mánadagur 16. januar 2012síða 22

Mánadagur 16. januar 2012 · Nr. 7 22 Sosialurin Hugskot og viðmerkingar – send sms til 225000 Ítróttarblaðið Jóannes Hansen Longu tá ið toppskjúttin Finnur Justinussen skrivaði undir sáttmála við svenska felagið Jönköping Södra, varð tað greitt, at Víkingur skal hava nýggjan álopsspælara, og at tað var rættuliga sannlíkt, at talan verður um ein útlendskan spælara. Finnur Justinussen hevur roynst Víkingi sannur bombari á sama hátt, sum pápi hansara, Símun Petur Justinussen, í síni tíð var tað. Eingin upplagdur er í Sarpu­ gerði at loysa Finn Justinussen av. Tí hava teir í Víkingi leitað uttanlands, og nú eru teir komnir so mikið langt, at ein norðurírskur spælari kemur henda vegin um mánaðarskiftið. – Vit hava verið í sambandi við fleiri danskar álopsspælarar, sum hava sagt seg vera áhugaðar at koma henda vegin at royna seg, men tað er ikki spurst nakað burtur úr hesum, tí hesir spælararnir hava kost­að ov nógv. Tí hava vit seinastu vik­ur­nar havt fokus á spælarum í Írlandi og Norðurírlandi. Vit hava havt samband við tríggjar, og tann fyrsti kemur henda vegin um mán­aðar­skiftið at royndarvenja og spæla venjingardyst, sigur Jógvan Martin Olsen venjari hjá Víkingi. Um tað vísir seg, at tann fyrsti, sum kemur, verður mettur at vera nóg góður, so verður sáttmáli skriv­aður við hann. Um tað vísir seg, at hann ikki er nóg góður, so verða boð send eftir næsta manninum at royndarvenja. Royndir úr Tjekkia og Svøríki Paul Munster úr Norðurírlandi, sum 9. februar verður 30 ár, eitur mað­urin, sum um mánaðarskiftið kem­ur til Víking at royndarvenja. Hann hevur áður spælt í Tjekkia og í Svøríki. Seinastu trý árini hevur Paul Munster spælt við Linfield, sum eigur heimavøll á Windsor Park í Belfast. Paul Munster, sum er 185 cm og ættaður úr Belfast, varð illa skaddur í knænum, tá ið hann var 19 ára gamal. Tá varð roknað við, at tað ikki fór at eydnast honum at koma fyri seg aftur sum fótbóltsspælari, men hann kom seg aftur, og nú er møguleiki fyri, at Paul Munster fer at verða fremsti maður hjá Víkingi. Síðani 2008 hevur Paul Munster umboðað Linfield í 80 dystum og skorað 35 mál. Í 2004 spældi hann í London City, 2004-2005 í Slavia Prag, 2006 í Ørebro SK, 2006 í Bunkeflo IF og í 2007 í SK Hradec Kralov, har hann í ellivu dystum skoraði 10 mál. Plássið stendur tómt Tað er ikki sørt, at talan hevur verið um gjøgnumtrekk tey trý ár­ ini, sum Jógvan Martin Olsen hev­ ur verið venjari í Víkingi. Um­leið tíggju spælarar, sum hava verið á besta liðnum, eru farnir úr felag­ num. Miðvallarin Sam Jacobsen er júst farin av landinum, og Símun Hansen er fluttur í B36. Millum hinar, sum eru farnir, teljast Súni Olsen, Sverri Jacobsen, Símun Louis Jacobsen, Magnus Skoralíð og Andreas Lava Olsen. Og nú var tað so Finnur Justinussen, sum í trý ár ætl­ar at royna, hvussu langt hann kann røkka í svenskum fótbólti. – Plássið eftir Finn stendur tómt. Vit hava fleiri ungar og evna­ríkar spælarar, sum venja við besta liðnum, men í løtuni er tað eingin, sum er upplagdur til týdningar­mikla plássið sum boksspælari ella málbombari. Tí er tað, at vit leita uttanlands. Í fjør var tað neyv­an nakað annað felag, sum brúkti vongverjarnar so nógv í fram­rætt­aða partinum, sum vit gjørdu. Tað bar nógv góð innlegg við sær, og Finnur var óførur at umseta tey til mál. Tað er einum, ið hevur hesar somu dygdirnar, at vit leita eftir, sigur Jógvan Martin Olsen. Tit vilja hava útlendsku spæl­ ar­arnar henda vegin at royndar­ venja? – Vit vita akkurát, hvørjar dygdir spælarin skal hava, sum vit leita eftir. Tí vilja vit fegnir, at hann venur og spælir saman við okk­ara monnum. Harvið ber til at stað­festa, um hann passar inn í okk­ara konsept, sigur Víkinga venjarin. Víkingur leitar uttanlands Fótbóltur Samband er fingið við norðurírskan álopsspælara, sum um mánaðarskiftið kemur at royndarvenja og í venjingardysti at vísa, hvør dugur er í honum Jóannes Hansen Tað var eftir døgurða leygardagin, at yvirskriftin á Portalinum var »Norður­írskur bombari í Sarpu­ gerði«. Søgan snúði seg um Paul Munster úr Belfast, sum nú skal royndar­venja í Víkingi. Hóast flestu fótbóltshugað iva­ leyst munnu vita, hvat liggur í tí, tá ið tað í fótbóltshøpi verður tosað um ein bombara, so var tað onkur, sum í viðmerking á Portalinum gav ilt av sær, og tað mundi vera orsøkin til, at yvirskriftin leygarkvøldið var broytt til »Norðurírskur álops­ spælari í Sarpugerði«. Ein føroyingur, sum lesur í Skotlandi, skrivaði soleiðis (eitt lítið sendur broytt): »Eg vil hervið biðja um at yvirskriftin á portalinum verður broytt. Tú hevur yvirhøvur ikki hugsað teg um, tá ið tú hevur valt hana. Tú sipar til ein áleypara úr Norðurírlandi ið er »bombari«. Tú sipar her til »The Troubles« ið hava gingið fyri seg har. Eg eri búsitandi í Skotlandi og havi dagliga nógv samskifti við norðurírar, ið hava/ høvdu familju, ið vórðu dripin ella særd í »The Troubles«. Tú veist ikki hvat tú tosar um, og at brúka tað sum eina »joke« yvirskrift er HEILT offside. Eg vil spýggja!« Hesi vórðu orðini, og onkur ann­ ar nevndi okkurt, sum bar á sama borðið. Tá ið nógv verður skrivað, so verður tað ivaleyst altíð okkurt, sum kundi verið øðrvísi, og sum verð­ur fatað á ymiskan hátt. Tað valdast ikki minst um bakgrundina hjá teimum mongu, sum lesa á Portal­inum. Føroysku bombarnir Millum fótbóltsáhugað verður mang­an tosað um bombarar. Sakaris Lydersen ella Sakaris á Reyð­húsi var ein sovorðin á KÍ liðnum í fýrati og fimmti árunum. Eivin Dam hevð henda leiklutin á HB liðnum stóran part av sektti árunum, Páll Sigmund Sørensen á 66 lið­num hjá KÍ tey fyrru árini, og so­leiðis kundu vit hildið á. Felags fyri hesar og eitt nú John Eysturoy, Suna Jacobsen og Kára Nielsen hjá HB, Bergur Magnussen hjá B36, Súna Fríða Barbá hjá B68, Una Arge hjá HB og Kurt Mørkøre hjá KÍ var, at teir vóru likamliga væl fyri, at teir høvdu máltev, og at teir dyrgdu nógv í brotsteiginum og altíð vóru klárir til í knappari vend at smekka til. Heri Nolsøe hjá HB, Todi Jónsson hjá KÍ og TB spælararnir Henrik Thomsen og tvíburarnir Ásmund og Trond Nolsøe vóru í síni tíð málsóknir á sama hátt, sum eitt nú Meinhardt Dalbúð hjá ÍF eisini var tað, men felags fyri hesar var, at teir kanska luttóku meiri í spælinum uttan fyri brotsteigin, enn Símun Petur Justinussen, Finnur Justinussen og hinir oman­ fyri nevndu gjørdu. Útlendskir bombarar Typiskir bombarar ella boks­spæl­ arar í eingilskum fótbólti hava ver­ ið eitt nú Gary Lineker, sum í 80 lands­dystum fyri Ongland skoraði 48 mál, og Allan Shearer, sum í 60 lands­dystum skoraði 30 mál. At hugtakið bombari verður nýtt um ein, sum fyrst og fremst heldur til í brotsteiginum og lúrir eftir møguleikanum, stavar úr Týsklandi. Navnframi álopsspælarin hjá Bayern München, Gerd Müller, hevði kelinavnið Bomber der Nation. Tað var fyrsti venjarin hjá Gerd Müller í Bayern München, Čik Čajkovski, sum var tann fyrsti at kalla málslúkin bombarin. Venj­ arin var serbi, og tað mundi vera tí, at hann hevði so ilt við at úttala týska navnið, at hann fann upp á kelinavnið, sum Gerd Müller fram­vegis er kendur fyri, og sum so mangir aðrir stórir málskjúttar kring knøttin hava verið nevndir. Tølini siga, at Gerd Müller var heilt framúr. Í tíðarskeiðnum 1966- 1974 spældi hann 62 landsdystir, og hann skoraði 68 mál! Tað síðsta var sigursmálið til 2-1 í HM finaluni á heimavølli ímóti Hollandi í 1974. 2. heimsbardagi var gott og væl tjúgu ár burtur, tá ið venjarin gav Gerd Müller heitið bombarin. Tískil kundi tað hugsast, at hetta var rættuliga eldfimt, men soleiðis varð tað ikki fatað. Tíbetur eydnaðist tað fyri fleiri árum síðani at fáa frið í lag í Belfast og Norðurírlandi, sum annars hevur havt sínar bombarar í fótbólti. Eitt nú Norman Whiteside, sum um­ boðaði Manchester United, og sum var yngsti spælarin nakrantíð í HM endaspælinum, tá ið hann fyrstu ferð umboðaði Norðurírland sum bombari. Hetta var søgan aftan fyri yvir­ skriftina, sum eftir øllum at døma órógvaði onkran. Tað var altso ikki til syrgiligu søguna í Norðurírlandi, at tað varð sipað til, men heldur til glæsiligu málskjúttarnar kring um í Europa. Um Paul Munster fer at megna at taka arvin í Sarpugerði eftir feðg­arnar Símun Petur og Finn Justinussen, fáa vit at síggja. Tað er meiri enn so komið fyri áður, at út­lendingar hava skorað nógv mál í før­oysku kappingini: Leirvíkingar minnast Martin Nugent, klaks­ víkingar komast við Paul Clapson, Heine Fernandez gjørdi um seg í HB, og í Fuglafirði var David Jones skarprættari miðskeiðis í sjeyti árunum. Og Clayton Soares og Lukasz Cieslewicz undirstrika, at tað framvegis eru vandamiklir út­ lendskir bombarar í føroyskum fót­bólti. joannes@sosialurin.fo Bombarin var orsøk til órógv Fótbóltur Onkur hevði hug at flyta fokus yvir á politikkin, tá ið hálvt hundrað ára gamalt hugtak um góðan málskjútta varð nýtt um álopsspælara úr Belfast