjartaliga tillukku við teimum 90 árunum, sum ikki síggjast á tær, og takk fyri vinskap í mong ár. Óli Ebba Ziska 90 ár KLAKSVÍK Seinnapartin í dag, fríggjadag fær Klaks­ víkar kommuna hand­að eitt FIFA II Star-góð­kenn­ ingarskjal av nýggja gras­ líkis­vøllinum í Klaksvík. Í sambandi við at graslíki í fjørsummar varð lagt á fótbóltsvøllin við Djúpumýru, varð ein kanning av honum gjørd. Hesa hava almennu fót­ bóltsmyndugleikarnir – FSF, UEFA og FIFA – fyriskipað eina kanning og góðkenning av vøllinum, har staðfest er, at vøllurin lýkur settar treyt­ir fyri hesi altjóða góð­kenning. Tað er leverandørurin av vøllinum, Polytan, sum við hetta hátíðarhaldið fer at handa kommununi FIFA II Star-góðkenningarskjalið. Tiltakið byrjar kl. 15, og verða umboð fyri FSF, Klaksvíkar býráð, KÍ, Polytan og onnur til staðar. Nú er vøllurin FIFA-góðkendur Svar til Høgna Hoydal Høgni Hoydal hevur í dag at m.a. mær fyri at tað eg havi sagt um makrelmálið á fólkatingi. Hann heldur at »Tað má og skal vera Føroya landsstýri, ið førir orðið og stendur fyri øllum samráðingum við heimild frá Føroya Løgtingi.« Sjálvandi er tað lands­ stýrið – einans landsstýrið – ið skal føra hesar samráð­ ing­ar. Og tí havi eg aldrin – aldrin nakrantíð og ikki á nakran hátt! – blandað meg uppí samráðingarnar. Eg havi einans tosað um eitt mál, sum er til viðgerðar í stjórnini og fólkatinginum: Nevniliga sanktiónir av Føroyum. Tað hevði verið løgið, um eg einki meinti ella segði um tað. Ósemjan hevur eisini verið fyri í Norður­landa­ráð­ num, og har havi eg – eins og aðrir limir – talað fyri og tikið undir við eini samtykt um, at makrelbýtið skal gerast við støði í tí veruleika, at stovnurin hevur flutt seg inn í m.a. føroyskan sjógv. Heldur ikki tað er at blanda seg uppí sjálvar sam­ ráðingarnar. Sjúrður Skaale Kjak