mikudagur 25. januar 2012síða 3

3 Mikudagur 25. januar 2012 · Nr. 11 Sosialurin Hugskot og viðmerkingar – send sms til 225000 Kongabrúgvin | Postsmoga 329 | FO-110 Tórshavn | www.trygging.fo Í februar mánaði ár 2012 skulu 12 limir veljast til Umboðsráðið fyri Ognarfelag Tryggingartakaranna. Allir tryggingartakarar í Tryggingarfelagnum Føroyum P/F eru limir í felagnum. Limir, ið ynskja at verða uppstillaðir til val sum umboðsfólk, skulu boða frá hesum skrivliga til høvuðsskrivstovuna í Tórshavn innan 1. februar 2012. Fráboðanin skal vera undirskrivað av í minsta lagi 25 stillarum, sum eru limir í felagnum. Ein limur kann bert vera stillari hjá einum valevni, og tað kann bert vera eitt valevni á hvørjum lista. Eingin kann virka sum umboðsfólk, um tey eru sett í starv í ella arbeiða fyri virki, sum er kappingarneyti hjá felagnum og tess dótturfeløgum. Núverandi og fyrrverandi stjórar, innandura og uttandura starvsfólk í felagnum og dótturfeløgum og teirra hjúnafelagar ella sambúgvar, kunnu ikki veljast sum umboðsfólk. Tó kunnu fyrrverandi innandura og uttandura starvsfólk, tá ið 7 ár eru liðin, síðani hesi fóru úr starvi, veljast til umboðsfólk. Limirnir velja umboðsfólk at umboða atkvøðurættin hjá limunum á aðalfundi. Til Umboðsráðið verða 35 fólk vald av og millum limirnar í felagnum. Val er annaðhvørt ár - líka árstal. Sambært viðtøkubroytingunum frá aðalfundinum 4. januar 2012 verða 12 nýggj umboðsráðsfólk vald fyri eitt tíðarskeið uppá 4 ár, tó soleiðis, at tey 6 við fægst atkvøðum á valinum 2012 standa fyri vali í 2014 saman við teimum 11, sum vald vórðu í 2008. Um tú hevur spurningar til valið, ert tú vælkomin at seta teg í samband við Stjórnar skrivstovu okkara, antin umvegis teldupost til umbodsradsval@trygging.fo ella við at ringja til tlf. 345 600. Í februar mánaði verður kunngjørt í bløðunum og á heimasíðu okkara, nær valið verður, og hvussu valið fer fram. Viðtøkurnar fyri felagið lýsa nærri, hvør er valbærur, hvussu val fer fram og virki felagsins annars. Viðtøkurnar eru at fáa á høvuðsskrivstovuni á Kongabrúnni og á trygging.fo. Ognarfelag Tryggingartakaranna er eitt felag, hvørs endamál millum annað er, beinleiðis ella gjøgnum annað felag, at eiga partapening í Tryggingar- felagnum Føroyum P/F og øðrum feløgum og annað íløguvirksemi. Val aV limum til umboðsráðið fyri ognarfelag tryggingartakaranna stilla upp til umboðsráðið