mikudagur 8. februar 2012síða 14

Mikudagur 8. februar 2012 · Nr. 17 14 Sosialurin Hugskot og viðmerkingar – send sms til 225000 Til minnis um Jákup Andrias Hentze f. 19.01.67 - d. 11.01.12 Ikki vardi tað meg, tá ið telefonin ringdi 11. januar og eg fekk at vita, at tú ikki var ímillum okkum longur. Tá steðgaði alt upp. 14. september í farna ári var tú í Skálavík og hugdi eftir arbeiðinum, ið tit skuldu gera her. Vit fingu eitt orduligt klemm frá tær, og tú tosaði um øll tey góðu minnir, ið tú hevði her frá. Tú segði; fastur eg komi skjótt aftur. Men so skuldi ikki verða. Útlongsul hevur tú altíð havt. 14 ára gamal var tú í Venezuela við einum hjálparfelagskapi. Tú gloymdi tó ikki okkum, men keypti tinganest heim við, og er hetta okkum eitt gott minni í hesi sváru tíð. Eitt skifti arbeiddi tú í Afrika, har tú hitti konu tína Olgu. So seint sum í desember í fjør vóru tit ein túr í Egyptalandi. Kona og børn, foreldur og systkin, Harrin hjálpur tykkum at koma víðari. Hvíl í friði. Fastir tín, Bodil "Saknið tungan harmin vekur at so dátt vit mistu teg Harrin gevur, Harrin tekur ei vit skilja Harrans veg.   Ei á foldum finnist tann lívsins gátu grunda kann best sum sólin fagrast skínur deyðin inn um dyrnar trínur." Nøvn TØKK 90 ára føðingardagur 18. februar fyllir Oddvald Sømark í Skálavík 90 ár. Dagurin verður hildin í bygdarhúsinum “Kelduni” í Skálavík sunnudagin 19. februar. Borðhaldið byrjar stundisliga kl. 14 og endar kl.17. Tey, ið ynskja at verða við til føðingardagshaldið verða biðin um at tekna seg áðrenn 12. februar hjá dóttrini Jóhannu Sømark, tlf 281396. 80 ára føðingardagur Mikudagin 8. februar verður Tórur Olsen 80 ár. Dagurin verður hildin saman við børnunum. 70 ára føðingardagur Leygardagin 11. februar fyllir Jóannes Gøthe, Norðragøta, 70 ár. Dagurin verður hildin í Gøtubrá eftir kl. 18. Øll eru hjartaliga vælkomin. Nógv eru tey, ið altíð hava kallað ølið hjá Føroya Bjór Einar´s øl. Starvsfólkið hevur valt at heiðra stjóran við einum serligum heiðursbryggi, kall­ að Einar´s Special. Hettar í samband við føðingardagin hjá Einar, og at hann hevur starvast á Føroya Bjór í fleiri enn 40 ár. Einar Waag, stjóri á Før­ oya Bjór, er sonur gamla Einar Waag og Onnu Malenu Joensen úr Sørvági. Pápi gamla Einar, Símun í Vági, var giftur Karin, ættað úr Funningsstovu í Havn. Sím­ un í Vági tók stig til Føroya Bjór og fór at bryggja í 1888. Í dag starvast umleið 40 fólk á Føroya Bjór runt um alt landi. Einar Waag virkar í dag sum stjóri á eini av elstu fyritøkum í Føroyum, sum hann hevur havt undir hond seinastu 42 árini. Eftir lokið Studentsprógv, fór Einar undir útbúgving sum bryggjmeistari og fekk hann prógv í Munchen í 1968. Tvey ár seinni, í 1970 tók Einar við sum leiðari á Føroya Bjór bara 23 ára gamal. Í hansara leiðslutíð hevur  bryggjaríið ment seg frá einum minni virki til í dag at vera eitt nýmótans ídnaðarvirki. Einar giftist Elisu Holm úr Havn í 1974, og eiga tey dóttrina Anniku. Einar hevur altíð verið virkin, har íðnaðurin er gald­andi, og hann er sera nær­lagdur, tá tað kemur til góðsku. Tí er ikki so løgið, at Einar´s øl eisini hevur fingið góð skoðs­mál uttanlands. Hjartaliga tillukku við føðingardegnum og takk fyri gott samstarv. Ynskja, Starvsfelagar á Føroya Bjór Heilsan frá Starvsfólkunum á Føroya Bjór Eina Einar's øl  - hjartaliga tillukku Einar´s Special  Einar´s Special er ein gylt bjór við góðari samanseting av fleiri ymiskum maltsløgum, humlu og tí besta savnað úr føroysku nátturuni. Einar Waag hevur ein serligan tokka og stóra vitan um føroysku nátturuna, fuglar, plantur og alt livandi. Tí hava starvsfelagarnir á Føroya Bjór valt føroysku náttúruna sum íblástur til Einar´s Special. Í fjør varð savnað eitt úrval av urtum og plantum úr føroysku náttúruni, hettar gevur Einar´s Special eitt eykað krydd. Bert ein avmarkað nøgd er bryggjað fyri at heiðra Einar Waag á føðingardegnum. Fakta