mánadagur 6. februar 2012síða 16

Mánadagur 6. februar 2012 · Nr. 16 16 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen Vestmenningar høvdu upplagdan møguleika at fáa leiðsluna, tá 30 sekund restaðu í av dystinum. – Tað var kanska heppið, at vit fáa eitt stig burturúr, heldur Bartal Torkilsson Kamban. Hann vardi fyri skotroyndini hjá heimaliðnum. Neistin svaraði ikki aftur. 26-26 varð úrslitið. – Hetta úrslitið vísir, hvussu tætt oddastríðið er í løtuni. Hesin dyst­urin gav fyri so vítt heldur ongar ábendingar um, hvør vinnur kapp­ingina um annað plássið, sigur málverjin hjá Neistanum. Hetta var annars ein upplagdur møguleiki hjá báðum liðunum at vinna sær ein fyrimun í kapprenningini, nú liðini av álvara hava funnið saman í bólkar á stigatalvuni. Neistin omaná Tað vóru stríðshugaðu neista­menn­ inir, sum løgdu bragdligari fyri hesaferð. Álopsspælið var hug­flogs­ ríkt, og tað var ofta, at teir spældu seg til upplagdar møguleikar. Verju­ parturin var eisini sera væl skipaður, har tað eydnaðist at bróta spælið niður hjá VÍF. Tað var sostatt eisini uppiborið, at Neistin var á odda við fýra málum í hálvleikinum. – Vit vóru sjálvsagt bjartskygdir, meðan vit hvíldu okkum. Allir høvdu spælt upp til sítt besta, og eing­in skákaði sær undan síni upp­ gávu. Kortini missa vit leiðsluna skjótt eftir steðgin. Orkan fór kanska undan okkum, tí tað er ikki sama ferðin á okkara spæli í seinna hálv­leiki, sigur Bartal Torkilsson Kamban. Tað var ikki einasti trupulleikin. Blálittu gestirnir úr Havn vóru eisini óneyvir í góðum skotstøðum, meðan VÍF fór buldrandi avstað. Bæði liðini høvdu møguleikan at fáa avgerandi málið seinastu sekund­ini, men málverjarnir tveittu seg fyri bóltin. Breiður hópur Tummas Pauli Hanusarson og Daniel Hansson skrivaðu undir av­ talu við Neistan í januar, men tað hevur ikki sæst beinleiðis aftur á úrslitunum. Úrslitini hjá ver­ andi føroyameistarunum eru enn óstøðug. Neistin hevur vunn­ið seg í steypafinaluna, tapt granna­upp­ gerðina fyri Kyndli og spælt javnt í Vestmanna, meðan teir hava verið við. Bartal Torkilsson Kamban ivast hinvegin ikki í, at hendan tilgongdin fer at vísa seg at hava týdning. – Vit hava ein munandi breiðari hóp nú, og venjarin kann blanda kortini øðrvísi, sigur málverjin. Tað eru VÍF, Neistin og H71, sum togast um at spæla finalurnar um føroyameistaraheitið móti KÍF. Um hoyvíkingar vinna dystin, teir hava til góðar, eru øll liðini ájøvn í stig­ um. Tískil stendur kappingin enn víðopin. Uni Holm Johannesen Kollfirðingar vóru vónbrotnir, tá seinna hálvfinalan í steypa­kapp­ ingini var spæld fyri 10 døgum síðan, tá næstbesta liðið hjá H71 varp­aði teir út í myrkrið. Hesaferð kundu Jan Ottesen og hansara spæl­arar fáa uppreisn í Klaksvík, og tað tóktist heldur ongantíð sum, at óvænt­aða úrslitið í Hoyvíkshøllini darvaði kollfirðingarnar. KÍF vann uppiborið við trimum málum, 31-28. Sigurin ber við sær, at kollfirðingar førkaðu seg enn nærri FM-finalunum. Tað er kanska plástur á sárið, nú kollfirðingar skulu sita millum áskoðararnar, tá steypa­finalan verður spæld kom­ andi vikuskiftið. Løgu bragdliga fyri KÍF var stríðshugað fríggjakvøldið og legði bragdliga fyri. Verjuparturin var framrættaður, og gestirnir høvdu ongan hug at bíða eftir klaksvíkingum. Tað var torførasti knúturin at loysa hjá Team Klaks­ vík hetta kvøldið. Heimaliðið hevði einki mótsvar, men søplaðu oftast bóltin burtur eftir persónlig mistøk og rótut spæl. KÍF gagnnýtti síni skjótálop til fulnar. Gestirnir úr Kollafirði vunnu seg framum beinanvegin, og klaks­ víkingar hóttu ongantíð stórvegis. Tað vóru mest sum allatíð fýra mál, sum skiltu liðini. Tað var ikki ein greið leiðsla, men heimaliðið tók ikki dik á seg, og gestirnir høvdu full­komiliga tamarhald á støðuni. KÍF greiddi sína skyldu og buldrar víðari í landskappingini. Klaksvíkingar í menning Tað er stórur munur á Team Klaksvík, sum spældi í bestu mans­ deildini á fyrsta sinni síðsta kapp­ ingarár, og liðnum, sum roynir seg í ár. Tað vísir stigatalið fremst av øllum. Klaksvíkingar hava skavað 10 stig saman higartil. Tað er góð úrtøka sammett við, at teir fingu bara tvey stig til høldar síðsta kappingarár. Team Klaksvík er eitt nýtt hondbóltsfelag, og tað merkist, at fleiri spælarar mangla royndir. Tað er komið fyri fleiri ferðir í ár, at stríðshugaðu klaksvíkingarnir hava tveitt stig fyri borð seinastu minuttirnar. Tað kemur dátt við nú. Við trimum ella fýra stigum afturat í skjáttuni, høvdu klaksvíkingar verið við í stríðnum um at røkka finalunum um føroyameistaraheitið í dag. Úrtøkan higartil, sammett við síðsta kappingarár, ber í øllum førum boð um, at Team Klaksvík er væl og virðiliga á rættari kós. Klaks­ víkingar sleppa aftur at royna seg um tvær vikur, leygardagin tann 18. februar. Tá vitjar VÍF í bad­min­ton­ høllini í Klaksvík. KÍF hevur góð kort Tað er eingin ivi um, at kollfirðingar fara at manna annað liðið í final­ unum um gullmerkini. Spurningurin er, hvat hitt liðið verður. KÍF hevur bara tapt ein dyst í landskappingini higartil. Tað var fyri VÍF. Tað minnir ikki sørt um støðuna, sum Neistin var í um hetta mundi í fjør. Verandi føroyameistararnir megn­ aðu ikki at spæla við fullari ferð alt kappingarárið, tí avrikini vóru heldur óstøðug seinastu dyst­ir­nar. Serliga orsaka av, at liðið hevði í roynd og veru einki at spæla fyri. Neistin bíðaði bara eftir final­ unum. Um tað sama fer at vera galdandi fyri kollfirðingar, tað er torført at siga nú. Verður tað so, at KÍF fer niður í ferð næstu vikurnar, er hugs­andi, at hini liðini fara at vinna stig frá teimum. Stigini móti koll­ firðingum høvdu komið serliga væl við hjá VÍF, Neistanum og H71, sum stríðast um at røkka annað plássið, tí tað er bara VÍF higartil, sum hev­ ur tikið stig frá teimum – tað eru stig, sum eingin annar hevur. Nú er at spýta í lógvan. 18 stig eru eftir at spæla um. uni@sosialurin.fo Eingin steðgar kollfirðingum Hondbóltur Samfullar 10 sigrar upp í slag. Tað er úrtøkan hjá kollfirðingum í landskappingini seinastu vikurnar, sum stevna beint í finalurnar um føroyameistaraheitið. KÍF hevur spælt seg í somu støðu, sum Neistin var í um hetta mundi í fjør Úrslitið gav ongar ábendingar Hondbóltur – Hesin dysturin gav ongar ábendingar um, hvør vinnur kappingina um annað plássið, sigur Bartal Torkilsson Kamban, málverji hjá Neistanum, sum fekk annað stigi við sær út Vestmanna í gjár – Orkan fór kanska undan okkum, tí tað er ikki sama ferðin á okkara spæli í seinna hálvleiki, sigur Bartal Torkilsson Kamban, málverji hjá Neistanum Mynd: Álvur Haraldsen Atlantic Airways Deildin menn nr. Lið Dystir Vunnin mál Tapt mál Munur Stig 1 KÍF 14 403 327 76 26 2 VÍF 15 392 380 12 16 3 Neistin 15 393 388 5 16 4 H71 13 341 341 0 14 5 Team Klaksvík 14 371 398 -27 10 6 StÍF 13 311 341 -30 10 7 Kyndil 14 326 362 -36 6