fríggjadagur 3. februar 2012síða 13

13 Fríggjadagur 3. februar 2012 · Nr. 15 Sosialurin Hugskot og viðmerkingar – send sms til 225000 Uppi undir Kambsenni, við Trælavatnaskarð, undir Tyrlunum báðum, situr tú, elskuliga kvinna , í víðum dali við tínum smáu táum. Kyldin lýðir tær lívgandi orð í oyrað – fimtiára sprellivandi orð frá farnum døgum í fjølbroyttum løgum. Knáv ert tú, Leila, millum hesar natúrgyrdu sprotar - í gráum grýti og gróti, undir okkurgulum torvum, meðan tað lotar, millum vaggandi strá og blómur, Í birtingum í tíni hugaverð. Tá er hvør tín afturundirgerð til gagns fyri tey, ið líða i svárum verkum og sálarkvølum - tín tign og aðalborna hugsan í vøkrum, blómuskrýddum dølum. Elskuliga, Leila og yndisblóma, í fimmti ára tóna! Takk fyri títt dirvi, í tíni søk um bót og bata fyri teimum, ið pínast til likams og sálar, um bygdaløg, tún, teigar og válar. - Vælsignað veri hondin! Í líðandi tónum við góðum vónum um sælar løtur heima við hús - saman við manni, foreldrum, systkjum, familju, vinum og kenningum - og um alra hugans gøtur. Hjartaliga til lukku Frits Hjartaliga til lukku við deg­ num, Leila. Takk fyri tín vilja av stáli, títt áræði og fyri, at tú ert tann, tú ert. Altíð góð í ráðum, vitug og líka til. Sum forkvinna í Meginfelag teirra brekaðu stendur tú á odda fyri og samskipar virksemi hjá 24 áhugafeløgum. Felags fyri øll feløgini er, at tey onk­ ursvegna vilja gera bat­ar á økinum, tey sjálvi varða av, antin tað eru tey deyvu, tey blindu ella tey menn- ingartarnaðu. Limirnir í lima­feløgunum, sum vísa til tín, eru 6.000 í tali. Hetta er ein stórur prosentpartur av Føroya fólki. Millum lim­ ir­nar teljast fólk, sum bera brek, teirra avvarðandi og eisini einstøk fakfólk. Teirra áhugamál er í góðum hond­ um. Tí eingin er sum tú. Í tey átta árini tú hevur sitið við róðrið sum forkvinna í MBF, eri eg vís í, at handi­kap­poli­ tikkur er blivin meira kendur og viðurkendur millum fólk og politikarar. Tú hevur støð­ ugt roynt at barst fyri tínum limum. Hetta við at koma á tal við og gera tykkara ávirk­ an galdandi fyri politiska myndugleikanum, stovnum og fyri miðlunum. Og tað hevur tú megnað væl. Tú dugir at skera inn á bein, at vita hvørjum tú skal fara eftir og at stýra miðvíst. Tú hevur vunnið virðing millum fólk og felagsskapir. Tað er ikki einum og hvørjum beskorið. Fleiri batar eru komnir sein­astu árini, og í MBF blað­ num hava tit gjørt nógv burt­ urúr, á einum sak­lig­um støði, at varpa ljós á tey ymisku evnini. Og tí ert tú eisini sera fegin, nú tað sær út til, at eitt nú bústaðarviðurskiftini, hjá teimum, sum bera brek, fara at batna, hóast enn er nakað á mál. Børn og ungdómur liggur eisini sum eitt av fremstu málunum hjá MBF, og vón­ andi fara vit frameftir eisini at síggja ábøtur her. Støðan í løtuni er út av lagi. Fyri at lýsa veruleikan, hava tit í MBF blaðnum havt sam­ røður við fleiri familjur, sum eru fluttar av landinum, til tess at geva børnum sínum nøktandi skúlatilboð. Tílíkar søgur eru meir enn bara orð og krøv. Tær fortelja okk­ um um lívskarmarnar og ger­andisdagin hjá hesum før­oyingum í útlegd. Onki kemur av sær sjálvum, og eg veit, at tú fert at bretta upp um armar fyri at royna at fáa hesum málbólki betri kor. Tí, sum tú plagar at siga: ”Ungdómurin er okkara fram­tíð. Og hví skulu tey ikki fáa somu møguleikar, sum onnur, bara tí teimum feilar eitt hvørt?”. Vit í Ráðnum fyri brekað hava havt eitt sera gott samstarv við MBF og við teg sum forkvinnu. Tað er altíð ein fragd at skifta orð við teg um, hvussu vit nú skulu leggja tey ymsu málini til rættis. Tú plagar at siga, at: ”Mínar lívsroyndir siga mær at….” Jú, víst eru lívsroyndir eitt gott útgangsstøði, men vísdómur at brúka lívs­roynd­ irnar í verki, er eisini neyð­ ugur. Og vísdómin hevur tú. Vit takka fyri samstarvið, ynskja tær hjartaliga til lukku við fimmti ára degnum og blíðan byr til tín og Mourits. Ráðið fyri brekað Barbara á Tjaldrafløtti, forkvinna Heilsan til Leilu á fimmti ára degnum 5. februar Leila Solmunde, fimmti 5. februar TØKK SunnudagSSkúlin í Ebenezer er hvønn sunnudag kl. 12.00 Øll eru hjartaliga vælkomin! EbEnEzEr