fríggjadagur 20. januar 2012síða 36

nr. 6 · 13. januar 2012 4 VIKUSKIFTI Liv gott og bíliga í januar lagt til rættis: Inna Törnroos Januar er tann mánaðin í árinum, har tað er torførast at fáa endarnar at røkka. Jólaresið kostar nógvar pengar, og so er ikki so nógv eftir at brúka í januar. Men við eitt sindur av snildi ber tað til at gera januar til ein festligan mánað hóast alt Tú leingist eftir onkrum nýggjum. Tað er veitsla um vikuskiftið og alt, sum hongur í klædnaskápinum er gamalt og alt ov ofta brúkt. Tips 1: Spæl at tú er stylistur. Tak einar 10 blusir/troyggir og einar 10 buksir/ kjólar úr skápinum. Legg alt á gólvið saman við turrikløðum, hálsketum og skógvum. Royn ymiskar kombinatiónir og blív ikki bilsin, um blusin frá summarinum 2005 og kjólin frá jólinum 2010 rigga væl saman, og tú hevur eitt nýtt »outfit«. Tips 2: Ger eitt »skift-um-klæði-party«. Savna einar 10 vinkonur (í ymiskum støddum) saman og bið tær allar taka klæði við, sum tær kunnu hugsa sær at sleppa av við. Legg klæðini á sofur, sengur og borð. Skriva síðani tøl á pappírslepar, so at hon, ið fær nummar eitt, velur fyrst, nummar tvey velur næst og so víðari. Tú finnur heilt víst okkurt nýtt, og vinkonurnar dáma óivað okkurt hjá tær eisini. Tips 3: Keyp og sel brúkt klæði. Torg.fo og Rótikassin á Facebook eru fín til bæði at gera kvetti sjálv og til at selja slíkt, tú ikki brúkar. Ein góður háttur at fáa pengarnar at røkka í januar. Nýtist tær veruliga eina fasta telefon? Í flestum førum er tað bara gamal vani, at vit blíva við at hava tí føstu telefonina. Kanna ístaðin møguleikarnar fyri Skype- telefon og spar nógvar hundrað krónur. Tað er myrkt og illfýsið úti – nú er tíðin at kannað, hvussu tú er tryggjað. Er tað kanska so hjá tær, sum hjá so nógvum øðrum, at tú betalur meira enn neyðugt í trygging ella er dupulttryggjað á onkrum øki? Klæði Telefon Tryggingar Sigarettir og sprutt Legg av og royk! Tað kann ikki sigast ov ofta. Við at leggja av at roykja hava tú og familjan ráð at ferðast uttanlands fyri sama kostnað sum tínar sigarettir. Um tú vil tapa teg eftir jólini, er ein »hvítur mánaði« í januar eitt gott hugskot.