mánadagur 23. januar 2012síða 21

21 Mánadagur 23. januar 2012 · Nr. 10 Sosialurin Hugskot og viðmerkingar – send sms til 225000 Ítróttarblaðið EM-hondbóltur Árni Joensen Teir fyrstu dystirnir í millum­ um­farinum í EM-kappingini hjá monnum í bólki 1 vóru ikki fyri fólk, sum ikki tola spenning, tí í øllum trimum dystunum noyddu spælararnir fólk til at sita sum á nálum líka til allarseinasta sek­ und. Tað byrjaði við dystinum mill­ um Svøríki og Pólland, men fyrri hálvleikur var avgjørt ikki spenn­ andi. Tvørturímóti gjørdu sviar, sum teir vildu, og tá hallarklokkan boðaði frá hálvleiki, var støðan 20-9 til sviar, og dysturin tóktist avgjørdur. Póllendingar søgdu einki um, hvat venjarin hevði sagt við teir í steðginum, men polska liðið var sum eitt annað lið í seinna hálv­ leiki. Samstundis gjørdu teir av at mansverja Kim Andersson, og tá hann ikki var at stýra svenska spæl­inum, fór alt hjá svium í upploysn. Úrslitið varð, at Pólland vann seinna hálvleik líka greitt, sum sviar vunnu tann fyrra, og so endaði dysturin við, at liðini fingu 29 mál í part. »Svineheldige« Næstu lið á vøllin vóru Danmark og Makedonia, og hjá dønum var bara eitt mál, og tað var at vinna. Men tað var Makedonia, sum byrjaði best, og í hálvleikinum vóru teir á odda 19-16. Í hesum dystinum høvdu danir fyri fyrstu ferð Kolding-spælaran Bo Spellerberg á vøllinum, og tað bleiv avgerandi fyri úrslitið. Hann spældi sera væl, serliga í seinna hálvleiki, og tað var týðiligt, at hansara spæli­ háttur kom stórskjúttanum Mikkel Hansen væl við. Sum frá leið, togaðu danir seg inn á makedonar, og tá ein minuttur var eftir, var javnt 32-32. Makedonar fóru í álop, men Niklas Landin bjarg­aði, og so endaði bólturin hjá Hans Ottar Lindberg, sum skoraði sigurs­málið í síðsta sekundi. Aftan á dystin ásannaði danski venjarin, Ulrik Wilbek, at danir høvdu verið »svineheldige« at vinna. Sami spenningur Aftan á teir báðar fyrstu dystirnar var spurningurin so, at Serbia og Týskland kundu geva áskoðarunum sama spenning sum hini liðini í bólkinum. Og tað kundu tey. Serbar fingu sum væntað ta betru byrjanina, og tá teir beint fyri hálvleik komu upp 12-7, var lítið, sum bendi á, at hesin dysturin skuldi blíva so spennandi sum hinir. Men hóast serbar eitt skifti vóru á odda 16-10, góvust týskararnir ikki, og løtu seinni stóð á jøvnum 18-18. Í síðsta minutti var Serbia framman­fyri 21-20, men í teimum seinastu sekundunum tóku týsk­ arar málverjan út og settu ein eyka úti­spælara inn. Tað loysti seg, tí júst hann skjeyt málið, sum gav javn­leik. Tað skal sigast, at týski málverjin, Silvio Heinevetter, spældi ein sera góðan dyst ímóti Serbia. Støðan í bólki 1 eftir tríggjar teir fyrstu dystirnar er hendan: 1. Týskland 5 stig og málm. 74-68 2. Serbia 5 stig og málm. 67-61 3. Pólland 3 stig og málm. 74-77 4. Danmark 2 stig og málm. 81-83 5. Svøríki 2 stig og málm. 79-84 6. Makedonia 1 stig og málm. 81-83 Ikki fyri veikar sálir Hondbóltur Eitt er, at ein hondbóltsdystur kann vera spennandi til síðstu løtu, men at tríggir dystir á rað í sama bólki í EM-millumfarinum skulu fáa avgerð í seinastu sekundunum, er næstan ov mikið Tá póllendingar fóru at mansverja svenska stjørnuspælaran Kim Andersson, datt tað svenska spælið sundur Mynd: Ekstrablaðið Kiril Lazarov og Mikkel Hansen skutu ávikavist 13 og 12 mál í dystinum millum Makedonia og Danmark Mynd: Ekstrablaðið Týski málverjin Silvio Heinevetter spældi ein sera góðan dyst ímóti serbum mog átti avgjørt ein stóran part av heiðurinum av, at Týskland fekk javnleik Mynd: Ekstrablaðið