mánadagur 30. januar 2012síða 17

17 Mánadagur 30. januar 2012 · Nr. 13 Sosialurin Hugskot og viðmerkingar – send sms til 225000 Ítróttarblaðið Pætur Albinus Talan var um eitt botnbrak ímillum StÍF og Team Klaksvík, sum undan dystinum lógu ávikavist á trið- og næstaftasta plássi. Við einum sigri kundi Team Klaksvík yvirhála StÍF uppá málmun, og tað skuldi vísa seg, at teir megnaðu tað – og so skrivaðu teir eisini søgu við at vinna fyrsta útisigur í Atlantic Airways-kappingini nakrantíð. Jojic á odda Team Klaksvík tóktist væl meiri tendraðir frá byrjan og hildu teir sera tætt í verjuni, har teir bara lótu tvey mál ígjøgnum fyrsta korterið og vóru á odda 9-2 hesa løtuna. Tað gjørdi brekkuna sera bratta hjá StÍF, sum tó stríddi seg nakað inn aftur í dystin og slapp til hálvleiks aftanfyri við fýra málum. Í seinna hálvleiki var gongdin at kalla hin sama og leiðslan helt sær. Eina løtu var StÍF tó bara aftanfyri við tveimum málum, men so var ikki meiri at tríva í, Team Klaksvík dróg frá aftur og vann dystin 30-26. Filip Jojic spældi ein sera góðan dyst fyri klaksvíkingar og skeyt heili 11 mál. Fyrsti útisigurin hjá Team Klaksvík Hondbóltur Team Klaksvík vann sunnudagin sín fyrsta sigur á útivølli í bestu deildini nakrantíð, tá ið teir megnaðu at vinna 30-26 ímóti StÍF á Skála Pætur Albinus Hetta var fyrsti dystur hjá Neista­ kvinnum uttan Birgir Hansen sum venjara. Hann segði seg í síðstu viku úr starvinum, og til henda dystin var tað hjálparvenjarin, Sigrun Mikkelsen, sum tók sær av at stýra lið­num. Kyndil hekk í Neistin kom væl betur frá byrjan og legði seg á odda 4-1 áðrenn fimm minuttir vóru farnir. Tær úr Kyndli fullu tó als ikki í fátt og mink­aðu niður í 5-4. Álopsspælið hjá Neistanum steðgaði meiri og meiri upp sum hálvleikurin leið, og við góðum mótálopum helt Kyndil seg inni í dystinum allatíðina, og í síðsta skotinum í fyrra hálvleiki javnaði Guðrið G. Eystberg á fyrsta sinni fyri Kyndil, soleiðis at tað stóð á jøvnum 15-15 í hálvleikinum. Ikki uttan stríð Hóast Kyndil fekk fyrsta máli í seinna hálvleiki og hesa løtuna á fyrsta sinni var á odda í dystinum, so spældu kvinnurnar hjá Neistanum seg væl upp, og serliga um­vegis góðar innspælingar til strik­una, legði Neistin seg á odda 20-16. Enn einaferð stríddi Kyndil seg tó inn aftur í dystin og lá leingi og lúrdi aftanfyri við bara tveimum mál­um. Hjá Kyndli vóru tað serliga mót­álopini, har ofta ein kvik Turið Arge streyk avstað og setti týdningarmikil mál á talvuna. Neistin stóð seg tó sterkari og helt hesi tepru leiðsluni til dystar­ enda, og vunnu tær dystin 29-27. Neistin heldur fjarstøðuna Hóast nógv skal til, áðrenn Neistin snávar og missir oddasessin, so halda tær stimanum og bara vinna og vinna. Tær eru framvegis seks stig frammanfyri Stjørnuna, meðan Kyndil við ósigri teirra sunnudagin framvegis liggur á fimta plássi. Ein sigur hevði lyft tær upp um VÍF á fjórða plássið, men so varð ikki. Neistin – Kyndil 29-27 (15-15) Neistin: Barbara Brauer (7) Birita Wardum (6) Annika Thomsen (5) Jacklin Durhuus (4) Nicoleta R. Hansen (3) Bára Hansen (3) Elin Holm (1) Útvísingar: 1xmin. Kyndil: Jórun S. Ludvig (7) Turið Arge (6) Ásleyg Súnadóttir (3) Randi S. Wardum (3) Anja Heinadóttir (3) Guðrið G. Eystberg (2) Súsanna Petersen (2) Birita Mortansdóttir (1) Útvísingar: 2x2min. albinus@sosialurin.fo Pætur Albinus Liðini fylgdust væl allan fyrra hálvleik og var støðan 9-9 tá ið bara ein minuttur var eftir til hálvleiks. Tá tók Stjørnan sær um reiggj og skeyt tvey skjót mál, soleiðis at tær sluppu til hálvleiks á odda 11-9. Í seinna hálvleiki hildu tær fram viðat økja, og tá ið bara seks minuttir vóru gingnir, høvdu tær skorað fimm mál utt­an aftursvar og vóru tá á odda 16-9. Hetta gjørdi í grund­ ini av við VÍF, sum ongantíð megnaði at hótta Stjørnuna, og vann Stjørnan dystin 27-22. Corina Demeterca, sum annars hevur verið nakað óstøðug í ár, spældi sera væl og gjørdist toppskjútti við átta málum. VB hongur í Eftir eitt strálandi kappingar­ ár hevur tað rillað eitt sindur hjá VB seinastu vik­ur­nar. Fyrst vórðu tær út­slignar í hálv­ finaluni í steypa­kapp­ingini, fyri síðan at verða avhølvaðar av Neistanum í landskappingini og lutvíst verða settar av. Tær høvdu eitt gylt høvi at venda gongdini hetta vikuskiftið, tá ið tær møttu StÍF á Skála, og tóku vágskvinnur eisini av møguleikanum og vunnu stórt 29-19. Hetta merkir, at tær fram­ vegis leggja nakað av trýsti á Stjørnuna. Tær eru nú fýra stig aftanfyri, men hava ein dyst til góðar. Í næsta dysti møtir VB botnliðnum Tjaldur, með­an Stjørnan skal á vitjan hjá oddaliðnum Neistanum, so ikki kann sigast annað, enn at kapp­ingin framvegis er opin. Stjørnan – VÍF 27-22 (11-9) Stjørnan: Corina Demeterca (8) Simona Petersen (7) Judit Hansen (3) Una Olsen (3) Bára S. Klakstein (2) Annika Ljósstein (2) Lovisa Lassen (2) Útvísingar: 2x2min. VÍF: Liljan Djurhuus (8) Torgunn Johansen (6) Agnas Olsen (5) Tóra Seloy (3) Útvísingar: 3x2min. albinus@sosialurin.fo Stjørnan og VB vunnu Hondbóltur Kappingin um seinna finaluplássið hjá kvinnunum stendur við, eftir at bæði Stjørnan og VB vunnu dystir sínar hetta vikuskiftið Neistin dugdi uttan Birgir Hondbóltur Oddaliðið Neistin hevði sunnudagin vitjan av grannakvinnunum úr Kyndli. Favorittarnir úr Neistanum vunnu dystin, men tær vórðu trýstar og vunnu tepurt 29-27 eftir hálvleiksstøðuna 15-15 Mynd: Álvur Haraldsen