mánadagur 6. februar 2012síða 20

Mánadagur 6. februar 2012 · Nr. 16 20 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Hósdagin 17. november var nógv fólk komið saman vesturi í Stópunum í Trongisvági, tá Sverre Midjord sum fyrrverandi borgar­stjóri og fyrrverandi TB-formaður fekk heiðurin at loysa fyrsta flagið til verkætlanina, Suðuroyar Ítróttar­ depil, sum skal hýsa nýggja heima­ vøll­inum hjá TB, sum nú aftur er í fremstu føroysku mansdeildini í fót­bólti. Sum skilst, gongst væl hjá Articon við jørð- og lendisarbeiðinum, og munur sæst á frá degi til dags, nú sjálvur vøllurin er planeraður og skervur verður koyrdur á. Av tí sama eru góðar vónir um, at settu tíðar­ætlanirnar fara at halda, men spurningurin er tó, um alt verð­ur púra klárt og liðugt, tá sjálv kapp­ ingin byrjar. Fríggjakvøldið hevði Tvøroyrar Bóltfelag ein kunnandi fund á Segl­loftinum á Tvøroyri, har felag­ ið legði fram sínar ætlanir fyri árið. Tað nógva av hesum snúði seg sjálvandi um fótbóltin, men eisini var givin frágreiðing um, hvussu gongst við Suðuroyar Ítróttar­depli, ið hevði tvey umboð við á fund­ inum. Oddur Dimon og Páll Nolsøe greiddu har frá, at sjálvur gras­ líkis­vøllurin ætlandi fór at verða klárur at leggja á umleið 20. mars, men at tað fór at taka eitt sindur long­ur tíð at fáa nýggja felagshúsið liðugt. Tað verður tó ætlandi klárt at taka í brúk í mai mánaði, og tá skuldi vøllurin havt 300 yvirdekkað sitipláss á syðru síðu av vøllinum. Lænt Sevmýri ókeypis Verður alt ikki liðugt til tíðina, kann gerast neyðugt hjá TB at fáa undantaksloyvi frá Fótbólts­sam­ bandinum. Skal spælast á nýggja vøllinum, men skiftast í ítróttar­ høllini, skal loyvi fáast til tað, og ymisk onnur krøv eru eisini, ið skulu nøktast, tá spælt verður í bestu deildini. Mest upplagdi møguleikin vildi sjálvandi verið, at TB spældi sínar heimadystir í Vági, til alt var komið upp á pláss í Trongisvági, men okk­ urt kundi bent á, at hetta er lættari sagt enn gjørt. Í fjør hevði TB heima­vøll í Hvalba, men tað er ikki ein møguleiki, nú liðið er í bestu deildini. Sum skilst, hevur TB spurt seg fyri hjá Vágs kommunu, um gjør­ ligt var at lána vøllin tvey kvøld um vikuna, men svarið frá kommununi var ikki akkurát tað, tvøramenn høvdu væntað sær. Vágs kommuna vildi hava eina bindandi avtalu gjørda fyri fýra mánaðir, har TB skuldi rinda 12.000 krónur um mán­aðin fyri at venja á Vágseiði týskvøld og fríggjakvøld eftir klokkan 20. Á fjepparasíðuni hjá TB á Face­ book og aðrastaðni á internetinum eru fleiri tvørafólk, ið geva ilt av sær og vísa á, at hetta ikki sømir seg vág­bingum, tí fleiri ferðir hevur VB lænt vøllin á Sevmýri við øllum tilhoyrandi hentleikum, so sum brúsu og øðrum, uttan at tað hevur kostað felagnum eina einastu krónu. TB trívist í Vági Svarið, ið TB skal hava givið Vágs kommunu, snúði seg eisini um tað, fleiri av kjakarunum nevna á internetinum, at gestablídnið mátti gingið báðar vegir, tá tað kemur til at lána vøll frá hvørjumøðrum, men óvist er, um nakað svar er komið. Mentanarnevndin í Vágs komm­ unu skuldi hava fund um málið í gjár, men okkum eydnaðist ikki at fáa fatur í forkvinnuni har undan okkara evstamarki. Heldur ikki ber til at fáa nakra ítøkiliga viðmerking frá Tvøroyrar Bóltfelag, tí formaðurin í felagnum, André Dalfoss, sigur seg ikki vilja gera nakra viðmerking til mál­ið. Men hann sigur seg hava vónir um, at vøllurin í Stópunum verð­ur klárur tann 25. mars, so TB kann sleppa at brúka hann við undan­ taks­loyvi til umklæðing í ítróttar­ høll­ini, hóast húsið ikki verður klárt beinanvegin. Hvussu er og ikki, so noyðist TB at hava tingini avklárað, áðrenn fótbóltskappingin fer í gongd, og onkur av kjakarunum hevur – helst í skemti – nevnt, at TB kanska noyð­ ist til Havnar at spæla sínar fyrstu heimadystir. Tað man vera ein lítið trúligur møguleiki kortini, tí helst man bera til at finna onkra semju um, at TB kann spæla í Vági, um ikki ber til at spæla í Trongisvági beinan­vegin. Skuldi TB endað í Vági, hevði tað kanska heldur ikki gjørt so nógv, tí liðið sær út til at trívast væl har. Í gjár vann TB í øllum førum 3-1 á FC Suðuroy í ársins fyrsta venjingar­ dysti á Vágseiði… TB fer kanska til Vágs Fótbóltur Verður ikki klárt at spæla fyrstu heimadystirnar á nýggja heimavøllinum í Trongisvági, noyðist TB kanska til Vágs at spæla. Men tað verður neyvan, um Vágs kommuna skal hava nógvar pengar afturfyri, hóast VB í síni tíð hevur lánt Sevmýri ókeypis við øllum tilhoyrandi hentleikum GONGUR VÆL Skjótt eru tríggir mánaðir, síðani Sverre Midjord loysti fyrsta flagið til Suðuroyar Ítróttardepil í Stópunum í Trongisvági, og sum skilst, gongur væl við arbeiðinum at gera TB nýggja vøll Mynd: Tvøroyrar kommuna Hilmar Jan Hansen Í sambandi við val av undir­ nevndum, sum er farið fram eftir síðsta aðal­fund­in í FIFA, er forsetin í Fótbólts­sam­band­ inum, Christian Andreasen, valdur sum limur í yvir­kæru­ nevndin hjá FIFA. Henda nevnd er hægsti kæru­myndugleiki innan FIFA og tekur støðu til kærur av mál­ um, sum hava verið við­gjørd í aganevndini og etisku nevnd­ ini. Talan er um eina týðandi nevnd, sum ofta tekur støðu til mál av stórum principiellum tydningi og sum ofta fáa nógva umrøðu. – Síðstu fýra árini hava Før­ oyar ikki havt nakran nevndar­ sess í FIFA. Tí eru vit sjálv­andi fegnir yvir, at vit um­síðir aftur eru partur av nevndar­ ar­beiðinum í altjóða fót­bólts­ sam­gonguni, sigur Christian Andreasen við heimasíðuna hjá Fót­bóltssambandinum. – Nýggi nevndarsessurin gev­ur okkum møguleika at ger­ast enn sjónligari í FIFA og har­við fáa vit eisini størri ávirkan. hilmarjan@sosialurin.fo FSF týðandi sess í FIFA Fótbóltur Sum liður í broytingunum í reglugerðini hjá FIFA, hevur altjóða fótbóltssamgongan gjørt av, at hvørt av teimum tilsamans 208 limalondunum skal í minsta lagi hava ein nevndarsess í onkrum av undirnevndunum hjá FIFA Sunset-kappingin 07/02 18.30 Kyndil - StÍF Atl Airways-kappingin 07/02 20.00 Kyndil - StÍF Eik-ligan menn 07/02 19.30 Fleyr - ÍF 08/02 20.00 Mjølnir - SÍ Dystir í vikuni: Christian Andreasen, forsetin í Fótbólts­sam­band­inum, er valdur sum limur í yvir­kæru­nevndin hjá FIFA Savnsmynd