mánadagur 6. februar 2012síða 17

17 Mánadagur 6. februar 2012 · Nr. 16 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen Eitt venjaraskifti hevur altíð ávirk­ an. Besta kvinnuliðið hjá Neist­ anum hevur heldur ikki dult fyri fjølmiðlunum, at tað kom óvart á, tá Birgir Hansen brádliga segði seg úr starvi eftir seinnu hálvfinaluna í steypakappingini. Tað hevur hin­ vegin ikki darvað stigaúrtøkuna hjá verandi oddaliðnum, at Kári Durhuus og Sigrun Mikkelsen nú standa við evstu ábyrgdini av lið­ num. Spælið hevur kanska ikki verið eins sannførandi sum fyrr, men stigini eru kortini fingin til høldar. Neistin vann við trimum mál­um í Vestmanna í gjár. Úrslitið var 33-30. Tóku ikki av Neistin legði betur fyri, men leiðslan var tepur. Ikki meira enn tvey mál skiltu liðini. Orsøkin var ser­liga, at gestirnir úr Havn tóku ikki av uppløgdu møguleikunum. Neista­kvinnurnar spældu seg fleiri ferðir í upplagdar skotstøður, men tær vóru ikki nóg avgjørdar, tá tær royndu seg móti málverjanum. Tað tóktist ávirka hugburðin hjá spælarunum, ið mest sum steðgaðu á, tá fyrra umfarið var hálvrunnið. Tá fór VÍF upp í ferð og fekk leiðsl­ una. Heimaliðið var á odda 16-14 í hálvleikinum. Tú kann altíð stríðast í ítrótti, hóast glið ikki er á spælinum. Tá tú gevst at stríðast í mótgongd, tá hevur tú givið skarvin yvir. Tað vildi Neistin eftir øllum at døma ikki. Neistakvinnur hildu fram at stríðast, og tað eydnaðist at venda dystargongdini. Við virðismiklum málum frá Nicoletu Radu Hansen og Barbaru Brauer fóru gestirnir aftur fram um VÍF, og Neistin helt leiðsluni til síðsta bríksl. Neistin greitt á odda Neistin hevur framvegis ikki mist fótafestið í landskappingini, og verandi føroyameistararnir stevna beint í finalurnar um føroya­meist­ ara­heitið. Tað skal ganga heilt galið, um Stjørnan ella VB, sum eru nærm­astu kappingarneytarnir, skulu troka tær av oddasessinum. Ávísar broytingar eru í umbúna eftir venjara­skiftið, men Neistin hevur enn skavað neyðugu stigini inn undir seg. Næsta vikuskiftið vitjar Stjørnan í høllini á Hálsi, og tá fáa Kári Durhuus, Sigrun Mikkelsen og neistakvinnurnar seg av álvara royndar. Sunset Deildin kvinnur nr. Lið Dystir Vunnin mál Tapt mál Munur Stig 1 Neistin 16 519 356 163 30 2 Stjørnan 15 388 342 46 22 3 VB 15 387 350 37 20 4 VÍF 15 374 391 -17 12 5 Kyndil 14 354 363 -9 11 6 StÍF 14 327 361 -34 8 7 Tjaldur 15 311 497 -186 1 Uni Holm Johannesen VB varðveitti sítt trýst á Stjørn­ unua, sum er nummar tvey, eftir landskappingardystin í Vági í gjár. Tað var millum lítið og einki, sum botnproppurin Tjaldri kundi gera við vágskvinnur, sum vunnu greitt. Úrslitið var 27-18. Tað ber við sær, at VB er enn tvey stig aftan fyri Stjørnuna, nú níggju umfør resta í. Eingin ivi VB fekk sostatt ikki stórvegis mót­ støðu fyri steypafinaluna móti Stjørnuni, sum skal spælast í høllini á Hálsi komandi vikuskiftið. Vágskvinnur vóru í øllum førum á vøllinum hetta vikuskiftið, meðan klaksvíkskvinnur hvíldu seg. Heima­liðið fekk leiðsluna alt fyri eitt, og spurningurin var bara, hvussu trivaligur sigurin fór at vera. VB tók­tist taka sær meira av løttum eftir hvíld­ina. Talan var ongantíð um eitt veruliga skrædl – níggju mál vóru á muni tá avtornaði. Vágskvinnur hava staðið seg væl í hesum kappingarárinum. Hetta er fyrstu ferð í nøkur ár, at VB er við í stríðnum um finalupláss, umframt at liðið hevur spælt seg í steypa­finaluna. Kappingarárið hjá vágskvinnur kann eins væl gerast eitt vónbrot, um bæði gullið í steypa­finaluni og finaluplássið um før­oyameistaraheitið gleppur teim­ um av hondunum. VB ætlar í øllum førum at gera sítt, so er spurn­ ingurin, um tað er nógmikið. uni@sosialurin.fo Uni Holm Johannesen Hondbóltssambandið kom við hesari fráboðanini á sínari heima­síðu um vikuskiftið, www. hsf.fo: – Vegna trot á dómarum er tíverri neyðugt at útseta Sunset- og AA-dystirnar millum Kyndil og StÍF, ið skuldu verða sunnu­ dagin tann 5. februar í høllini á Hálsi. Hetta hevur verið ein trupul­ leiki alt kappingarárið. Tað eru ov fáir dómarar til bestu hond­ bóltsdeildirnar. Tað ber við sær, at dystir verða útsettir, ella at kapp­ingarskráin má leggjast soleiðis til rættis, at dómarar fáa hvíld millum uppgávurnar. Hetta er ein trupulleiki, sum feløg­ini og HSF skal loysa í felag. Trupulleikin hevur leingi verið at fingið nýggj dómarapør. Hinvegin kann tað í øllum førum ikki vera nøktandi, at dystir verða brádliga útsettir, tí tað er trot á dómarum. Dystirnir millum Kyndil og StÍF í mansdeildini og kvinnu­ deildini verða ætlandi spældir týskvøldið. Kári vann í fyrstu royndini HONDBÓLTUR Kári Durhuus, sum tók við venjarastarvinum eftir Birgiri Hansen í síðstu viku, fekk bæði stigini, tá hann og Sigrun Mikkelsen saman stóðu á odda fyri besta kvinnuliðnum hjá Neistanum á fyrsta sinni. Oddaliðið mátti av álvara kýta seg hesaferð Dómaratrot elvir til útsettar dystir HONDBÓLTUR Tað eru ov fáir dómarar, sum eru førir fyri at døma bestu føroysku hondbóltsliðini. Dómaratrot var hetta vikuskiftið orsøkin til, at tveir dystir vóru útsettir Kappingin stendur við HONDBÓLTUR Stjørnan og VB kapprenna enn um at røkka finalunum um føroyameistaraheitið. Vágskvinnur vunnu lætt og einfalt á Tjaldri, meðan klaksvíkskvinnur hvíldu seg hetta vikuskiftið Myndatekstur: Kári Durhuus og Sigrun Mikkelsen standa nú við ábyrgdini av besta kvinnuliðnum hjá Neistanum Mynd: Álvur Haraldsen