mánadagur 16. januar 2012síða 17

17 Mánadagur 16. januar 2012 · Nr. 7 Sosialurin Hugskot og viðmerkingar – send sms til 225000 Ítróttarblaðið Mynd: Álvur Haraldsen Pætur Albinus Tað var KÍF, ið frá dystarbyrjan tókt­ist meiri tendraðir og eisini fingu sett fyrstu málini á talvuna. Teir dugdu væl at taka luftina úr dystinum, avtala eitt spæl við yvir­ gongd og var hetta eisini við til at lata neistaverjuna upp. Teir løgdu seg á odda við fáum málum, men Ári E. Dam í neistamálinum helt teimum inni í dystinum, og Neistin – við sínum nógvu einstaklingum – helt í og lat ikki KÍF renna avstað við nakrari stórari leiðslu. Allar yvirgongdirnar hjá KÍF sýndust eina løtu at vera í meira lagi og vóru við at fløkja um í álopspartinum, har neistaverjan hevði gott tamar­ hald á. Stutt undan hálvleikinum slapp Neistin at spæla í yvirtali, og hetta gagnnýttu teir til fulnar og vunnu seg upp á javnt 9-9. So slapp KÍF hinvegin eisini at spæla í yvirtali, drógu eitt sindur frá og sluppu til hálvleiks við einari 12-10-leiðslu. Hildu fast Í seinna hálvleiki helt KÍF fast við leiðsluni, og skiftust liðini um at skjóta mál. Neistin var í løtum tætt við at eta seg inn aftur á KÍF, men eitt nú innskifti veteranurin í málinum, Óla Kristian Djurhuus, var við til at halda Neistanum aftanfyri. Teir bláu høvdu seint í dystinum gyltar møguleikar at koma bara eitt mál frá Neistanum, men teir misnýttu góðar møguleikar og ikki fyrr enn í seinastu sekundunum gjørdu teir tað til 23-24. Tá var ov seint, og við hes­um 24-23-sigrinum leggur KÍF enn størri sjógv niður til hini liðini og stað­festir sína støðu sum eina av lið­unum í einari komandi FM- finaluni. Hart leiktur Dysturin var til tíðir sera hart leikt­ur. Eitt nú mátti Jugoslav Djumic miðskeiðis í fyrra hálvleiki av vøll­inum við skaða. Hann tók sær til vinstra arm. Eisini Heini Hanusarson meiddi seg og mátti spæla størsta partin av dystinum við ísposa klistraðum um høvdið. Fleiri aðrir smáskaðar vóru eisini, men megn­aði altjóða dómarapar før­oy­inga, Eyðun Samuelsen og Andreas F. Hansen, at halda tamar­ hald á og sekta leikararnar, tá ið neyðugt var við hesum. albinus@sosialurin.fo Neistin – KÍF 23-24 (10-13) Neistin: Heini Hanusarson (5) Finnur Hansson (5) Carl Herup Olsen (5) Áki Mørk (3) Beinir í Ólavsstovu (1) Teitur Magnusson (1) Heini Ragnarsson (1) Útvísingar: 4x2min. KÍF: Niklas Reginsson (5) Niklas Selvig (3) Hans Eli Sigurbjørnsson (3) Gert Hansen (3) Rógvi Weyhe (2) Ási Dam (2) Andrias Nielsen (2) Tony Weyhe (2) Teitur Joensen (2) Útvísingar: 4x2min. Pætur Albinus Tað var annars heldur óvæntað Kyndil, ið streyk avstað frá byrj­an og var á odda 7-3 eftir átta min­utt­ um og 10-4 tá ið fyrri hálvleikur var hálvrunnin. Verjan sá ikki ov gott út hjá VÍF og valdi venjarin, Dia Midjord, at taka time-out, og mun­ aði hetta væl eina løtu. Kyndil helt tó fast og slapp til hálvleiks við 15-11-leiðslu. Vendu dystinum Í seinna hálvleiki skuldi VÍF bara hava eina løtu, áðrenn teir vístu, hvat av liðunum er við í FM-stríð­ num og hvat av liðunum liggur nið­ ast í deildini. VÍF vann seg upp á javnt tá ið seks minuttir vóru aftir at spæla, og eftir hetta gekk tað bara skjótt ein veg. Kyndil var á odda 22-18 eina løtu, men skoraðu síðani ikki eitt mál í 10 minuttir og taptu dystin 22-25. Hesi sjey mál­ini á rað, sum Agnar Joensen og Magnus á Rógvi skiftust um at skora, gjørdu fullkomiliga av við Kyndil, sum hevur tað kølið á aft­ asta plássi, meðan VÍF nú deilir 2. plássið við Neistan. Farvæl, Ingi Olsen Dysturin í gjár var hin seinasti heima­dysturin á hesum sinni hjá veteraninum, Inga Olsen. Hann hev­ur spælt í felagnum í mong ár og verið ein av ímyndunum innan før­oyskan hondbólt. Formaðurin í VÍF nýtti undan dystinum høvi at bera Inga Olsen eina røðu, nú hann flytir til Grøn­ lands í arbeiðsørindum. VÍF – Kyndil 25-22 (11-15) VÍF: Agnar Joensen (7) Magnus á Rógvi (5) Bjarti Hansen (4) Ingi Olsen (3) Sámal Joensen (3) Jákup Andrias Joensen (2) Joen Pauli Høgnesen (1) Útvísingar: 3x2min. Kyndil: Miroslav Vladkov (5) Andrias Sólsker (6) Rani Ellingsgaard (2) Frank Askildsen (2) Høgni K. Olsen (2) Ludvík Súnason (1) Tróndur Jensen (1) Hans Arni B. Thomsen (1) Regin Petersen (1) Útvísingar: 2x2min. albinus@sosialurin.fo VÍF við í FM-stríðnum Hondbóltur Blandaðar kenslur í Vestmanna sunnudagin, har Ingi Olsen takkaði fyri seg í einum týdningar­ miklum 25-22-sigri á Kyndli, sum lyftir VÍF upp á 2. pláss og av álvara limar teir inn í FM-stríðið KÍF í stórum stíli Hondbóltur Neistin var væl við allan dystin, men KÍF helt leiðsluni allan dystin á tamb og vann oddabrakið tepurt 24-23