mikudagur 18. januar 2012síða 23

23 Mikudagur 18. januar 2012 · Nr. 8 Sosialurin Hugskot og viðmerkingar – send sms til 225000 Ítróttur Hondbóltur: Danmark tapti í gjárkvøldið ímóti Serbia í EM- kappingini. Úrslitið var 24-22 eftir hálvleiksstøðuna 12-10 til Danmark. Dysturin var sera spennandi frá byrjan til enda, og munurin var ongantíð størri enn trý-fýra mál. Danir vóru frammanfyri, til serbar javnaðu til 17-17. Síðani fylgdust liðini, men í 49. minutti komu serbar framum við tveimum málum 21-19. Danir megnaðu kortini at javna til 22-22, men í endanum royndust serbar stinnari og vunnu at enda dystin 24-22. Danir vóru fleiri ferðir misnøgdir við avgerðirnar hjá teimum báðum fronsku dómarunum. Venjarin, Ulrik Wilbek, duldi heldur ikki fyri sína misnøgd við dómararnar. Seinasti dystur hjá dønum í innleiðandi kappingini verður hósdagin ímóti Póllandi, sum vann stórsigur á Slovakia í dag. Hondbóltur: Hýrurin í svensku EM-leguni er góður í løtuni, eftir at svenska liðið í gjárkvøldið vann tann sera týdningarmikla dystin ímóti Kekkia. Úrslitið bleiv 33-29. Svenska liðið kom betur frá byrjan, og mitt í fyrra hálvleiki vóru sviar frammanfyri við seks málum. Men kekkar komu fyri seg aftur, og í steðginum vóru sviar bara eitt mál frammanfyri, 22-21. Men nærri komu kekkar ikki. Við sigrinum er Svøríki ovast í bólki B við fýra stigum. Seinasti dystur hjá svium í innleiðandi umfarinum verður ímóti Týsklandi. Svøríki vann á Kekkia Danir taptu ímóti serbum