mikudagur 25. februar 2004síða 7

(Aftursvar til við- merking hjá Helga Abrahamsen til grein mína, "Sambands- hugsjónin? ABC?") Knút Eysturstein Eg má byrja við at siga, at tað er ikki eiti á ábyrgd, ið Helgi hevur lagt á mínar herðar! Í relativt stuttu við- merking síni biður hann meg skriva eina grein aft- urat. Eina grein, har eg persónliga skal koma við einum ítøkiligum fíggjar- ligum uppskoti til, hvussu vit loysa Føroyar frá Dan- mark, og ikki minst hvussu og hvar vit skulu skerja í vælferðartænastum! Eg fari hervið at takka Helga fyri álitið, men eg óttist samstundis fyri, at eg verði noyddur at skuffa hann! Tí eg eri hvørki sam- felagsfrøðingur ella bú- skaparfrøðingur! Eg eri bert ein ungur maður, ið gjarna vil hava álit á teim- um, ið stýra landinum! Á sama hátt sum eg havi álit á samfelagsfrøðingum, bú- skaparfrøðingum og øðrum serfrøðingum, ið virka í okkara samfelagi! Tað eru jú hesir serfrøðingar, ið gera uppskot til broytingar í okkara samfelagi, og ikki eg persónliga! Hinvegin krevji eg av okkara fólka- valdu politikarum, ið stýra landinum, at teirra ráðandi hugburður skal vera merkt- ur av áliti og áræði! IKKI ótta og óhjálpsemi! Greinin hjá mær hevði eitt heimspekiligt ástøði. Eg setti fram spurningar um álit og hugsjónir. Við- merkingin hjá Helga hevur eitt fíggjarligt (material- istiskt?) ástøði. Hann setur fram spurningar um tøl og fíggjaruppskot. Hetta hong- ur ikki saman, og hevur - í einum kjaki - lítið við hvørt annað at gera! (Meir um hetta seinni í greinini). Spurningar og aftursvar Helgi ger sær í viðmerking síni nakrar tankar um, hvør spurdi hvat, og hvør svaraði hvørjum á valfundinum í Runavík á sinni. Fyri at gera alt eitt sindur greiðari fari eg her at endurgeva mínar spurningar og svarið hjá Helga enn einaferð. Spurningarnir, ið eg setti Sambandsflokkinum og Javnaðarflokkinum, vóru tveir í tali. Tann fyrri var: "Eru tað bara materiell virði,so sum pengar, bilar, sjónvørp og luksus, ið hava nakað at siga her í lívin- um?" Tann seinni var: "Hugsar nakar av tykkum um avleið- ingarnar av tykkara boð- skapi? Tað einasta ein fær at vita er, at vit duga einki! Vit kunna einki! Vit kunnu bara klára okkum við pen- ingaligum stuðuli frá Dan- mark!". (eg endurgevi her so orðarætt sum yvirhøvur gjørligt). Svarið hjá Helga Abra- hamsen var: "Sambands- flokkurin setur vælferðina hjá føroyinginum fremst. Eitt sindur av luksus afturat er fínasta slag". Um hetta var eitt svar uppá annan ella báðar spurningarnar, skal eg ikki gera meg klókan uppá. Helgi sigur sjálvur, at svar- ið hjá honum hevði einki við mín spurning at gera, (!) og at eg havi sjálvur sett svar og spurning saman sum best ber til, og havi síðan "kóka súpan burtur- úr". Nú fari eg at útgreinað fyri tær, Helga, hvat ið var sakt á fundinum, og hvør niðurstøðan er: A) Eg spyrji: "eru tað bara materiell virði,so sum pengar, bilar, sjónvørp og luksus, ið hava nakað at siga her í lívinum? Hugsar nakar av tykkum um av- leiðingarnar av tykkara boðskapi? Tað einasta ein fær at vita er, at vit duga einki! Vit kunna einki! Vit kunnu bara klára okkum við peningaligum stuðuli frá Danmark!?" B) Helgi svarar: "Sam- bandsflokkurin setur væl- ferðina hjá føroyinginum fremst. Eitt sindur av luksus aftrat er fínasta slag". C) Aftursvarið er sera ógreitt. Tískil er niður- støðan onnur av tveimum: Niðurstøða 1: Helgi hevur misskilt spurningarnar og velur tí at koma við einum floskli ístaðin (sum ein rættur politikari) Niðurstøða 2: Helgi metir materiel virði, vælferð og luksus at vera eitt feitt og heldur at hetta er tað, ið gevur lívinum innihald. Tá ein stillar upp sum val- evni fyri politiskan flokk, og førir seg fram á valfundi, so má ein eisini takað avleiðingarnar av orðunum, ið ein ber fram! Eg vil annars leggja aftrat, at orð ið vóru borin fram á veljarafundi 15 januar í Runavík neyvan hava tann stóra framhald- andi áhugan hjá lesaranum, so kanska áttu vit at steðga her. Fullveldi vs. vælferð? Helgi sigur seg dáma partar av míni grein. Men so sigur hann eitt sum ikki passar, og tað er, at eg sigi bart út, at fullveldið hevur størri týdning enn vælferðin hjá føroyingum. Eg veit ikki hvar tú lesur tað, men tað stendur ikki skrivað í míni grein. (Síggja tit, Helgi dugir eisini at kóka súp- an!). Helgi skrivar soleiðis í síni viðmerking: "Mær dámar altíð væl, tá loysing- arfólk opið og erliga viður- kenna, at føroyingar kunnu ikki bæði hava vælferð og fullveldi, og tí mugu velja annað av hesum". Hvør sigur, at vælferð og full- veldi eru tveir mótpólar, ið ikki kunnu samantvinnast? Hvør sigur, at vit mugu ofra annað fyri at fáa hitt? Eg vildi mett, at fyri ein stóran part av føroyska fólkinum er fullveldið tað sama sum vælferð! Tað, at vit sjálvi ráða í egnum landi og taka ábyrgd av egnum avgerð- um, er fyri mong tann sanna vælferðin! Persónliga haldi eg, at hugtakið "vælferð" kann merkja so ómetaliga nógv! Vælferð er nakað, sum einstaklingurin tulkar fyri seg sjálvan. Vit raðfesta og virðismeta øll ymiskt her í lívinum. At Helgi Abra- hamsen og Sambandsflokk- urin royna at tulka fyri okkum og fortelja okkum, hvat vælferð er, er bara syrgiligt! (eg veit væl, at "vælferð" og "vælferðar- samfelag" eru sosialdemo- kratisk slagorð í politiskum høpi, men hetta undirstrikar bert hvussu nógv ein kann slíta og misnýta orð!). Hugsið tykkum um! Eg fari at biðja Helga Abra- hamsen og Sambandsflokk- in um at hugsa seg betri um, næstu ferð hann ella onkur annar setur fram krøv í bløðunum. Næstu ferð tit biðja um fíggjarlig uppskot, vendið tykkum so til røttu serfrøðingarnar í fíggjarviðurskiftum, og ikki til ein ungan mann, ið bert hevur eitt málsligt studentsprógv at vísa á (og áðrenn tit koma við einum "jamen hvat veitst tú so um hesi viðurskifti?" argu- menti, skulu tit minnast til, at um fíggjarserfrøðingar eru teir einastu, ið kunnu kjakast um frælsi, vælferð og hugsjónir, so kann eing- in av okkum siga nakað sum helst!). Eg eri annars vísur í, at okkara ser- frøðingar í fíggjarmálum kunnu geva tykkum góð ráð og hjálp til bæði eitt og annað, skattalættar írokn- að! Vilja vit? Annars viðvíkjandi frælsin- um, vælferðini og hugsjón- unum, so dugi eg í grundini ikki at síggja, hvar trupul- leikin er. Hví ræðast vit so ómetaliga illa tankan um at skula ráða í egnum landi? Hví er tað so ræðandi at hava álit á sær sjálvum og hvørjum øðrum? Hví er tað so ræðandi, um vit sum einstaklingar og sum tjóð seta okkum eitt mál? Hví er tað so ræðandi, um hetta málið inniber, at vit ein dag fara at gjalda sjálvi? At vit ein dag fara at hava ábyrgd av okkara landi? At vit ein dag fara at hava evsta vald í Føroyum? Alt, sum vit menniskju byggja, skapa og menna, byrjar við viljanum. Uttan vilja koma vit ongan veg. Vit mugu hava vilja til vælferð, vilja til frælsi, vilja til fullveldi, vilja til ábyrgd, vilja til broyting, vilja til sjálvi at kunna velja. Vilja vit? VIÐMERKINGAR Vælferð vs. Frælsi? Tung vóru boðini at fáa um at okkara kæra sysktk- inabarn, Emil, ikki var ímillum okkum longur. Emil hevði fylt 29 ár tann 20. desember og skuldi halda føðingardagin saman við familju og vinum, men hvør skuldi trúð, at tann dagurin skuldi haldast heima hjá Jesu pápa. Tað er svárt hjá okkum, at hann ikki er millum okkum longur. Við tárum í eygunum og alíkavæl kunnu vit smílast, tí vit minnast Emil, sum hann var. Altíð í góðum lag og spjaddi gleði har sum hann var. Hann vil altíð í okkara hjørtum verða goymdur og ongantíð gloymdur, tí vit eiga nógv góð minnir eftir hann. At Emil átti nógvar góðar vinir, sóu vit sum tollaksmessudag fylgdu honum til hansara seinasta hvíldarstað. Jólini komu eisini hesaferð, hóast tey vóru øðrvísi enn vanligt og sjálvt um vit bert høvdu hug at sita í sorg okkara, so gongur lívið víðari, og sum vit vita, so lekur tíðin sár. Vit vilja enda við orðunum, sum høvdu so nógv at týða fyri Emil, og vilja hervið lýsa frið yvir minnið um Emil Fróða Olsen, Toftir. Í friði eg vil bæði leggjast og sovna tí tú Harri meg letur búgva í trygdum einingi Sálmur 4,9 Góða Turið mostir, Óli, Annika og Jerry, Herit og Sigmund v/ fam. og Inga Maria, má Harrin styrkja tykkum í stóru sorg tykkara. Heilsan Systkinabørnini Minningarorð um Emil Fróða Olsen 20. desember 1974 19. desember 2003 12 Nr. 38 - 25. februar 2004 Nr. 38 - 25. februar 2004 13 Minningarorð um mín góða vinmann Høgna á Borg Eg var staddur heima tann 2. desember 2002, vit bæði Hjørdis sótu og hugnaðu okkum í stovuni eftir at hava lagt børnini, tá telefonin ringdi - tað var Heini í hinum endanum, eg skal so siga "halló Heini hvat sigur tú fyri gott". Áðrenn eg fái sagt setningin liðnan, letur úr Heina, "nú er Høgni farin",eg flúgvi upp úr sofuni, tí hetta klári eg ikki at taka sitandi - meðan tankarnir og minnir alt ísenn mala í høvdunum, og eg skilji púrt einki av hesum, tí Høgni kann ikki verða farin for dekan!!! Hyggi síðan at Hjørdis, ið hevur varnast álvaran í hesi samrøðu og situr og hálvgrætur. Alt hetta kvøldið og náttina við komu minnir fram í huga mínum - eitt fyri og annað eftir, líka frá tí fyrsta degi tá tú kom í okkara skúlaflokk og til tað síðsta kvøldið, stutt áðrenn tú andaðist. Tá vit høvdu vitjan av tær, har vit sótu langt út á náttina og tosaðu um nýggjar og gamlar dagar. Eg minnist fyrstu samrøðuna vit høvdu, tað varð tann morgunin tú sum 12-13 ára gamal byrjaði í okkara flokki, og eg skuldi verða eitt sindur blíður fór so yvir at tosa við henda nýggja floksfelaga og spurdi "skalt tú byrja í okkara flokki?, og tú svaraði við tíni "spydiheit", nei eg skal byrja í tykkara flokki, og tað legði støðið, har vit dámdu væl at arga og arbeiða uppá hvønn annan, ið til tíðir fór út um mark. Eftir loknan fólkaskúla í 1987, ið hvørgin av okkum orkaðu fyri, starvaðust vit saman hjá Danberg, har vit vóru við til at umvæla SMS, tað varð ein góð tíð. Í 1988 fór tú í læra á Tórshavnar skipasmiðu, og eg byrjaði í starvi á Strandfaraskipum Landsins, vit høvdu tó dagligt samband og fylgdust nógv fram til 1992. Um hetta mundið fórt tú niður til Danmarkar á skúla og nakað eftir at arbeiða, og tískil sóust vit ikki so ofta sum áður, tó so tú kom forbí av og á, tá tú var í nánd. Men ikki kan sigast tað sama um meg, eg var alt ov sjáldan forbí hjá tær tíðarskeiðið frá 1992 til 1998, og tað lætst tú meg altíð fáa at vita, men tað fekk eg bøtt upp á, tey síðstu árini tú var á lívi. Tað sum eg minnist einamest er ein hending fyri stuttari tíð síðan, tá eg spurdi teg um tú vildi standa faddur til dóttur mína, og tú ovfarin og týðuliga rørdur spurdi um eg meinti tað. Høgni var sera skemtingarsamur, spoyskur og ein lívsnjótari sum fáur, og eg eri sera glaður fyri, at eg kom at kenna hann. Hvíl í friði. Bogi í Gil (Abrahamsen) NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Dagurin 26. februar. Ingigerð. Kanska navn á franskari prinsessu, Ingardis, ið vit annars einki vita um. Navnið hevur fingið norrønan form, ið merkir tann av guðinum Ing varda. Janus Djurhuus føddur hendan dagin í 1881. Dávur Juul Magnus- sen, 18 ára gamal og úr Havn, hevur lokið LRSM prógv í trom- bon við framúr úr- sliti. Heitið LRSM stendur fyri Licen- tiate of the Royal Schools of Music og er ein yrkisførleiki, sum vanliga verður rokkin eftir trý ára lesnað á einum bretskum tónlista- háskúla Sum viðurkenning fyri hansara góðu evni og hans- ara arbeiðsinnsats hevur Tórshavnar Musikkskúli valt at lata Dáva fáa ein peningastyrk upp á 4.400 krónur fyri útreiðslurnar í sambandi við LRSM próv- tøkuna. Dávur er fyrsti næmingur úr Føroyum, sum hevur roynt eina so høga yrkis- førleika útbúgving, meðan hann gongur í skúla (viðm. hann er studentaskúla- næmingur). Hann er nú skikkaður at undirvísa á einum og hvørjum musikk- skúla, um hann ynskir tað. Dávur hevur spælt trom- bon í minni enn seks ár, nú hann lýkur hetta prógvið, og tað ger úrslitið so mikið meira merkisvert. Henda próvtøka var eitt náttúrligt framhald fyri Dáva, eftir at hann sum fyrsti føroyski næmingur vann gullheið- ursmerki í Berlingske Tid- endes Klassiske Musik- konkurrence í 2002. Dávur hevur ein dreym um at gerast yrkis trom- bonspælari, og hansara næsta stig verður at gera av, hvar hann skal taka hesa útbúgving, sum hann ætlar at fara undir í september 2005. Ongland, USA og Danmark verða roknað sum møgulig lestrarstøð. Dávur er sonur Randi Juul Magnussen og Magn- us Paula Magnussen í Hoyvík. Dávur Juul Magnussen: Lokið LRSM prógv í trombon Kunngjørt verður fyri ætt, vinum og kenningum at okkara elskaða dóttir, móðir, omma, vermamma, systir, svigarinna, mostir og ommusystir Marjun Tórhalla Rmeih fødd Weihe ættað úr Tórshavn, andaðist á Hvidovre Sjúkrahúsi 22. februar, 61 ára gomul. Jarðarferðin verður úr Nordre Kapel,Vestre Kirkegård 26. februar kl. 13.00. Vegna tey avvarðandi Eli og børnini v/ familju Tøkk Vit vilja við hesum veita øllum tykkum eina stóra tøkk, sum mintust til okkum, tá okkara elskaða kona, mamma, vermama og omma Randi Heinesen andaðist og varð jarðað. Ein serlig tøkk til tykkum allar á B7, fyri tykkara stóru umsorgan og til Martin og Berg prest, fyri troystarrík orð. Takk til tykkum á Ellisheiminum, bygdarhúsið og bygdarfólkið í Tjørnuvík fyri tykkara stóru hjálp. Ein tøkk til tann stóra mannaskara, bæði í kapellinum og Tjørnuvíkar kirkju og øll tykkum, sum við blómum, kransum og gávum til Krabbameinsfelagið mintust hana. Guð signi tykkum øll Hans Esbern Tøkk Eg takki tykkum øllum, bæði innan- og uttanlands, sum mintust til mín á 80 ára føðingardegnum. Vinarligar heilsanir Símun P. Poulsen Leiðarin í Musikkskúlanum, Bo Isholm, handar her Dáva Juul Magnussen prógvið Mynd: Magnus Gunnarsson C M Y K 13 12