mánadagur 23. januar 2012síða 18

Mánadagur 23. januar 2012 · Nr. 10 18 Sosialurin Hugskot og viðmerkingar – send sms til 225000 Ítróttarblaðið Premier league Arsenal brúkt flest leikarar Tá Arsene Wenger skifti Nicolas Yennaris inn í dystinum móti Manchester United var tað leikari nummar 37, sum umboðar Arsenal í hesum kappingarárinum. Tað eru fleiri enn nakað annað lið hevur brúkt. (Opta) Liverpool uttan Luis Suarez Liverpool hevur bara skotið fýra mál og fingið fýra stig í fýra Premier League dystum síðani leikbannið hjá Luis Suarez tók við. (Opta) Tróndur Arge – Etihad Stadium og Reebok Stadium Fótbóltur er ein eirindaleys ítróttar­ grein. Ein brotpart av einum sek­ undi ov seinur og tú rakar ikki bóltin. Mótstøðuliðið fer í álop og vinnur dystin. Javnvágin koppar frá at títt lið kann gerast meistari til mót­støðuliðið. Tað var støðan hjá Tottenham sunnudagin, tá teir vitj­aðu í Manchester. Heimaliðið kom á odda 2-0 tíðliga í seinna hálvleiki við málum frá Samir Nasri og Joleon Lescott, men Tottenham svaraði aftur og javnaði stutt eftir við málum frá Jermain Defoe og Gareth Bale. Í evstu løtu hevði Tottenham ein risa møguleika at vinna dystin, men brendi. Minuttin seinni bríksl­aði dómarin fyri brotssparki til Man­ chester City, sum Mario Balotelli umsetti til mál. Millimetrar á muni Tað er púra kvirt á Etihad leik­ vøll­inum meðan Gareth Bale fer tví­spor­andi frameftir vøllinum. Veik­asta liðið á Manchester City lið­num, miðverjin Stefan Savic, hev­ur enn eina ferð ikki megna at rudda vekk, og Tottenham er nærri sigrinum enn nakrantíð. Tíðin er farin um teir 90 minuttirnar tá Gareth Bale leggur bóltin tvørtur um til Jermain Defoe. Øll halda ondini meðan bólt­ urin rullar framvið Joe Hart í Man­ chester City málinum. Myndirnar av Jermain Defoe meðan hann tveit­ur seg fram og roynur at prika bóltin inn fara nokk at sita fastar í minninum á flestu Tottenham við­ haldsfólkunum í longri tíð. Hann fær akkurát stórtá á bóltin, sum trill­ar skeivu megin stongina. Eina løtu er meginparturin av áskoðarunum ikki heilt vísur í hvat er hent. Tottenham viðhaldsfólk hava hug at fegnast, men við eitt kem­ur eitt brøl frá Manchester City viðahldsfólkunum, sum sita heilt tætt við málið. Tá gongur tað upp fyri Harry Redknapp og Tottenham leik­arunum, at helst størsti møgu­ leikin at av álvara at blanda seg upp í stíðið um meistaraheitið er brendur. Manchester City viðhaldsfólkini í hinum endanum á leikvøllinum fegnast ikki, men tað tykist heldur sum ein lætti, at Tottenham ikki fór við øllum. Hjartað kann aftur byrja at banka. »Eg fari nú« Við síðuna av situr ein ungur íðin Manchester City fjeppari. Hann er sum enskir fótbóltsfjepparar flestir. Mælskur og ikki bangin fyri at brúka málburð, sum fær »Moldvarp Før­oya« at síggja út sum ein barna­ sending. – Hvussu heita hula helviti kann hatta verða fríspark, brølar hann, tá ein Tottenham leikari verður skump­aður um koll. Tað er einki at ivast í at talan er um fríspark og tað viðgongur ungi maðurin í Man­ chester City troyggjuni eisini. – Ja eg veit væl at hatta var frí­ spark, sigur hann við einum smíli til fólkini rundan um, sum hyggja eitt sindur bilsin upp á hann. Eg royni bara at stuðla liðnum, sigur hann víðari. Ungi maðurin hevur bil við og skal til døgura hjá foreldrinum eftir dystin fortelur hann, tá smáir fimm minuttir eru eftir av dystinum. – Eg haldi eg fari nú annars nái eg aldrin til døgura, sigur hann og hyggur eftir klokkuni. Hann veit væl, at dysturin ikki er avgjørdur, men tankin um at sita fastur í trafikk­inum er minni hugaligur. – Her koma ikki fleiri mál. Eg fari avstað, eru seinastu orðini hjá ídna viðhaldsmanninum. Hvar hann fekk tíðindini um at Manchester City vann dystin í evstu løtu, ella um døgurin hjá for­ eldr­inum varð góður, sigur søgan einki um. Vit kunnu bara vóna tað besta fyri mannin, sum also valdi familjuna fram um fótbóltin! Balotelli í brennideplinum Oddabrakið á Etihad leikvøllinum skuldi endaliga prógva, at Totten­ ham hevur tað, ið skal til fyri at vinna Premier League. Sosialurin hevur fyrr víst á, at hetta helst er seinasti møguleikin hjá hesum Totten­ham liðnum at gera seg gald­andi í oddinum fyribils, tí tað verður ringt at halda fast í Harry Redknapp, Luka Modric, Gareth Bale og Emmanuel Adebayor. Hóast Tottenham tapti dystin, so prógvaðu teir, at teir framvegis skulu takast í álvara. Manchester City var marginalt omaná í spæl­ inum, men serliga tvær støður kopp­aðu til fyrimuns fyri heima­ liðið. Fyrst sendi Joleon Lescott al­bogan í høvdið á Tottenham verju­leik­arunum, Younes Kaboul. Dómarin sá ikki støðuna, men við­ merkj­arar sum eitt nú Alan Hansen á BBC metti at talan var um bein­ leiðis reytt kort. Hin støðan er tá Mario Balotelli at síggja til dettur um Tottenham miðvallarin, Scott Parker. Tá hann dettur tykist hann at senda høgra beini beint í høvdið á Scott Parker. Fótbóltur er eirindaleysur Fótbóltur Jermain Defoe var bara millimetrar frá at tryggja Tottenham ein týdningarmiklan sigur á Manchester City, men tað endaði við at Mario Balotelli fór við yvirskriftini og sigrinum. Sosialurin var eisini á Reebook, har Liverpool fekk av at vita frá bæði Bolton og Kenny Dalglish